Becromal á Akureyri breytir um nafn

Álþynnuverksmiðjan Becromal á Akureyri hefur fengið nýtt nafn og heitir nú TDK Foil Iceland ehf.

Þetta kemur fram í tilkynningu frá TDK Corporation, móðurfélagi Becromal. Þar segir að breytingin hafi tekið gildi þann 6. nóvember síðastliðinn og sé liður í að samræma markaðsstarf TDK Group.

„Nýtt nafn mun ekki hafa nein áhrif á verksmiðjuna, stjórnun hennar, starfsemi eða framleiðslu. Á næstu dögum breytist útlit Becromal verksmiðjunnar, þegar hið vel þekkta merki TDK leysir það gamla af hólmi,“ segir í tilkynningunni.

TDK Foil Iceland (áður Becromal) var stofnað árið 2009 og er dótturfyrirtæki TDK Foil Italy S.p.A., sem er með höfuðstöðvar nálægt Mílanó, Ítalíu. Hjá fyrirtækinu starfa 104 manns.