Glamour

Fylgja SKAM eftir með glænýrri seríu

Ritstjórn skrifar

Norska ríkissútvarpið freistar þess nú að fylgja eftir grífurlegum vinsældum sjónvarpsþáttana SKAM með nýrri seríu sem er væntanleg síðar á árinu. 

Um er að ræða unglingaseríu sem nefnist Lovleg og gerist, líkt og SKAM, í menntaskóla en að þessu sinni í afskekkta bænum Sandane í Noregi. Tökur hefjast í sumar og hafa verið gerðar leikaraprufur meðal unglinga í bænum, sem sjá um að leika í þáttunum. Lovleg hefur verið lýst sem einskonar landsbyggðar útgáfa af SKAM þar sem krökkunum er fylgt eftir þar sem þau eru að flytja að heiman. 

Lovleg verður líkt og SKAM aðgengileg á vefsíðu NRK síðar á þessu ári. Þetta eru gleðitíðindi fyrir hina fjölmörgu aðdáendur SKAM sem hefðu gjarna þegið nokkrar seríur í viðbót frá krökkunum við Hartvig Nissen skólann í Osló. 

Við værum alveg til í að sjá þessi tvö aftur á skjánum.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.