Orkan opnar tvær nýjar vetnisstöðvar

Margir muna eftir vetnisstöðinni sem starfrækt var við Grjótháls á árunum 2003-2012. Nú í júní mun Orkan hefja þar vetnissölu á ný ásamt annarri slíkri stöð við Fitjar í Reykjanesbæ. Á fundi Orkunnar um vetnisbíla sem fram fór í dag, kom fram að hægt verði að kaupa vetnisbíla frá Hyundai og Toyota á sambærilegu verði dísel- og bensínbíla.

Nú þegar hafa Toyota og Hyundai vetnisbifreiðar verið fluttar til landsins og hafa þær notið gríðarlegra vinsælda enda eru þær nánast uppseldar.

„Í haust koma fleiri Hyundai-bifreiðar og hægt er að hafa samband við Hyundai til að panta sér slíkan bíl,“ segir Ingunn Agnes Kro, framkvæmdastjóri Íslenska vetnisfélagsins.