Veiðigjald á kolmunna verður 83 prósent lægra en í Færeyjum Þorbjörn Þórðarson skrifar 30. maí 2018 18:45 Meirihluti atvinnuveganefndar leggur til lækkun veiðigjalda vegna samdráttar í afkomu útgerðarfyrirtækja. Ef breytingarnar ná fram að ganga mun veiðigjald á kolmunna verða ein króna á kílóið en á nýlegu uppboði á aflaheimildum í Færeyjum fengust 6 krónur fyrir kílóið af kolmunna úr nákvæmlega sama stofni. Íslenska ríkið fengi því 83 prósent lægra gjald fyrir kolmunna en færeyska ríkið. Atvinnuveganefnd Alþingis hafði í dag til umfjöllunar á fundi sínum frumvarp um breytingu á lögum um veiðigjöld. Með frumvarpinu, sem var unnið af atvinnuvegaráðuneytinu og meirihluta nefndarinnar, eru veiðigjöld á landaðan afla næsta fiskveiðiárs lækkaðar. Ráðist er í endurskoðun gjaldsins með hliðsjón af áliti veiðigjaldsnefndar um verulegan samdrátt í afkomu við veiðar. Veiðigjöld á flestar tegundir lækkar. Sem dæmi verður veiðigjald af kílói óslægðs afla af kolmunna rúmlega 1 króna nái frumvarpið fram að ganga. Í Færeyjum er viðhöfð svokölluð uppboðsleið á þeim tegundum sem eru bundnar aflamarki. Í tveimur nýlegum uppboðum aflaheimilda á kolmunna fengust 6 krónur fyrir kílóið af þessari tegund. Annars vegar er um að ræða uppboð frá 26. apríl síðastliðnum og hins vegar uppboð frá 2. maí. Þar fór kílóið af kolmunna eða „svartkjafti“ eins og hann heitir á færeysku á verði á bilinu 0,37 færeyskar (danskar) eða 6 krónur íslenskar á kílóið upp í 0,58 danskar krónur eða rúmlega 9 íslenskar krónur kílóið. Þetta þýðir að nái frumvarp um breytingar á veiðigjöldum fram að ganga í óbreyttri mynd fær íslenska ríkið 83 prósent lægra verð fyrir kílóið af kolmunna en fékkst í þessum uppboðum í Færeyjum ef við miðum við lægsta verðið sem fékkst. Þess má geta að þetta er kolmunni af nákvæmlega sama stofni.„Gríðarlega stór pólitísk ákvörðun“ í lok þings Albertína Friðbjörg Elíasdóttir situr í atvinnuveganefnd Alþingis fyrir hönd Samfylkingarinnar. Hún telur það mjög gagnrýnivert af stjórnarmeirihlutanum að leggja til svo víðtækar breytingar á veiðigjöldum rétt fyrir þingfrestun. „Það er verið að lækka langflestar tegundir og það er verið að lækka veiðigjöldin úr 11 milljörðum króna í 8,3 milljarða króna og það nær þvert til allra útgerða. Þannig að þetta er gríðarlega stór pólitísk ákvörðun sem ríkisstjórnin er að leggja til í lok þingsins. Eitthvað sem við getum alls ekki sætt okkur við,“ segir Albertína. Meirihluti atvinnuveganefndar afgreiddi frumvarpið úr nefndinni í dag. „Við vorum þrjú sem greiddum atkvæði á móti því að þetta frumvarp væri afgreitt úr nefndinni. Það verður mjög áhugavert að sjá hvaða umfjöllun þetta fær í framhaldinu. Við munum allavega mótmæla þessu harðlega og höfum gert það,“ segir Albertína. Ekki náðist í Lilju Rafney Magnúsdóttir formann atvinnuveganefndar vegna málsins. Þá vildi Kristján Þór Júlíusson sjávarútvegs- og landbúnaðarráðherra ekki tjá sig um frumvarpið á þessu stigi og vísaði í formann nefndarinnar. Mest lesið „Ég var skíthrædd að senda þessa tölvupósta“ Atvinnulíf Stofnandi Binance dæmdur fyrir peningaþvætti Viðskipti erlent Tölum um neytendamál! Samstarf Bíllinn leggur meðan ég fæ mér drykk - smart #3 reynsluakstur Samstarf Ástin laðar að: Gott að vera kona á Íslandi, en ekki innflytjandi Atvinnulíf Ráðherra bað um tíu milljarða króna í viðbót í arð Viðskipti innlent Hefja úthlutun lóða í Vatnsendahvarfi Viðskipti innlent Vonast til að koma dánarbúinu í góðar hendur Neytendur Hagnaður Arion dróst saman um tvo milljarða Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fleiri fréttir Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Sjá meira
