Allt í háaloft vegna skyndilegs brotthvarfs yfirþjálfara Ægis Kolbeinn Tumi Daðason og Þórhildur Erla Pálsdóttir skrifa 24. apríl 2018 23:30 Jacky Pellerin fer yfir málin með Eygló Ósk Gústavsdóttur, fremstu sundkonu landsins. Vísir/Daníel Þau tíðindi að Jacky Pellerin, yfirþjálfari hjá Sundfélaginu Ægi, muni hætta störfum hjá félaginu eftir nokkrar vikur mælast afar illa fyrir hjá fjölda iðkenda og foreldra þeirra. Tíðindin virðast hafa komið þeim í opna skjöldu. Jacky segir ákvörðunina félagsins og eiginkona hans segir útlitið ekki gott fyrir 90 ára sögu Ægis. Í tilkynningu á heimasíðu Ægis í fyrrakvöld var hins vegar látið að því liggja að Jacky hefði sjálfur ákveðið að hætta.Nýr þjálfari þegar verið ráðinn „Að loknu Íslandsmeistaramóti í dag tilkynnti Jacky Pellerin sundmönnum Ægis að þetta hafi verið hans síðasta stórmót sem yfirþjálfari félagsins og að hann muni láta af störfum eftir yfirstandandi sundár,“ sagði í tilkynningunni frá stjórninni. Var Jacky óskað góðs gengis á nýjum vettvangi um leið og iðkendur og þjálfarar voru boðaðir á fund um kvöldið á efri hæð Laugardalslaugar. Áður en til fundarins kom var nýr yfirþjálfari tilkynntur, Guðmundur Sveinn Hafþórsson. Liðu fimmtán klukkustundir frá því að tilkynnt var að Jacky væri hættur og þangað til tilkynnt var að gengið hefði verið frá samningi við nýjan þjálfara. Jacky, sem var landsliðsþjálfari í sundi þangað til í fyrra meðfram störfum sínum fyrir Ægi, tjáði RÚV í gær að það væri alfarið ákvörðun sundfélagsins að hann hætti störfum fyrir félagið. Hann hefði hvorki sagt upp né ákveðið að láta af störfum.Mætti ekki á fundinn Jacky neitaði að mæta á fundinn í gærkvöldi í Laugardalslaug og samkvæmt heimildum Vísis lýstu margir þjálfarar yfir óánægju með brotthvarf þjálfarans. Þá mun franska sundþjálfaranum hafa verið tjáð í tölvupósti frá stjórn að hann ætti ekki að ræða brotthvarf sitt við iðkendurna þær vikur sem hann ætti eftir í starfi. Á Facebook-síðu Sundfélagsins Ægis leiðréttir eiginkona hans, Bryndís Ólafsdóttir Pellerin, tilkynningu Ægis hvað varðar hvenær sá franski hóf að þjálfa hjá félaginu. Skeikaði þar þremur árum. Þá velta forráðamenn því fyrir sér hvort ekki sé mikil hætta á að iðkendur hreinilega yfirgefi félagið og hefji æfingar þar sem Jacky ætli að þjálfa. „Þetta lítur alla vega ekki vel út fyrir 90 ára sögu Ægis,“ segir Bryndís við þeim vangaveltum.Tilkynninguna frá stjórninni má sjá í heild hér að neðanAð loknu Íslandsmeistaramóti í dag tilkynnti Jacky Pellerin sundmönnum Ægis að þetta hafi verið hans síðasta stórmót sem yfirþjálfari félagsins og að hann muni láta af störfum eftir yfirstandandi sundár.Jacky hefur starfað sem yfirþjálfari sundfélagsins Ægis frá árinu 2007 og þjálfað marga af helstu afreksmönnum þess. Hann skilar góðu búi og er gaman að geta þess að Ægir sótti fjölda íslandsmeistaratitla um helgina og verðlaun.Stjórn Ægis þakkar Jacky gott samstarf á liðnum árum og óskar honum alls góðs á nýjum vettvangi.Boðið verður upp á fund fyrir sundmenn og aðstandendur þeirra á morgun klukkan 18:00 á efri hæð Laugardalslaugar með stjórn félagsins og þjálfurum.Stjórnin. Sund Mest lesið Óhugnanlegt slys á Íslandsmeistaramótinu í kappakstri mótorhjóla Sport „Stundum þarftu að fara Krýsuvíkurleiðina“ Fótbolti Manchester United vill losna við Sancho í sumar Fótbolti Reggístrákarnir hans Heimis með fullt hús eftir tvo leiki Fótbolti Verstappen sigraði í Kanada Formúla 1 Úrslitin á Wembley komu Koeman á óvart: „Þeir verðskulduðu sigurinn“ Fótbolti Tuchel segist ekki hafa