16 laxar á land fyrsta daginn í Langá Karl Lúðvíksson skrifar 20. júní 2018 09:00 Sigurjón með lax af Breiðunni í Langá í gær. Mynd: Jógvan Hansen Langá á Mýrum opnaði fyrir veiði í gær en áin opnaði að þessu sinni tveim dögum fyrr en venjulega. Það er óhætt að segja að áin hafi komið á óvart en mikið líf var á neðri svæðum hennar og greinilega nokkuð af laxi að ganga. Fyrsti laxinn kom á land á Breiðunni neðan við Skugga sem er einn skemmtilegasti veiðistaðurinn í ánni á þessum tíma þegar lax er að ganga. Það var mikið af tveggja ára laxi í afla dagsins en stærstu laxarnir voru 85 sm og 80 sm sem veiddust í Bárðarbungu. Lax veiddist á Hrafnseyri sem er nokkuð ofarlega í ánni og laxar sáust víðar. Heildartala dagsins var 16 laxar og miðað við gang mála verða næstu holl í góðum málum. Gott vatn er í ánni miðað við síðustu tvö ár en vatnið í ánni núna er svipað og það var við opnun 2015 sem var eitt besta árið í Langá þegar 2.616 laxar veiddust í ánni. Sumarið í fyrra var líka gott þrátt fyrir erfið skilyrði lengst af í ágúst vegna brakandi sólskins en þá veiddist 1.701 lax í ánni. Mest lesið Sjóbirtingsveiðin fer vel af stað Veiði 22 útskrifaðir úr námi í veiðileiðsögn Veiði Lax að stökkva á Breiðunni í Langá Veiði 177 laxar komnir úr Affallinu Veiði 164 laxar á einni vakt í Ytri Rangá Veiði Fyrirmyndar leiðsögn um Hörgá Veiði Rauður Frances sterkur síðsumars Veiði Laxá í Ásum fór á 28 milljónir Veiði Eystri Rangá með flesta veidda laxa í vikunni Veiði Góð veiði í Steinsmýrarvötnum Veiði
Langá á Mýrum opnaði fyrir veiði í gær en áin opnaði að þessu sinni tveim dögum fyrr en venjulega. Það er óhætt að segja að áin hafi komið á óvart en mikið líf var á neðri svæðum hennar og greinilega nokkuð af laxi að ganga. Fyrsti laxinn kom á land á Breiðunni neðan við Skugga sem er einn skemmtilegasti veiðistaðurinn í ánni á þessum tíma þegar lax er að ganga. Það var mikið af tveggja ára laxi í afla dagsins en stærstu laxarnir voru 85 sm og 80 sm sem veiddust í Bárðarbungu. Lax veiddist á Hrafnseyri sem er nokkuð ofarlega í ánni og laxar sáust víðar. Heildartala dagsins var 16 laxar og miðað við gang mála verða næstu holl í góðum málum. Gott vatn er í ánni miðað við síðustu tvö ár en vatnið í ánni núna er svipað og það var við opnun 2015 sem var eitt besta árið í Langá þegar 2.616 laxar veiddust í ánni. Sumarið í fyrra var líka gott þrátt fyrir erfið skilyrði lengst af í ágúst vegna brakandi sólskins en þá veiddist 1.701 lax í ánni.
Mest lesið Sjóbirtingsveiðin fer vel af stað Veiði 22 útskrifaðir úr námi í veiðileiðsögn Veiði Lax að stökkva á Breiðunni í Langá Veiði 177 laxar komnir úr Affallinu Veiði 164 laxar á einni vakt í Ytri Rangá Veiði Fyrirmyndar leiðsögn um Hörgá Veiði Rauður Frances sterkur síðsumars Veiði Laxá í Ásum fór á 28 milljónir Veiði Eystri Rangá með flesta veidda laxa í vikunni Veiði Góð veiði í Steinsmýrarvötnum Veiði