Haugur líklega ein vinsælasta fluga sumarsins

Stundum koma fram flugur sem eru líklega vel hugsaðar af hönnuði sem hendir flugu saman eftir hugdettu eða einskærri forvitni til að sjá hvort hún virki.

Þegar þessar flugur virka fara þær að dreifa sér úr boxi hönnuðar til vina og vandamanna.  Flugan fær á sig gott orð og það verður til eftirspurn.  Fleiri fara að nota hana og brátt er hún á allra orði og mikið notuð eftir því.  En ef flugan virkar ekki fellur hún fljótt í gleymskunnar dá og engin notar hana nema einhver sem kannski grípur í eintak á tauminn til að rifja upp gamlar stundir.

Það verða líklega ekki örlög flugunnar Haugs sem flestir ef ekki allir veiðimenn þekkja.  Þessi einfalda en fallega fluga er veiðin, mjög veiðin og sérstaklega hefur hún reynst lukkuleg á nýgengin fisk en margir halda tryggð við hana allann veiðitímann og það sést vel í veiðibókum landins að hún veiðir vel allt tímabilið.  Hvers vegna þessi fluga veiðir vel gæti verið sambland af smá bláu glitri í vængnum sem fellur vel við perlubleikan búkinn og rauðan hausinn.  Hún fer vel í vatni og er jafn veiðin sem smáfluga og ekki síður sem "hitch".  Hönnuður hennar er Sigurður Héðinn sem verður líklega krýndur heiðursmerki fyrir þessa flugu sem fer líklega í bækurnar sem ein veiðnasta og að sama skapi vinsælasta fluga síðustu ára.  Sumir segja að þarna sé jafnvel kominn arftaki Rauðs Frances en það mun tíminn einn leiða í ljós.