Oddi flytur inn einnota umbúðir er verða að mold Svavar Hávarðsson skrifar 27. febrúar 2017 07:00 Einnota plastumbúðir liggja úti um allt – á leið sinni í sjóinn. vísir/anton Prentsmiðjan Oddi, sem jafnframt er stór framleiðandi umbúða, mun framvegis bjóða íslenskum neytendum, framleiðendum og söluaðilum upp á umbúðir úr náttúrulegum jurtaefnum sem brotna niður í náttúrunni líkt og annar lífrænn úrgangur. Þessi viðbót í rekstri fyrirtækisins er sett til höfuðs einnota plastumbúðum sem eru orðnar meiriháttar umhverfisvandamál. Sameinuðu þjóðirnar hófu í gær sérstakt átak gegn plastmengun heimshafanna.Kristján Geir GunnarssonKristján Geir Gunnarsson, framkvæmdastjóri sölu- og markaðssviðs Odda, segir það vel þekkta staðreynd að mjög lítill hluti af öllu plasti sem fellur til á heimilum landsmanna fari í endurvinnslu. Hluti af þessum plastúrgangi er einnota umbúðir utan af tilbúnum matvælum og ferskvöru eins og grænmeti, fiski og kjöti. Kannanir sýni á sama tíma að þessar einnota umbúðir enda oftar en ekki í heimilissorpinu og urðun, í stað þess að vera nýtt til endurvinnslu. Vörulínan sem Oddi býður brotnar niður og verður einfaldlega að mold, og á vel heima í moltukassanum. „PLA-umbúðirnar eru nýjung á Íslandi og geta leyst af hólmi flestar af þeim einnota neytendaumbúðum sem við notum í viku hverri. Þar má t.d. nefna einnota kaffiglös, umbúðir um samlokur, salöt og önnur tilbúin matvæli og ílát fyrir ferska innlenda framleiðslu,“ segir Kristján Geir sem bætir við að hér skipti kolefnissporið miklu máli, en Oddi vill minnka eins og hægt er kolefnisspor framleiðslu og innflutningsvara fyrirtækisins. Hér verður munurinn áþreifanlegur þar sem allt að 60 prósent minni orku þarf til að framleiða einnota jarðgeranlegar PLA-vörur en sambærilegar plastvörur og þær eru því mun jákvæðari gagnvart loftslaginu og markmiðum um lægri kolefnislosun en þær einnota umbúðir sem eru almennt nýttar á Íslandi í dag að sögn Kristjáns Geirs. Kristján Geir segir það tilfinningu sína að viðhorfsbreyting sé að verða hér á landi hvað varðar plastnotkun og í umhverfismálum almennt. „Umbúðir er sorp, en við komumst ekki hjá því að nota þær, því þær eru nauðsynlegar til að tryggja ferskleika vörunnar og þær eru sterkt verkfæri til að minnka matarsóun. Því viljum við gera þetta eins vel og við mögulega getum,“ segir hann. Peningar skipta máli í þessu samhengi, og Kristján Geir segir að vissulega séu umhverfisvænu umbúðirnar dýrari en plastið. Hins vegar finnur Oddi fyrir áhuga á markaðnum, enda séu sífellt fleiri meðvitaðir um samfélagslega ábyrgð sína þegar kemur að umhverfismálum – og það eigi líka við um fyrirtækin. „Við sem þjóð verðum að hugsa um þessa hluti,“ segir Kristján Geir.Fréttin birtist fyrst í Fréttablaðinu. Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent Leiðinlegt fyrir útskriftarnema sem er hent út áður en þeir taka sopa Innlent „Við munum ekkert hreyfa okkur í sumar“ Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Harma banaslysið og hafa uppfært verkferla Innlent Eldur logar í þaki Kringlunnar Innlent Fleiri fréttir Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Eldur í Kringlunni og Kristján Loftsson um hvalveiðileyfið Náði ekki að loka búðinni áður en henni var sagt að koma sér út Héldu fyrst að þetta væri brunaæfing Sigurður Ingi ekki búinn að undirrita Isavia-samning Eldur logar í þaki Kringlunnar Björgunarsveit kölluð út í Þórsmörk Áhyggjur af vanda drengja í menntakerfinu óþarfar Þyrlan kölluð út vegna reiðslyss Kjósendur Jóns Gnarr líklegastir til að vera ósáttir með Höllu Vilja banna hvalveiðar með lögum Áttatíu prósent af plasti í fjörum landsins kemur frá útlöndum Efast um að ráðherrar nái fram markmiði sínu Tveimur haldið sofandi vegna slyssins Rútuslys í Öxnadal og meintar rangfærslur ráðherra Guðni snýr aftur í sagnfræðina Leita að nýju húsnæði fyrir kaffistofu Samhjálpar Öxnadalsheiði opin á ný Harma banaslysið og hafa uppfært verkferla Bein útsending: Brautskráningar Háskóla Íslands Svandís og Sigurður Ingi sögð bakka upp bílastæðagjöldin Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Sjá meira
