Ragnhildur Geirsdóttir ný í stjórn FA

Ragnhildur Geirsdóttir, aðstoðarforstjóri Wow air, er ný í stjórn Félags atvinnurekenda. Ný stjórn félagsins var kjörin á aðalfundi í gær.

Í tilkynningu kemur fram að þau tímamót hafi orðið við stjórnarkjörið að í fyrsta sinn í níutíu ára sögu félagsins séu jafnmargar konur og karlar í stjórn.

„Að þessu sinni var samkvæmt lögum félagsins kosið um þrjá meðstjórnendur til þriggja ára og var sjálfkjörið í þau embætti.

Ragnhildur Geirsdóttir, aðstoðarforstjóri Wow air, er nýr stjórnarmaður. Þá voru Anna Kristín Kristjánsdóttir, eigandi og stjórnarmaður í Hvíta húsinu, sem setið hefur í stjórn frá 2016, og Birgir Bjarnason, framkvæmdastjóri Islenska-sales agency ehf., sem setið hefur í stjórn FA mörg undanfarin ár, þar af fjögur sem formaður, endurkjörin.

Áfram sitja í stjórn Magnús Óli Ólafsson, forstjóri Innness ehf., formaður, og meðstjórnendurnir Bjarni Ákason, einn af eigendum Epli.is/Skakkaturns og Linda Björk Gunnlaugsdóttir, framkvæmdastjóri Smyril Line Íslandi ehf,“ segir í tilkynningunni.