Þórdís er nýr liðsstjóri á skatta- og lögfræðisviði hjá Deloitte

Í byrjun árs gekk Þórdís Bjarnadóttir, lögmaður, til liðs við Deloitte og mun starfa sem liðsstjóri á skatta- og lögfræðisviði félagsins. Þórdís hefur starfað hjá ADVEL lögmönnum undanfarin 6 ár og hefur meðal annars sérhæft sig í ráðgjöf til fyrirtækja, samrunar, yfirtökur og fjármögnun fyrirtækja. Áður en Þórdís hóf störf hjá ADVEL þá starfaði hún m.a. sem lögfræðingur hjá Viðskiptaráði Íslands.

„Áhersla okkar er að veita viðskiptavinum Deloitte skatta- og lögfræðiráðgjöf í hæsta gæðaflokki. Við erum því afskaplega ánægð með að fá Þórdísi til liðs við okkur. Sérfræðiþekking og yfirgripsmikil reynsla Þórdísar fellur vel að þjónustuframboði sviðsins og lengri tíma áherslum,“ segir Bjarni Þór Bjarnason, sviðsstjóri skatta- og lögfræðisviðs Deloitte.

Um Deloitte

Deloitte er stærsta fyrirtæki heims á sviði endurskoðunar og ráðgjafar. Um 260.000 manns starfa hjá fyrirtækinu í yfir 150 löndum um allan heim. Það er leiðandi á sínu sviði og þjónar mörgum af stærstu fyrirtækjum heims, auk þess að þjóna stórum og smáum atvinnurekstri í þeim löndum sem það er með starfsemi í.