áhuga á því að taka við United Fótbolti Fjallabaksleiðin í landsliðið: „Það vill enginn búa í Foggia“ Fótbolti Uppgjör: Keflavík - Valur 3-3 | Valur í undanúrslit eftir vítaspyrnukeppni Íslenski boltinn Ótrúlegt atvik á EM: Fagnaði of snemma og missti af medalíu Sport Fleiri fréttir Manchester United vill losna við Sancho í sumar Verstappen sigraði í Kanada „Stundum þarftu að fara Krýsuvíkurleiðina“ Óhugnanlegt slys á Íslandsmeistaramótinu í kappakstri mótorhjóla Reggístrákarnir hans Heimis með fullt hús eftir tvo leiki Tuchel segist ekki hafa áhuga á því að taka við United Alcaraz kom, sá og sigraði Opna franska Úrslitin á Wembley komu Koeman á óvart: „Þeir verðskulduðu sigurinn“ Barcelona Evrópumeistari eftir naglbít Fjallabaksleiðin í landsliðið: „Það vill enginn búa í Foggia“ Hlín lagði upp í svekkjandi jafntefli Uppgjör: Keflavík - Valur 3-3 | Valur í undanúrslit eftir vítaspyrnukeppni Svona var blaðamannafundur Hareide og Jóhanns Berg í Rotterdam Skaðinn skeður í hálfleik hjá Magdeburg Daníel Leó ekki með á æfingu landsliðsins Sjáðu þrennur Ísabellu og Kristrúnar og öll mörkin Sigur hjá Emilíu og úrslitaleikur við Bröndby um titilinn framundan Stjarna Hollendinga ekki með gegn Íslandi Alls konar veðrabrigði vel heppnaður Hengill Ultra Komust ekki áfram í sleggjukastinu Sonur Dannys Mills vann silfur á EM í frjálsum „Við lendum náttúrulega í því að allt sé rifið upp með rótum“ Van Dijk og félagar mættu á hjóli á æfingu Blása til styrktarleiks í minningu Bjarka Van Gaal hrósar Liverpool fyrir að ráða Slot Shaw skýtur á Ten Hag og læknateymi United: „Ég hefði aldrei átt að spila“ Eigandi Roma vill eignast Everton Reynir við fyrsta Evrópumeistaratitilinn í áttunda sinn í sínum síðasta leik Dagskráin í dag: Formúla, fótbolti, golf, hafnabolti og úrslitin í NBA halda áfram Brighton vill fá þjálfara sem er yngri en nokkrir leikmenn liðsins Sjá meira
Þau tíðindi að Jacky Pellerin, yfirþjálfari hjá Sundfélaginu Ægi, muni hætta störfum hjá félaginu eftir nokkrar vikur mælast afar illa fyrir hjá fjölda iðkenda og foreldra þeirra. Tíðindin virðast hafa komið þeim í opna skjöldu. Jacky segir ákvörðunina félagsins og eiginkona hans segir útlitið ekki gott fyrir 90 ára sögu Ægis. Í tilkynningu á heimasíðu Ægis í fyrrakvöld var hins vegar látið að því liggja að Jacky hefði sjálfur ákveðið að hætta.Nýr þjálfari þegar verið ráðinn „Að loknu Íslandsmeistaramóti í dag tilkynnti Jacky Pellerin sundmönnum Ægis að þetta hafi verið hans síðasta stórmót sem yfirþjálfari félagsins og að hann muni láta af störfum eftir yfirstandandi sundár,“ sagði í tilkynningunni frá stjórninni. Var Jacky óskað góðs gengis á nýjum vettvangi um leið og iðkendur og þjálfarar voru boðaðir á fund um kvöldið á efri hæð Laugardalslaugar. Áður en til fundarins kom var nýr yfirþjálfari tilkynntur, Guðmundur Sveinn Hafþórsson. Liðu fimmtán klukkustundir frá því að tilkynnt var að Jacky væri hættur og þangað til tilkynnt var að gengið hefði verið frá samningi við nýjan þjálfara. Jacky, sem var landsliðsþjálfari í sundi þangað til í fyrra meðfram störfum sínum fyrir Ægi, tjáði RÚV í gær að það væri alfarið ákvörðun sundfélagsins að hann hætti störfum fyrir félagið. Hann hefði hvorki sagt upp né ákveðið að láta af störfum.Mætti ekki á fundinn Jacky neitaði að mæta á fundinn í gærkvöldi í Laugardalslaug og samkvæmt heimildum Vísis lýstu margir þjálfarar yfir óánægju með brotthvarf þjálfarans. Þá mun franska sundþjálfaranum hafa verið tjáð í tölvupósti frá stjórn að hann ætti ekki að ræða brotthvarf sitt