Prentsmiðjan Oddi, sem jafnframt er stór framleiðandi umbúða, mun framvegis bjóða íslenskum neytendum, framleiðendum og söluaðilum upp á umbúðir úr náttúrulegum jurtaefnum sem brotna niður í náttúrunni líkt og annar lífrænn úrgangur. Þessi viðbót í rekstri fyrirtækisins er sett til höfuðs einnota plastumbúðum sem eru orðnar meiriháttar umhverfisvandamál. Sameinuðu þjóðirnar hófu í gær sérstakt átak gegn plastmengun heimshafanna.Kristján Geir GunnarssonKristján Geir Gunnarsson, framkvæmdastjóri sölu- og markaðssviðs Odda, segir það vel þekkta staðreynd að mjög lítill hluti af öllu plasti sem fellur til á heimilum landsmanna fari í endurvinnslu. Hluti af þessum plastúrgangi er einnota umbúðir utan af tilbúnum matvælum og ferskvöru eins og grænmeti, fiski og kjöti. Kannanir sýni á sama tíma að þessar einnota umbúðir enda oftar en ekki í heimilissorpinu og urðun, í stað þess að vera nýtt til endurvinnslu. Vörulínan sem Oddi býður brotnar niður og verður einfaldlega að mold, og á vel heima í moltukassanum. „PLA-umbúðirnar eru nýjung á Íslandi og geta leyst af hólmi flestar af þeim einnota neytendaumbúðum sem við notum í viku hverri. Þar má t.d. nefna einnota kaffiglös, umbúðir um samlokur, salöt og önnur tilbúin matvæli og ílát fyrir ferska innlenda framleiðslu,“ segir Kristján Geir sem bætir við að hér skipti kolefnissporið miklu máli, en Oddi vill minnka eins og hægt er kolefnisspor framleiðslu og innflutningsvara fyrirtækisins. Hér verður munurinn áþreifanlegur þar sem allt að 60 prósent minni orku þarf til að framleiða einnota jarðgeranlegar PLA-vörur en sambærilegar plastvörur og þær eru því mun jákvæðari gagnvart loftslaginu og markmiðum um lægri kolefnislosun en þær einnota umbúðir sem eru almennt nýttar á Íslandi í dag að sögn Kristjáns Geirs. Kristján Geir segir það tilfinningu sína að viðhorfsbreyting sé að verða hér á landi hvað varðar plastnotkun og í umhverfismálum almennt. „Umbúðir er sorp, en við komumst ekki hjá því að nota þær, því þær eru nauðsynlegar til að tryggja ferskleika vörunnar og þær eru sterkt verkfæri til að minnka matarsóun. Því viljum við gera þetta eins vel og við mögulega getum,“ segir hann. Peningar skipta máli í þessu samhengi, og Kristján Geir segir að vissulega séu umhverfisvænu umbúðirnar dýrari en plastið. Hins vegar finnur Oddi fyrir áhuga á markaðnum, enda séu sífellt fleiri meðvitaðir um samfélagslega ábyrgð sína þegar kemur að umhverfismálum – og það eigi líka við um fyrirtækin. „Við sem þjóð verðum að hugsa um þessa hluti,“ segir Kristján Geir.Fréttin birtist fyrst í Fréttablaðinu.
Mest lesið Myndir: Allt á floti í Kringlunni Innlent Umfangsmikið mengunarslys vegna rútuslyssins Innlent „Sumar búðir hafa sloppið vel, aðrar ekki“ Innlent Náði ekki að loka búðinni áður en henni var sagt að koma sér út Innlent Leiðinlegt fyrir útskriftarnema sem er hent út áður en þeir taka sopa Innlent „Við munum ekkert hreyfa okkur í sumar“ Innlent Konungsskip Dana í Reykjavík Innlent Sigurður Ingi ekki búinn að undirrita Isavia-samning Innlent Harma banaslysið og hafa uppfært verkferla Innlent Eldur logar í þaki Kringlunnar Innlent Fleiri fréttir Myndir: Allt á floti í Kringlunni Umfangsmikið mengunarslys vegna rútuslyssins Konungsskip Dana í Reykjavík „Sumar búðir hafa sloppið vel, aðrar ekki“ Safnað fyrir gróðurskála á Kirkjubæjarklaustri „Við munum ekkert hreyfa okkur í sumar“ Flókið verkefni og mikið tjón í Kringlunni Leiðinlegt fyrir útskriftarnema sem er hent út áður en þeir taka sopa Eldur í Kringlunni og Kristján Loftsson um hvalveiðileyfið Náði ekki að loka búðinni áður en henni var sagt að koma sér út Héldu fyrst að þetta væri brunaæfing Sigurður Ingi ekki búinn að undirrita Isavia-samning Eldur logar í þaki Kringlunnar Björgunarsveit kölluð út í Þórsmörk Áhyggjur af vanda drengja í menntakerfinu óþarfar Þyrlan kölluð út vegna reiðslyss Kjósendur Jóns Gnarr líklegastir til að vera ósáttir með Höllu Vilja banna hvalveiðar með lögum Áttatíu prósent af plasti í fjörum landsins kemur frá útlöndum Efast um að ráðherrar nái fram markmiði sínu Tveimur haldið sofandi vegna slyssins Rútuslys í Öxnadal og meintar rangfærslur ráðherra Guðni snýr aftur í sagnfræðina Leita að nýju húsnæði fyrir kaffistofu Samhjálpar Öxnadalsheiði opin á ný Harma banaslysið og hafa uppfært verkferla Bein útsending: Brautskráningar Háskóla Íslands Svandís og Sigurður Ingi sögð bakka upp bílastæðagjöldin Of snemmt að kenna bikblæðingum um Átök á lokametrunum: Saka ríkisstjórn um að „slátra“ samgönguáætlun Sjá meira