Staða Marels aldrei sterkari Kristinn Ingi Jónsson skrifar 28. júlí 2017 06:00 Árni Oddur Þórðarson, forstjóri Marels, segir félagið stefna á tólf prósenta árlegan meðalvöxt tekna á næstu tíu árum. Félagið ætlar sér að stækka hraðar en markaðurinn sem vex um á milli fjögur til sex prósent á ári. Félagið hefur á síðustu árum meðal annars vaxið með yfirtökum á öðrum félögum. vísir/valli „Á heildina litið má segja að staða Marels hefur aldrei verið sterkari. Markaðsaðstæður eru góðar og pantanastaðan er sterk,“ segir Árni Oddur Þórðarson, forstjóri Marels, en félagið birti í fyrradag uppgjör fyrir annan fjórðung ársins. Þar kemur meðal annars fram að pantanabók félagsins hafi staðið í 418,9 milljónum evra í lok fjórðungsins borið saman við 390,3 milljónir evra í lok fyrsta ársfjórðungs. Var vöxtur pantana fyrstu sex mánuði ársins sautján prósent á milli ára. Fjárfestar virðast hafa verið ánægðir með uppgjörið, en til marks um það hækkuðu hlutabréf í Marel um 1,5 prósent í verði í 836 milljóna króna viðskiptum í gær. Árni Oddur segir að mikið hafi verið um pantanir síðustu þrjá ársfjórðunga. „Þær verksmiðjur eru til afhendingar frá og með byrjun árs 2018, þannig að við erum nú að vinna að útfærslu á þeim og að hefja framleiðslu á þeim. Við gerum því ráð fyrir að sjá aukningu í veltu og þar af leiðandi, ef allt gengur vel, hagnaði á næstu misserum,“ nefnir Árni. „Þetta eru mjög flóknar og stórar verksmiðjur og í sumum tilfellum tekur lengri tíma að hanna þær heldur en menn ætla í fyrstu. Við tökum því ávallt fram í okkar uppgjörum að afkoman geti auðveldlega sveiflast á milli ársfjórðunga.“ Marel stefnir á tólf prósenta árlegan meðalvöxt tekna næstu tíu árin og ætlar félagið sér – með sterkri markaðsstöðu og nýsköpun – að vaxa hraðar en markaðurinn sem vex á milli fjögur til sex prósent árlega. Í júlímánuði var stærsta pöntun í sögu Marels tryggð með samningi við bandaríska verslanarisann Costco og Lincoln Premium Poultry um nýja hátækni kjúklingaverksmiðju í Nebraska í Bandaríkjunum. „Við gerum ráð fyrir að verksmiðjan verði starfhæf á fullum afköstum í apríl árið 2019. Með þessu verkefni erum við í samstarfi við Costco að umbreyta matvælaiðnaðinum. Costco er að feta nýjar slóðir en þeir ætla með okkar aðstoð að sjá um framleiðsluna frá upphafi til enda,“ segir Árni Oddur. Þeir munu fyrst sjá um eggin þar til þau klekjast. Fara þá kjúklingarnir til kjúklingabænda í þrjátíu til fjörutíu daga. Í kjölfarið eru þeir sendir í verksmiðjuna sem Marel hannar, þar sem við tekur slátrun og fullvinnsla. Er gert ráð fyrir að um 1,6 milljónir kjúklinga verði að fullunninni vöru í viku hverri. „Við sjáum um framleiðsluna allt frá bónda þar til varan er fullunnin. Það er nýtt fyrir okkur, því fram að þessu höfum við séð um framleiðsluna frá slátrun. Þetta er líka nýtt fyrir Costco. Þeir hafa hingað til séð um áframvinnslu á kjöti en hafa ekki áður séð um alla virðiskeðjuna.“ Árni Oddur segir framtíðarsýn Marels og viðskiptavina skipta máli. „Við erum að reyna að gera viðskiptavinum okkar kleift að framleiða hágæða matvæli á hagkvæman og sjálfbæran hátt. Við höfum unnið að því að auka gæði og öryggi og höfum fjárfest verulega í tækni til þess að auka sjálfbærni.“Sjá mikil tækifæri í Brasilíu og Suður-Ameríku Markmiðið með kaupum Marels á Sulmaq, brasilískum framleiðanda á búnaði fyrir fyrsta stig kjötvinnslu, sem tilkynnt var um í fyrradag, er að styrkja stöðu félagsins í Suður-Ameríku og tryggja greiðari aðgang að stækkandi vaxtarmörkuðum fyrir nauta- og svínakjöt. Árni Oddur bendir á að Brasilía ein og sér sé annar stærsti framleiðandi nautakjöts í heiminum og þriðji stærsti framleiðandi kjúklingakjöts. Landið sé jafnframt stór útflytjandi á korni og sojabaunum. „Við erum með þrjátíu prósent af okkar veltu í Bandaríkjunum og Kanada sem er 360 milljóna manna markaður, en sex til tíu prósent af veltunni okkar er í Suður- eða Mið-Ameríku sem er 630 milljóna manna markaður. Við sjáum því mikil tækifæri þarna. Við höfum undanfarna tvo áratugi náð góðum árangri í að nútímavæða kjúklingaiðnaðinn og náð landvinningum í laxaiðnaði á þessu markaðssvæði og teljum að með kaupunum á Sulmaq séum við enn betur í stakk búin fyrir frekari vöxt þarna.“ Birtist í Fréttablaðinu Mest lesið Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Krónísk óstundvísi: Skýringar og góð ráð Atvinnulíf Matvöruverslun og íbúðir steinsnar frá Keflavíkurflugvelli Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Frumkvöðlar koma saman í Kolaportinu Viðskipti innlent Neytendur kunna að meta Landlaxinn og Landbleikjuna Samstarf Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