Meirihluti atvinnuveganefndar leggur til lækkun veiðigjalda vegna samdráttar í afkomu útgerðarfyrirtækja. Ef breytingarnar ná fram að ganga mun veiðigjald á kolmunna verða ein króna á kílóið en á nýlegu uppboði á aflaheimildum í Færeyjum fengust 6 krónur fyrir kílóið af kolmunna úr nákvæmlega sama stofni. Íslenska ríkið fengi því 83 prósent lægra gjald fyrir kolmunna en færeyska ríkið. Atvinnuveganefnd Alþingis hafði í dag til umfjöllunar á fundi sínum frumvarp um breytingu á lögum um veiðigjöld. Með frumvarpinu, sem var unnið af atvinnuvegaráðuneytinu og meirihluta nefndarinnar, eru veiðigjöld á landaðan afla næsta fiskveiðiárs lækkaðar. Ráðist er í endurskoðun gjaldsins með hliðsjón af áliti veiðigjaldsnefndar um verulegan samdrátt í afkomu við veiðar. Veiðigjöld á flestar tegundir lækkar. Sem dæmi verður veiðigjald af kílói óslægðs afla af kolmunna rúmlega 1 króna nái frumvarpið fram að ganga. Í Færeyjum er viðhöfð svokölluð uppboðsleið á þeim tegundum sem eru bundnar aflamarki. Í tveimur nýlegum uppboðum aflaheimilda á kolmunna fengust 6 krónur fyrir kílóið af þessari tegund. Annars vegar er um að ræða uppboð frá 26. apríl síðastliðnum og hins vegar uppboð frá 2. maí. Þar fór kílóið af kolmunna eða „svartkjafti“ eins og hann heitir á færeysku á verði á bilinu 0,37 færeyskar (danskar) eða 6 krónur íslenskar á kílóið upp í 0,58 danskar krónur eða rúmlega 9 íslenskar krónur kílóið. Þetta þýðir að nái frumvarp um breytingar á veiðigjöldum fram að ganga í óbreyttri mynd fær íslenska ríkið 83 prósent lægra verð fyrir kílóið af kolmunna en fékkst í þessum uppboðum í Færeyjum ef við miðum við lægsta verðið sem fékkst. Þess má geta að þetta er kolmunni af nákvæmlega sama stofni.„Gríðarlega stór pólitísk ákvörðun“ í lok þings Albertína Friðbjörg Elíasdóttir situr í atvinnuveganefnd Alþingis fyrir hönd Samfylkingarinnar. Hún telur það mjög gagnrýnivert af stjórnarmeirihlutanum að leggja til svo víðtækar breytingar á veiðigjöldum rétt fyrir þingfrestun. „Það er verið að lækka langflestar tegundir og það er verið að lækka veiðigjöldin úr 11 milljörðum króna í 8,3 milljarða króna og það nær þvert til allra útgerða. Þannig að þetta er gríðarlega stór pólitísk ákvörðun sem ríkisstjórnin er að leggja til í lok þingsins. Eitthvað sem við getum alls ekki sætt okkur við,“ segir Albertína. Meirihluti atvinnuveganefndar afgreiddi frumvarpið úr nefndinni í dag. „Við vorum þrjú sem greiddum atkvæði á móti því að þetta frumvarp væri afgreitt úr nefndinni. Það verður mjög áhugavert að sjá hvaða umfjöllun þetta fær í framhaldinu. Við munum allavega mótmæla þessu harðlega og höfum gert það,“ segir Albertína. Ekki náðist í Lilju Rafney Magnúsdóttir formann atvinnuveganefndar vegna málsins. Þá vildi Kristján Þór Júlíusson sjávarútvegs- og landbúnaðarráðherra ekki tjá sig um frumvarpið á þessu stigi og vísaði í formann nefndarinnar.
Mest lesið „Ég var skíthrædd að senda þessa tölvupósta“ Atvinnulíf Stofnandi Binance dæmdur fyrir peningaþvætti Viðskipti erlent Tölum um neytendamál! Samstarf Bíllinn leggur meðan ég fæ mér drykk - smart #3 reynsluakstur Samstarf Ástin laðar að: Gott að vera kona á Íslandi, en ekki innflytjandi Atvinnulíf Ráðherra bað um tíu milljarða króna í viðbót í arð Viðskipti innlent Hefja úthlutun lóða í Vatnsendahvarfi Viðskipti innlent Vonast til að koma dánarbúinu í góðar hendur Neytendur Hagnaður Arion dróst saman um tvo milljarða Viðskipti innlent Forstjóri, snúsari, mótorhjólatöffari, veiðimaður og framúrskarandi á ryksugunni Atvinnulíf Fleiri fréttir Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Tryggðu sér 300 milljóna króna fjármögnun Skelltu líka í lás á Exit og í Nýju vínbúðinni Innsigla B5 að kröfu Skattsins Töpuðu þremur milljörðum á fyrsta ársfjórðungi Farsímatekjur undir væntingum Hæstiréttur sker úr um hvort taka hafi mátt bjór úr hillum Samþykkja helming umsókna um sölu eigna fyrir lok vikunnar Selma nýr formaður Kvenna í orkumálum Verðbólgan minnkar en vextirnir hækka Minnsta verðbólga í rúm tvö ár Tekjuhæsti fyrsti ársfjórðungur í sögu Icelandair Hefja viðræður um kaup á 47 þúsund fermetrum af atvinnuhúsnæði Reynslunni ríkari og opnar Wilson‘s Pizza á ný Stefna að opnun Fiskbúðarinnar við Sundlaugaveg í maí Anna Kristín nýr framkvæmdastjóri hjá atNorth Oculis komið á markað Viðskipti með bréf í Oculis hefjast á morgun Hættir sem fjármálastýra Ljósleiðarans Sjá meira