Metanbílar frá Heklu í 20 ár og aldrei vinsælli eða umhverfisvænni

Tuttugu ár eru frá því að Hekla hóf innflutning á metanbílum en það var árið 1997 sem innflutningur hófst á metanknúnum Volkswagen Caddy og Volkswagen Touran. Síðan þá hefur mikið vatn runnið til sjávar og Hekla býður í dag upp á fjölbreyttt úrval bíla sem ganga bæði fyrir metani og bensíni. Má þar nefna Skoda Octavia, Volkswagen Caddy, Volkswagen Golf, Volkswagen up!, Volkswagen Polo, Audi A3 og Audi A5. 1.246 metanbílar hafa selst síðustu 5 ár og frá ársbyrjun 2016 er búið að nýskrá 648 metanbíla, eða 24% af öllum nýskráðum vistvænum bílum.

Ánægðir metanbílaeigendur

„Við höfum góða reynslu af sölu metanbíla sem og annarra vistvænna bíla. Þeir bílaeigendur sem prófa metanbílana eru almennt mjög ánægðir og það bætast sífellt fleiri í þann hóp ánægðra viðskiptavina. Hekla er leiðandi í vistvænum farkostum og við munum halda áfram að bjóða upp á fjölmarga og fjölbreytta kosti á sviði vistvænna bíla. Við hlökkum til að bjóða upp á nýja kosti á komandi misserum,“ segir María Jóna Magnúsdóttir, framkvæmdarstjóri sölusviðs hjá Heklu. 

Annars voru þrír af tíu vinsælustu fólksbílunum sem seldir voru á landinu í september frá Heklu en bílar frá Mitsubishi, Skoda og Volkswagen raða sér þar á lista, þessar bíltegundir hafa ekki aðeins slegið í gegn hjá bílaeigendum, heldur eiga sér trygga kaupendur sem kaupa þessar tegundir aftur og aftur þegar kemur að endurnýjun. Mitsubishi Outlander PHEV er þar í fararbroddi en gríðarlega góð sala hefur verið á þessum vinsæla tengiltvinnbíl á 100 ára afmælisári Mitsubishi. Þá komast hinir sívinsælu Skoda Octavia og Volkswagen Golf einnig á topp tíu listann.

Hekla stærstir í vistvænum bílum

Sem fyrr ber Hekla höfuð og herðar yfir önnur bílaumboð þegar vistvænir bílar eru annars vegar. Vistvænir bílar frá Heklu eru nú orðnir 953 það sem af er ári og er það 15% fjölgun miðað við allt árið í fyrra. Það er því ljóst að þegar árið verður gert upp hafi Íslendingar sýnt það í verki að þeim sé umhugað um náttúruna þegar þeir horfa til vistvænna kosta í bílakaupum.