Sögðu bless við Ísland 2017 Elín Albertsdóttir skrifar 3. janúar 2018 09:30 Alsæl í Danmörku. Jóhann Hauksson og Ingveldur Guðrún Ólafsdóttir tóku afdrifaríka ákvörðun á síðasta ári og fluttu til Jótlands. Hjónin Ingveldur Guðrún Ólafsdóttir og Jóhann Hauksson tóku sig til á síðasta ári og fluttu til Danmerkur. Það var ekki eingöngu ævintýraþrá heldur vildu þau lifa lífinu án þess að vera stöðugt með fjárhagsáhyggjur. Ingveldur vann lengi á Rás 1 auk þess sem hún er menntuð söngkona. Jóhann hefur lengi starfað sem blaða- og fréttamaður auk þess sem hann var upplýsingafulltrúi ríkisstjórnar Jóhönnu Sigurðardóttur. Þau voru hvorugt með fasta vinnu á Íslandi sem kom niður á fjárhagnum. Ingveldur segir að þau hafi í fyrstu ætlað að flytja til Svíþjóðar á slóðir þar sem Jóhann stundaði nám á sínum tíma.Ingveldur og Jóhann hafa verið að dytta að húsinu og hafa gert það mjög kósí.Féll fyrir staðnum „Það er í rauninni algjör tilviljun að við settumst að í Danmörku,“ greinir hún frá. „Ég sagði upp hjá Ríkisútvarpinu korter í hrun á Íslandi og satt að segja er mjög erfitt fyrir fólk á okkar aldri að fá vinnu heima. Við vorum meira og minna að vinna frílans sem er ekki mjög öruggt. Á meðan óx húsnæðislánið okkar mikið eftir bankahrunið. Við vildum því slíta þessu viðskiptasambandi okkar við Arion banka,“ segir Ingveldur. „Í fyrra ákváðum við að heimsækja frænda minn hér á Suður-Jótlandi en ég hafði aldrei áður komið á þessar slóðir. Ég féll gjörsamlega fyrir þessum stað. Hér eru fasteignir mun ódýrari en á Íslandi. Bærinn heitir Kvær sem tilheyrir bænum Gråsten þar sem sumarhöll Margrétar Þórhildar drottningar er og nálægt þýsku landamærunum,“ segir Ingveldur. „Þetta er algjör paradís. Það tekur okkur aðeins 20 mínútur að fara til Flensborgar.“Það vekur kannski furðu fólks að Ingveldur hafði jólatréð á hvolfi. Hún segir ástæðuna vera þá að þau hafi sett líf sitt á hvolf og þetta er tákn um það. Á næstu jólum verður jólatréð sett upp eins og hjá öðru fólki.Mun ódýrara húsnæði Þegar þau skoðuðu fasteignaauglýsingar á Suður-Jótlandi komust þau að því að húsnæðisverð var ekkert í líkingu við það sem þekkist hér á landi. Þau sáu að með því að selja fasteignina á Íslandi og kaupa á þessum stað yrðu þau mun betur stödd fjárhagslega auk þess að losna við skuldir. „Þetta gat ekki verið betra,“ segir Ingveldur og bætir við: „Fyrir utan það erum við með annan fótinn í Þýskalandi og getum auðveldlega keyrt um Evrópu. Ég er nokkrum sinnum búin að skreppa til dóttur minnar sem býr í Berlín,“ segir hún en Hildur Guðnadóttir tónskáld er dóttir Ingveldar. Hún hefur nýlega samið tónlist fyrir tvær Hollywood-kvikmyndir.Sjónvarpsstofan er með fallegum gluggum sem snúa að garðinum.„Búslóðin okkar kom í júlí en við fluttum samt ekki fyrr en í lok ágúst. Síðan höfum við verið að standsetja húsið að okkar þörfum. Skiptum um eldhúsinnréttingu og höfum dyttað að einu og öðru. Því er ekki enn lokið, við erum enn að koma okkur fyrir. Þetta er stórt hús eða 243 fermetrar, yndislegt fjölskylduhús. Ég vildi hafa stóra borðstofu þar sem gestkvæmt er hjá okkur. Auk þess vildum við vera með nokkur aukaherbergi til að taka á móti ættingjum og vinum. Þau hafa verið vel nýtt. Það liggur við að maður hitti fjölskylduna oftar hér úti en á Íslandi.“Gamalt en fallegt hús sem þau Ingveldur og Jóhann fengu á mjög góðu verði.Spennandi tímar Ingveldur segist bíða eftir vorinu en þau eru með fallegan garð sem hún hlakkar til að sinna. „Hér er mun meiri veðursæld en á Íslandi. Ég er bjartsýn á nýju ári og finnst afar spennandi tímar fram undan. Þetta er búið að vera ótrúlega skemmtilegt og mér finnst frábært að hafa tekið þessa ákvörðun áður en maður verður orðinn of gamall. Þá má geta þess að heilbrigðisþjónustan, og þar með talin tannlæknaþjónusta, er góð fyrir verðandi fullorðið fólk og töluvert ódýrari svo og lyf,“ segir Ingveldur en þau Jóhann eiga samtals fimm börn sem öll eru flogin úr hreiðrinu og fjögur barnabörn.Garðurinn er gróskumikill og Ingveldur hlakkar til að vinna í honum í sumar.xIngveldur er fagurkeri og leggur hér fallega á borð um áramótin.xSkemmtilegur gluggi í eldhúsinu.xHúsið er stórt og vel fer um þau hjónin, enda er gestkvæmt hjá þeim.x Mest lesið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Fréttatía vikunnar: Skúlptúrar, ráðherrarifrildi og EM Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Líður bókstaflega óstöðvandi í góðu fitti Tíska og hönnun Bubbi hrærður: Trúir því að Níu líf muni á endanum vakna að nýju Lífið Arnar Þór selur Arnarneshöllina Lífið Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Áttaði sig á stöðunni á fundi með Höllu Ungt athafnapar keypti hönnunarhús Margrétar í Garðabæ Sjá meira
Hjónin Ingveldur Guðrún Ólafsdóttir og Jóhann Hauksson tóku sig til á síðasta ári og fluttu til Danmerkur. Það var ekki eingöngu ævintýraþrá heldur vildu þau lifa lífinu án þess að vera stöðugt með fjárhagsáhyggjur. Ingveldur vann lengi á Rás 1 auk þess sem hún er menntuð söngkona. Jóhann hefur lengi starfað sem blaða- og fréttamaður auk þess sem hann var upplýsingafulltrúi ríkisstjórnar Jóhönnu Sigurðardóttur. Þau voru hvorugt með fasta vinnu á Íslandi sem kom niður á fjárhagnum. Ingveldur segir að þau hafi í fyrstu ætlað að flytja til Svíþjóðar á slóðir þar sem Jóhann stundaði nám á sínum tíma.Ingveldur og Jóhann hafa verið að dytta að húsinu og hafa gert það mjög kósí.Féll fyrir staðnum „Það er í rauninni algjör tilviljun að við settumst að í Danmörku,“ greinir hún frá. „Ég sagði upp hjá Ríkisútvarpinu korter í hrun á Íslandi og satt að segja er mjög erfitt fyrir fólk á okkar aldri að fá vinnu heima. Við vorum meira og minna að vinna frílans sem er ekki mjög öruggt. Á meðan óx húsnæðislánið okkar mikið eftir bankahrunið. Við vildum því slíta þessu viðskiptasambandi okkar við Arion banka,“ segir Ingveldur. „Í fyrra ákváðum við að heimsækja frænda minn hér á Suður-Jótlandi en ég hafði aldrei áður komið á þessar slóðir. Ég féll gjörsamlega fyrir þessum stað. Hér eru fasteignir mun ódýrari en á Íslandi. Bærinn heitir Kvær sem tilheyrir bænum Gråsten þar sem sumarhöll Margrétar Þórhildar drottningar er og nálægt þýsku landamærunum,“ segir Ingveldur. „Þetta er algjör paradís. Það tekur okkur aðeins 20 mínútur að fara til Flensborgar.“Það vekur kannski furðu fólks að Ingveldur hafði jólatréð á hvolfi. Hún segir ástæðuna vera þá að þau hafi sett líf sitt á hvolf og þetta er tákn um það. Á næstu jólum verður jólatréð sett upp eins og hjá öðru fólki.Mun ódýrara húsnæði Þegar þau skoðuðu fasteignaauglýsingar á Suður-Jótlandi komust þau að því að húsnæðisverð var ekkert í líkingu við það sem þekkist hér á landi. Þau sáu að með því að selja fasteignina á Íslandi og kaupa á þessum stað yrðu þau mun betur stödd fjárhagslega auk þess að losna við skuldir. „Þetta gat ekki verið betra,“ segir Ingveldur og bætir við: „Fyrir utan það erum við með annan fótinn í Þýskalandi og getum auðveldlega keyrt um Evrópu. Ég er nokkrum sinnum búin að skreppa til dóttur minnar sem býr í Berlín,“ segir hún en Hildur Guðnadóttir tónskáld er dóttir Ingveldar. Hún hefur nýlega samið tónlist fyrir tvær Hollywood-kvikmyndir.Sjónvarpsstofan er með fallegum gluggum sem snúa að garðinum.