Yfirvofandi samruni dagvörukeðjanna Sainsbury’s og Asda vekur mikla athygli þar í landi. Samkvæmt BBC gæti verið um að ræða viðskipti upp á tíu milljarða punda, jafnvirði 1.400 milljarða króna.
Stjórnmálamenn undirstrika að samkeppnisyfirvöld verði að skoða samrunann ofan í kjölinn. Saman myndu Sainsbury’s og Asda vera með um 2.800 verslanir sem hefðu 31,4 prósent af breska dagvörumarkaðnum.
Talið er að báðum nöfnunum verði haldið ef af samruna verður. Samruninn yrði sá stærsti í smásölugeiranum í Bretlandi frá því Morrisons yfirtók Safeway árið 2004.
„Samkeppnisrannsóknin verður að snúast um viðskiptavinina,“ sagðir sir Vince Cable, leiðtogi Frjálsra demókrata, við BBC.
Eigandi Asda er bandaríska fyrirtækið Walmart.
Risasamruni í Bretlandi
