Skrifstofukostnaður RÚV jókst um fimmtung

Kostnaður Ríkisútvarpsins (RÚV) vegna skrifstofu útvarpsstjóra, fjármáladeildar og stjórnar nam tæpum 140 milljónum króna á fyrstu sex mánuðum ársins og jókst um tuttugu prósent á milli ára, að því er fram kemur í hálfsársuppgjöri félagsins. Rekstrargjöld Ríkisútvarpsins námu rúmum þremur milljörðum króna á tímabilinu og hækkuðu um 114 milljónir eða fjögur prósent á milli ára.

Um 44 milljóna króna tap varð á rekstri RÚV á fyrri helmingi ársins borið saman við 38,2 milljarða króna tap á sama tíma í fyrra.

Þá námu gjaldfærð laun og lífeyris­sjóðsgreiðslur til æðstu stjórnenda RÚV, annarra en útvarpstjóra, 60,7 milljónum króna á fyrri helmingi ársins og hækkuðu um 7,4 prósent á milli ára. Heildarlaun og þóknanir útvarpsstjóra námu 10,5 milljónum króna.

Fréttin birtist fyrst í Fréttablaðinu.