Háski fyrir hugaða krakka 2. febrúar 2018 14:30 Uppvakningar rísa úr opnum gröfum kirkjugarðanna á Háskaleikunum. MYND/JÚNÍA LÍF MARÍUERLA SIGURJÓNSDÓTTIR Kjarkmiklum krökkum er boðið að taka þátt í háskaleik í Borgarbókasafninu í Grófinni á Safnanótt í kvöld og takast á við voðalegar áskoranir. Í lokin fá öll börn verðlaun fyrir áræðni og kjark. Kynjaverur og vættir hafa fundið sér íverustað í öllum krókum og kimum Borgarbókasafnsins í Grófinni í kvöld. Á Safnanótt vakna þær til lífsins og fara á kreik þegar dimma tekur. Á Háskaleikunum geta hugaðir krakkar kíkt í leyniklefa Harrys Potter þar sem margar kynjaverur leynast og átök við Lord Voldemort, varúlfa og vitsugur. Börnin lenda líka í töfraheimi Narníu þar sem þau stíga inn í ævintýraheim ljóss og lita og hitta fyrir glitrandi og seiðandi ævintýra- og furðuverur. Á vegi hugumstórra barna verður líka ógeðskassi þar sem starandi augu veltast um í kaldri leðju slors og hors innan um snáka og snigla og víst að þar þarf hug og þor til að þreifa ofan í kassann. Maðurinn magri fær líka hárin til að rísa og þeir allra hugrökkustu geta litið við hjá Quasimodo, kroppinbaknum voðalega í kirkjuturninum en þar er eins gott að rata aftur út.Það þarf kjarkmikla krakka til að mæta vættum og kynjaverum sem verða á vegi þeirra á Háskaleikunum.MYND/JÚNÍA LÍF MARÍUERLA SIGURJÓNSDÓTTIRKomdu og skoðaðu í líkkistuna mínaÞað er aðeins á færi hinna allra huguðustu að feta sig í gegnum voðalegt völundarhús þar sem hætturnar leynast í hverju horni, og úr kirkjugörðunum skríða uppvakningar og beinagrindur úr opnum gröfum, og spurning hvort einhver þorir að leggjast í líkkistuna? Á Háskaleikunum eru líka dimm og djúp göng þar sem allt getur gerst og enginn veit hvað leynist í iðrum jarðar. Þar geta kjarkaðir krakkar skriðið í gegn og sigrast á óttanum við hið ókunnuga. Að síðustu verður veitt höfuðlausn. Munu börnin halda höfði eða enda sem höfuðréttur óvættarinnar? Til þess þurfa þau að fara undir borðið og sjá hvort þau haldi haus. Rúsínan í pylsuendanum verður koldimmt karókí þar sem hægt verður að velja úr sautján þúsund lögum frá klukkan 21 til 23.Draugar, nornir, beinagrindur, skrímsli og uppvakningar taka líka yfir á söfnum Borgarbókasafnsins á Heimsdegi barna á morgun, laugardag.MYND/JÚNÍA LÍF MARÍUERLA SIGURJÓNSDÓTTIRHeimsdagur barnaÁ morgun, laugardag, verður haldið upp á Heimsdag barna í öllum menningarhúsum Borgarbókasafnsins. Þá gefst börnum og fjölskyldum þeirra tækifæri til að taka þátt í fjölbreyttum smiðjum og ævintýrum í menningarhúsunum Árbæ, Gerðubergi, Grófinni, Kringlunni, Sólheimum og Spönginni. Í ár hafa myrkraverur tekið yfir söfnin: draugar, nornir, beinagrindur, skrímsli og uppvakningar. Boðið verður upp á búningasmiðjur, föndursmiðjur, slímgerð og getraunir. Háskaleikarnir fara fram í Grófarhúsi, Ljósmyndasafninu og Borgarskjalasafninu frá klukkan 18 til 21 í kvöld, 2. febrúar 2018. Heimsdagur barna stendur yfir frá klukkan 13 til 17 á morgun, laugardaginn 3. febrúar. Aðgangur er ókeypis og allir velkomnir. Nánari upplýsingar um dagskrá á Safnanótt a vetrarhatid.is. Mest lesið Sjóðheitt og splunkunýtt Hollywood par Lífið Langaði að passa inn en nýtur þess nú að skera sig úr Tíska og hönnun Sweeney sökuð um kynþáttahyggju Lífið Katrín Edda selur í Hlíðunum Lífið Fyrstu tónleikar Purrksins í fjörutíu ár Lífið Forseti Alþingis snæddi kvöldverð með Michael Douglas Lífið Ræðir það ekki í fjölskylduboði ef þú hittir frænda þinn á swing-viðburði Lífið Þriggja ára snáði stal senunni í messu í Fljótshlíð Lífið Icewear styrkir Þjóðhátíð Lífið samstarf „Ekkert okkar grunaði að hann myndi fara þessa leið“ Lífið Fleiri fréttir Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Fyrstu tónleikar Purrksins í fjörutíu ár Sweeney sökuð um kynþáttahyggju Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Samband Gallagher-bræðra sagt á hálum ís Harrý rétti fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Unaðsvörur Harry Styles valda titringi Líf og fjör í Reykholti í Borgarfirði um helgina á Reykholtshátíð „Það er í raun kraftaverk að hún sé á lífi í dag“ Fréttatía vikunnar: Stórtónleikar, NBA-stjarna á klakanum og heimsfræg lesbía Fólk farið að flykkjast í Vaglaskóg Sjá meira
Kjarkmiklum krökkum er boðið að taka þátt í háskaleik í Borgarbókasafninu í Grófinni á Safnanótt í kvöld og takast á við voðalegar áskoranir. Í lokin fá öll börn verðlaun fyrir áræðni og kjark. Kynjaverur og vættir hafa fundið sér íverustað í öllum krókum og kimum Borgarbókasafnsins í Grófinni í kvöld. Á Safnanótt vakna þær til lífsins og fara á kreik þegar dimma tekur. Á Háskaleikunum geta hugaðir krakkar kíkt í leyniklefa Harrys Potter þar sem margar kynjaverur leynast og átök við Lord Voldemort, varúlfa og vitsugur. Börnin lenda líka í töfraheimi Narníu þar sem þau stíga inn í ævintýraheim ljóss og lita og hitta fyrir glitrandi og seiðandi ævintýra- og furðuverur. Á vegi hugumstórra barna verður líka ógeðskassi þar sem starandi augu veltast um í kaldri leðju slors og hors innan um snáka og snigla og víst að þar þarf hug og þor til að þreifa ofan í kassann. Maðurinn magri fær líka hárin til að rísa og þeir allra hugrökkustu geta litið við hjá Quasimodo, kroppinbaknum voðalega í kirkjuturninum en þar er eins gott að rata aftur út.Það þarf kjarkmikla krakka til að mæta vættum og kynjaverum sem verða á vegi þeirra á Háskaleikunum.MYND/JÚNÍA LÍF MARÍUERLA SIGURJÓNSDÓTTIRKomdu og skoðaðu í líkkistuna mínaÞað er aðeins á færi hinna allra huguðustu að feta sig í gegnum voðalegt völundarhús þar sem hætturnar leynast í hverju horni, og úr kirkjugörðunum skríða uppvakningar og beinagrindur úr opnum gröfum, og spurning hvort einhver þorir að leggjast í líkkistuna? Á Háskaleikunum eru líka dimm og djúp göng þar sem allt getur gerst og enginn veit hvað leynist í iðrum jarðar. Þar geta kjarkaðir krakkar skriðið í gegn og sigrast á óttanum við hið ókunnuga. Að síðustu verður veitt höfuðlausn. Munu börnin halda höfði eða enda sem höfuðréttur óvættarinnar? Til þess þurfa þau að fara undir borðið og sjá hvort þau haldi haus. Rúsínan í pylsuendanum verður koldimmt karókí þar sem hægt verður að velja úr sautján þúsund lögum frá klukkan 21 til 23.Draugar, nornir, beinagrindur, skrímsli og uppvakningar taka líka yfir á söfnum Borgarbókasafnsins á Heimsdegi barna á morgun, laugardag.MYND/JÚNÍA LÍF MARÍUERLA SIGURJÓNSDÓTTIRHeimsdagur barnaÁ morgun, laugardag, verður haldið upp á Heimsdag barna í öllum menningarhúsum Borgarbókasafnsins. Þá gefst börnum og fjölskyldum þeirra tækifæri til að taka þátt í fjölbreyttum smiðjum og ævintýrum í menningarhúsunum Árbæ, Gerðubergi, Grófinni, Kringlunni, Sólheimum og Spönginni. Í ár hafa myrkraverur tekið yfir söfnin: draugar, nornir, beinagrindur, skrímsli og uppvakningar. Boðið verður upp á búningasmiðjur, föndursmiðjur, slímgerð og getraunir. Háskaleikarnir fara fram í Grófarhúsi, Ljósmyndasafninu og Borgarskjalasafninu frá klukkan 18 til 21 í kvöld, 2. febrúar 2018. Heimsdagur barna stendur yfir frá klukkan 13 til 17 á morgun, laugardaginn 3. febrúar. Aðgangur er ókeypis og allir velkomnir. Nánari upplýsingar um dagskrá á Safnanótt a vetrarhatid.is.
Mest lesið Sjóðheitt og splunkunýtt Hollywood par Lífið Langaði að passa inn en nýtur þess nú að skera sig úr Tíska og hönnun Sweeney sökuð um kynþáttahyggju Lífið Katrín Edda selur í Hlíðunum Lífið Fyrstu tónleikar Purrksins í fjörutíu ár Lífið Forseti Alþingis snæddi kvöldverð með Michael Douglas Lífið Ræðir það ekki í fjölskylduboði ef þú hittir frænda þinn á swing-viðburði Lífið Þriggja ára snáði stal senunni í messu í Fljótshlíð Lífið Icewear styrkir Þjóðhátíð Lífið samstarf „Ekkert okkar grunaði að hann myndi fara þessa leið“ Lífið Fleiri fréttir Forseti Alþingis snæddi kvöldverð með Michael Douglas Sjóðheitt og splunkunýtt Hollywood par Katrín Edda selur í Hlíðunum Þriggja ára snáði stal senunni í messu í Fljótshlíð Fyrstu tónleikar Purrksins í fjörutíu ár Sweeney sökuð um kynþáttahyggju Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Samband Gallagher-bræðra sagt á hálum ís Harrý rétti fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Unaðsvörur Harry Styles valda titringi Líf og fjör í Reykholti í Borgarfirði um helgina á Reykholtshátíð „Það er í raun kraftaverk að hún sé á lífi í dag“ Fréttatía vikunnar: Stórtónleikar, NBA-stjarna á klakanum og heimsfræg lesbía Fólk farið að flykkjast í Vaglaskóg Sjá meira