„Á heildina litið má segja að staða Marels hefur aldrei verið sterkari. Markaðsaðstæður eru góðar og pantanastaðan er sterk,“ segir Árni Oddur Þórðarson, forstjóri Marels, en félagið birti í fyrradag uppgjör fyrir annan fjórðung ársins. Þar kemur meðal annars fram að pantanabók félagsins hafi staðið í 418,9 milljónum evra í lok fjórðungsins borið saman við 390,3 milljónir evra í lok fyrsta ársfjórðungs. Var vöxtur pantana fyrstu sex mánuði ársins sautján prósent á milli ára. Fjárfestar virðast hafa verið ánægðir með uppgjörið, en til marks um það hækkuðu hlutabréf í Marel um 1,5 prósent í verði í 836 milljóna króna viðskiptum í gær. Árni Oddur segir að mikið hafi verið um pantanir síðustu þrjá ársfjórðunga. „Þær verksmiðjur eru til afhendingar frá og með byrjun árs 2018, þannig að við erum nú að vinna að útfærslu á þeim og að hefja framleiðslu á þeim. Við gerum því ráð fyrir að sjá aukningu í veltu og þar af leiðandi, ef allt gengur vel, hagnaði á næstu misserum,“ nefnir Árni. „Þetta eru mjög flóknar og stórar verksmiðjur og í sumum tilfellum tekur lengri tíma að hanna þær heldur en menn ætla í fyrstu. Við tökum því ávallt fram í okkar uppgjörum að afkoman geti auðveldlega sveiflast á milli ársfjórðunga.“ Marel stefnir á tólf prósenta árlegan meðalvöxt tekna næstu tíu árin og ætlar félagið sér – með sterkri markaðsstöðu og nýsköpun – að vaxa hraðar en markaðurinn sem vex á milli fjögur til sex prósent árlega. Í júlímánuði var stærsta pöntun í sögu Marels tryggð með samningi við bandaríska verslanarisann Costco og Lincoln Premium Poultry um nýja hátækni kjúklingaverksmiðju í Nebraska í Bandaríkjunum. „Við gerum ráð fyrir að verksmiðjan verði starfhæf á fullum afköstum í apríl árið 2019. Með þessu verkefni erum við í samstarfi við Costco að umbreyta matvælaiðnaðinum. Costco er að feta nýjar slóðir en þeir ætla með okkar aðstoð að sjá um framleiðsluna frá upphafi til enda,“ segir Árni Oddur. Þeir munu fyrst sjá um eggin þar til þau klekjast. Fara þá kjúklingarnir til kjúklingabænda í þrjátíu til fjörutíu daga. Í kjölfarið eru þeir sendir í verksmiðjuna sem Marel hannar, þar sem við tekur slátrun og fullvinnsla. Er gert ráð fyrir að um 1,6 milljónir kjúklinga verði að fullunninni vöru í viku hverri. „Við sjáum um framleiðsluna allt frá bónda þar til varan er fullunnin. Það er nýtt fyrir okkur, því fram að þessu höfum við séð um framleiðsluna frá slátrun. Þetta er líka nýtt fyrir Costco. Þeir hafa hingað til séð um áframvinnslu á kjöti en hafa ekki áður séð um alla virðiskeðjuna.“ Árni Oddur segir framtíðarsýn Marels og viðskiptavina skipta máli. „Við erum að reyna að gera viðskiptavinum okkar kleift að framleiða hágæða matvæli á hagkvæman og sjálfbæran hátt. Við höfum unnið að því að auka gæði og öryggi og höfum fjárfest verulega í tækni til þess að auka sjálfbærni.“Sjá mikil tækifæri í Brasilíu og Suður-Ameríku Markmiðið með kaupum Marels á Sulmaq, brasilískum framleiðanda á búnaði fyrir fyrsta stig kjötvinnslu, sem tilkynnt var um í fyrradag, er að styrkja stöðu félagsins í Suður-Ameríku og tryggja greiðari aðgang að stækkandi vaxtarmörkuðum fyrir nauta- og svínakjöt. Árni Oddur bendir á að Brasilía ein og sér sé annar stærsti framleiðandi nautakjöts í heiminum og þriðji stærsti framleiðandi kjúklingakjöts. Landið sé jafnframt stór útflytjandi á korni og sojabaunum. „Við erum með þrjátíu prósent af okkar veltu í Bandaríkjunum og Kanada sem er 360 milljóna manna markaður, en sex til tíu prósent af veltunni okkar er í Suður- eða Mið-Ameríku sem er 630 milljóna manna markaður. Við sjáum því mikil tækifæri þarna. Við höfum undanfarna tvo áratugi náð góðum árangri í að nútímavæða kjúklingaiðnaðinn og náð landvinningum í laxaiðnaði á þessu markaðssvæði og teljum að með kaupunum á Sulmaq séum við enn betur í stakk búin fyrir frekari vöxt þarna.“
Birtist í Fréttablaðinu Mest lesið Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Stofnandi Binance dæmdur fyrir peningaþvætti Viðskipti erlent Tekjur Apple drógust saman enn eina ferðina Viðskipti erlent Krónísk óstundvísi: Skýringar og góð ráð Atvinnulíf Matvöruverslun og íbúðir steinsnar frá Keflavíkurflugvelli Viðskipti innlent Dýrmætustu og sjaldgæfustu Mustang bílar landsins á afmælissýningu Mustang Samstarf Frumkvöðlar koma saman í Kolaportinu Viðskipti innlent Neytendur kunna að meta Landlaxinn og Landbleikjuna Samstarf Röntgen Domus og Orkuhúsið fá ekki að sameinast Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira