Kalla inn Hafrakökur frá Myllunni

Myllan hefur innkallað Myllu Hafrakökur, Bónus Hafrakökur og Hagkaups Hafrakökur vegna aðskotahlutar sem fannst í einni köku. Ákvörðunin um innköllun er tekin að höfðu samráði við Heilbrigðiseftirlit Reykjavíkur.

Frá þessu greinir á vef Reykjavíkurborgar.

„Eftirfarandi upplýsingar auðkenna vörurnar sem innköllunin einskorðast við:

Vöruheiti:  Myllu Hafrakaka, Bónus Hafrakaka og Hagkaups Hafrakaka

Vörunúmer: 1505, 1485, 1488

Strikanúmer: 5690568015056, 5690568014851, 5690568014882

Nettómagn: 100 g

Best fyrir: til og með 31. janúar 2018

Framleiðandi: Myllan, Skeifunni 19, 108 Reykjavík

Dreifing: Verslanir um land allt

Neytendur sem keypt hafa Hafrakökur með framangreindum dagsetningum mega skila þeim í verslanir þar sem kökurnar voru keyptar eða til Myllunnar, Skeifunni 19, milli 8-16 alla virka daga. Nánari upplýsingar fást hjá Gæðadeild Myllunnar í síma 5102379 & 5102379 eða netfang: gaedastjori@myllan.is,“ segir í fréttinni.