við iðkendurna þær vikur sem hann ætti eftir í starfi. Á Facebook-síðu Sundfélagsins Ægis leiðréttir eiginkona hans, Bryndís Ólafsdóttir Pellerin, tilkynningu Ægis hvað varðar hvenær sá franski hóf að þjálfa hjá félaginu. Skeikaði þar þremur árum. Þá velta forráðamenn því fyrir sér hvort ekki sé mikil hætta á að iðkendur hreinilega yfirgefi félagið og hefji æfingar þar sem Jacky ætli að þjálfa. „Þetta lítur alla vega ekki vel út fyrir 90 ára sögu Ægis,“ segir Bryndís við þeim vangaveltum.Tilkynninguna frá stjórninni má sjá í heild hér að neðanAð loknu Íslandsmeistaramóti í dag tilkynnti Jacky Pellerin sundmönnum Ægis að þetta hafi verið hans síðasta stórmót sem yfirþjálfari félagsins og að hann muni láta af störfum eftir yfirstandandi sundár.Jacky hefur starfað sem yfirþjálfari sundfélagsins Ægis frá árinu 2007 og þjálfað marga af helstu afreksmönnum þess. Hann skilar góðu búi og er gaman að geta þess að Ægir sótti fjölda íslandsmeistaratitla um helgina og verðlaun.Stjórn Ægis þakkar Jacky gott samstarf á liðnum árum og óskar honum alls góðs á nýjum vettvangi.Boðið verður upp á fund fyrir sundmenn og aðstandendur þeirra á morgun klukkan 18:00 á efri hæð Laugardalslaugar með stjórn félagsins og þjálfurum.Stjórnin.
Sund Mest lesið Óhugnanlegt slys á Íslandsmeistaramótinu í kappakstri mótorhjóla Sport „Stundum þarftu að fara Krýsuvíkurleiðina“ Fótbolti Manchester United vill losna við Sancho í sumar Fótbolti Reggístrákarnir hans Heimis með fullt hús eftir tvo leiki Fótbolti Verstappen sigraði í Kanada Formúla 1 Úrslitin á Wembley komu Koeman á óvart: „Þeir verðskulduðu sigurinn“ Fótbolti Tuchel segist ekki hafa áhuga á því að taka við United Fótbolti Fjallabaksleiðin í landsliðið: „Það vill enginn búa í Foggia“ Fótbolti Uppgjör: Keflavík - Valur 3-3 | Valur í undanúrslit eftir vítaspyrnukeppni Íslenski boltinn Ótrúlegt atvik á EM: Fagnaði of snemma og missti af medalíu Sport Fleiri fréttir Manchester United vill losna við Sancho í sumar Verstappen sigraði í Kanada „Stundum þarftu að fara Krýsuvíkurleiðina“ Óhugnanlegt slys á Íslandsmeistaramótinu í kappakstri mótorhjóla Reggístrákarnir hans Heimis með fullt hús eftir tvo leiki Tuchel segist ekki hafa áhuga á því að taka við United Alcaraz kom, sá og sigraði Opna franska Úrslitin á Wembley komu Koeman á óvart: „Þeir verðskulduðu sigurinn“ Barcelona Evrópumeistari eftir naglbít Fjallabaksleiðin í landsliðið: „Það vill enginn búa í Foggia“ Hlín lagði upp í svekkjandi jafntefli Uppgjör: Keflavík - Valur 3-3 | Valur í undanúrslit eftir vítaspyrnukeppni Svona var blaðamannafundur Hareide og Jóhanns Berg í Rotterdam Skaðinn skeður í hálfleik hjá Magdeburg Daníel Leó ekki með á æfingu landsliðsins Sjáðu þrennur Ísabellu og Kristrúnar og öll mörkin Sigur hjá Emilíu og úrslitaleikur við Bröndby um titilinn framundan Stjarna Hollendinga ekki með gegn Íslandi Alls konar veðrabrigði vel heppnaður Hengill Ultra Komust ekki áfram í sleggjukastinu Sonur Dannys Mills vann silfur á EM í frjálsum „Við lendum náttúrulega í því að allt sé rifið upp með rótum“ Van Dijk og félagar mættu á hjóli á æfingu Blása til styrktarleiks í minningu Bjarka Van Gaal hrósar Liverpool fyrir að ráða Slot Shaw skýtur á Ten Hag og læknateymi United: „Ég hefði aldrei átt að spila“ Eigandi Roma vill eignast Everton Reynir við fyrsta Evrópumeistaratitilinn í áttunda sinn í sínum síðasta leik Dagskráin í dag: Formúla, fótbolti, golf, hafnabolti og úrslitin í NBA halda áfram Brighton vill fá þjálfara sem er yngri en nokkrir leikmenn liðsins Sjá meira