Gerrard áfram ósigraður í Skotlandi

Steven Gerrard er enn ósigraður í skosku úrvalsdeildinni. Lærisveinar hans í Rangers gerðu jafntefli við Motherwell á útivelli í dag.

Gerrard hafði unnið einn og gert eitt jafntefli í upphafi móts í skosku úrvalsdeildinni fyrir leik dagsins.

Í tvígang komust heimamenn yfir og í tvígang jafnaði Kyle Lafferty metin. Oviemuno Ejaria kom Rangers svo yfir áður en flautað var til hálfleiks.

Það stefndi allt í sigur Rangers þar til í uppbótartíma leiksins að Peter Hartley jafnaði fyrir Motherwell. Niðurstaðan 3-3 jafntefli.

Rangers hefur ekki tapað leik undir stjórn Steven Gerrard, hvorki í úrvalsdeildinni, Evrópudeildinni né skosku bikarkeppninni.