„Búslóðin okkar kom í júlí en við fluttum samt ekki fyrr en í lok ágúst. Síðan höfum við verið að standsetja húsið að okkar þörfum. Skiptum um eldhúsinnréttingu og höfum dyttað að einu og öðru. Því er ekki enn lokið, við erum enn að koma okkur fyrir. Þetta er stórt hús eða 243 fermetrar, yndislegt fjölskylduhús. Ég vildi hafa stóra borðstofu þar sem gestkvæmt er hjá okkur. Auk þess vildum við vera með nokkur aukaherbergi til að taka á móti ættingjum og vinum. Þau hafa verið vel nýtt. Það liggur við að maður hitti fjölskylduna oftar hér úti en á Íslandi.“Gamalt en fallegt hús sem þau Ingveldur og Jóhann fengu á mjög góðu verði.Spennandi tímar Ingveldur segist bíða eftir vorinu en þau eru með fallegan garð sem hún hlakkar til að sinna. „Hér er mun meiri veðursæld en á Íslandi. Ég er bjartsýn á nýju ári og finnst afar spennandi tímar fram undan. Þetta er búið að vera ótrúlega skemmtilegt og mér finnst frábært að hafa tekið þessa ákvörðun áður en maður verður orðinn of gamall. Þá má geta þess að heilbrigðisþjónustan, og þar með talin tannlæknaþjónusta, er góð fyrir verðandi fullorðið fólk og töluvert ódýrari svo og lyf,“ segir Ingveldur en þau Jóhann eiga samtals fimm börn sem öll eru flogin úr hreiðrinu og fjögur barnabörn.Garðurinn er gróskumikill og Ingveldur hlakkar til að vinna í honum í sumar.xIngveldur er fagurkeri og leggur hér fallega á borð um áramótin.xSkemmtilegur gluggi í eldhúsinu.xHúsið er stórt og vel fer um þau hjónin, enda er gestkvæmt hjá þeim.x
Mest lesið „Þetta er enginn helvítis félagskvíði, það bara þolir mig enginn“ Áskorun Hvers vegna tölum við um bongóblíðu? Lífið Fréttatía vikunnar: Skúlptúrar, ráðherrarifrildi og EM Lífið Heiður Ósk og Davíð eru nýtt par Lífið Fékk skyndihugmynd og er nú í blómahafi heima fyrir Lífið Líður bókstaflega óstöðvandi í góðu fitti Tíska og hönnun Bubbi hrærður: Trúir því að Níu líf muni á endanum vakna að nýju Lífið Arnar Þór selur Arnarneshöllina Lífið Tengdasonur Íslands trúðaði Simon Cowell upp úr skónum Bíó og sjónvarp Tólf klukkustunda gjörningur í Hörpu í dag Lífið Fleiri fréttir Hvers vegna tölum við um bongóblíðu? Tólf klukkustunda gjörningur í Hörpu í dag Torfbærinn í Vesturbænum sem stóð fram á níunda áratuginn Bubbi hrærður: Trúir því að Níu líf muni á endanum vakna að nýju Fréttatía vikunnar: Skúlptúrar, ráðherrarifrildi og EM Arnar Þór selur Arnarneshöllina Á 90 þúsund servíettur í Hafnarfirði Heiður Ósk og Davíð eru nýtt par Fékk skyndihugmynd og er nú í blómahafi heima fyrir Einstakur Fender Telecaster í Hljóðfærahúsinu Fólk ferðist alla leið frá Ástralíu til að sækja Víkingahátíðina Tignarleg miðbæjaríbúð Helgu Ólafs til sölu Íslensk lopapeysa flutt milli heimsálfa vegna mestu eftirsjár ævinnar Breytti hænsnahúsi í verkstæði sitt Teknóhátíð á Radar alla helgina Enn neisti hjá Bad Bunny og Kendall Jenner Banjóleikari frá Nashville með Baggalúti og Sinfó Hugsar hlýtt til áranna í Los Angeles Aníta Briem og Hafþór eiga von á barni Selur húsið í Garðabæ eftir kaupin á glæsihúsi Ingu Lindar Sjö daga afmælissæla í Reykjanesbæ Þrjú hundruð börn reyna að dorga furðulegasta fiskinn Bara 33 ára og lífið á eftir að koma í ljós Daði keypti hús Jóns Jónssonar með mömmu sinni á yfirverði „Ég væri ekkert án þeirra“ Gekk í tvo tíma að flugvellinum til að komast hjá leigubílagjaldi Friðrik Ómar setur Reykhúsið aftur á sölu og lækkar verðið Linda lætur sér Lindarbraut lynda Áttaði sig á stöðunni á fundi með Höllu Ungt athafnapar keypti hönnunarhús Margrétar í Garðabæ Sjá meira