Kjararáð ekki enn lækkað laun bankastjóra Íslandsbanka Haraldur Guðmundsson skrifar 12. janúar 2017 07:00 Birna Einarsdóttir, bankastjóri Íslandsbanka, er enn með um 44 milljónir króna í árslaun. vísir/gva Kjararáð hefur ekki enn úrskurðað um laun Birnu Einarsdóttur, bankastjóra Íslandsbanka, rétt tæpu ári eftir að íslenska ríkið eignaðist fjármálafyrirtækið að fullu. Laun Birnu eru því óbreytt en þau hefðu með úrskurði ráðsins lækkað úr um 44 milljónum króna á ári í 25 milljónir. Útlit er fyrir að kjör hennar muni aldrei versna, niður í laun ákvörðuð af kjararáði vegna nýrrar lagabreytingar og þeirrar staðreyndar að Birna er með tólf mánaða uppsagnarfrest. Friðrik Sophusson, stjórnarformaður Íslandsbanka, staðfestir í skriflegu svari til Fréttablaðsins að kjararáð hafi ekki úrskurðað um laun Birnu. Ráðið hafi aftur á móti óskað eftir upplýsingum um störf og starfskjör bankastjórans og álit bankaráðsins. Þær upplýsingar hafi verið veittar og eins hafi Friðrik átt fund með meðlimum ráðsins í desember síðastliðnum. „Stjórn bankans hefur þess vegna ekki gert neinar breytingar á kjörum bankastjórans frá því í desember árið 2015. Á síðasta aðalfundi var samþykkt að breyta starfskjarastefnu bankans og fella niður árangurstengdar greiðslur til starfsmanna frá síðustu áramótum og gildir sú ákvörðun um bankastjórann eins og aðra,“ segir í svari Friðriks. Stjórnarformaðurinn bendir einnig á að Alþingi samþykkti þann 22. desember breytingar á lögum um kjararáð. Samkvæmt þeim munu ákvarðanir um laun bankastjóra ríkisbankanna tveggja, Íslandsbanka og Landsbankans, heyra undir bankaráð þeirra frá gildistöku laganna þann 1. júlí 2017.Friðrik Sophusson, stjórnarformaður Íslandsbanka, fundaði í desember með meðlimum kjararáðs eða tíu mánuðum eftir að íslenska ríkið eignaðist bankann.„Verði núgildandi ráðningarsamningi breytt með úrskurði kjararáðs jafngildir það uppsögn á samningnum og tekur þá uppsagnarfrestur gildi. Af því má ljóst vera að starfskjör bankastjóra munu ekki breytast á næstunni,“ segir Friðrik. Samkvæmt upplýsingum Fréttablaðsins er Birna ekki með styttri uppsagnarfrest en Steinþór Pálsson, fyrrverandi bankastjóri Landsbankans, samdi um á sínum tíma eða tólf mánuði. Fari svo að kjararáð ákveði að lækka laun hennar mun ákvörðunin því ekki hafa áhrif á starfskjör Birnu áður en lagabreytingin tekur gildi. Hún var með 43,7 milljónir króna í árslaun árið 2015 en ársreikningur Íslandsbanka fyrir árið í fyrra hefur ekki verið birtur. Það gerir um 3,6 milljónir króna á mánuði en Birna fékk þá að auki vilyrði fyrir 7,2 milljóna króna bónusgreiðslu frá bankanum. Launakjör bankastjóra Landsbankans eru ákveðin af kjararáði og skal það gæta innbyrðis samræmis í starfskjörum sem það ákveður. Rúmt ár er síðan ráðið ákvað að hækka laun Steinþórs, sem lét af störfum í lok nóvember, um tuttugu prósent. Heildarmánaðarlaun hans námu við starfslokin 2.089.094 krónum. Mismunurinn á árslaunum bankastjóranna tveggja nemur því 18,6 milljónum. Ríkið eignaðist Íslandsbanka að fullu í lok janúar 2016 og þangað til lögin um kjararáð taka gildi mun Birna hafa fengið um 28 milljónum króna meira í laun en ef ráðið hefði úrskurðað um kjör hennar frá og með yfirtökudeginum. Birna sagði á uppgjörsfundi í Íslandsbanka í febrúar 2016 að hún myndi íhuga stöðu sína hjá bankanum ef kjör hennar myndu breytast. Lét hún þess þó getið að þrátt fyrir launalækkun yrði hún með töluvert há laun miðað við aðra starfsmenn bankans. Ekki náðist í Jónas Þór Guðmundsson, formann kjararáðs, eða Óskar Bergsson varaformann þrátt fyrir ítrekaðar tilraunir.Fréttin birtist fyrst í FréttablaðinuUppfært kl. 11:45 Í tilefni af umfjöllun um laun bankastjóra Íslandsbanka í Fréttablaðinu í dag vill kjararáð koma eftirfarandi á framfæri: Með bréfi fjármála- og efnahagsráðuneytisins dags. 24. júní 2016 var kjararáði tilkynnt um yfirtöku íslenska ríkisins á Íslandsbanka hf. og að Bankasýsla ríkisins færi með eignarhlut ríkisins í bankanum. Hófst þá málsmeðferðin hjá kjararáði þar sem leitað var eftir sjónarmiðum bankans, bankastjórans og fjármála- og fjármálaráðuneytisins. Vænta má úrskurðar í málinu á næstu vikum. Fram er komið að bankastjórinn hefur 12 mánaða uppsagnarfrest samkvæmt ráðningarsamningi. Ný lög um kjararáð taka gildi 1. júlí 2017, þar sem ákvörðunarvald um laun bankastjórans flyst aftur frá kjararáði til stjórnar bankans. Birtist í Fréttablaðinu Mest lesið Ætla að bjóða vaxtalaus lán í aðdraganda mánaðamóta Viðskipti innlent „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Ég var pæja sem vildi ekki vera með ljótan gulan hatt á hausnum“ Atvinnulíf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur Muni gera meiri kröfur til áfengiskaupenda en flestir aðrir Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Merkum áfanga fagnað í verslun BYKO á Selfossi Samstarf Fleiri fréttir Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Sjá meira
Kjararáð hefur ekki enn úrskurðað um laun Birnu Einarsdóttur, bankastjóra Íslandsbanka, rétt tæpu ári eftir að íslenska ríkið eignaðist fjármálafyrirtækið að fullu. Laun Birnu eru því óbreytt en þau hefðu með úrskurði ráðsins lækkað úr um 44 milljónum króna á ári í 25 milljónir. Útlit er fyrir að kjör hennar muni aldrei versna, niður í laun ákvörðuð af kjararáði vegna nýrrar lagabreytingar og þeirrar staðreyndar að Birna er með tólf mánaða uppsagnarfrest. Friðrik Sophusson, stjórnarformaður Íslandsbanka, staðfestir í skriflegu svari til Fréttablaðsins að kjararáð hafi ekki úrskurðað um laun Birnu. Ráðið hafi aftur á móti óskað eftir upplýsingum um störf og starfskjör bankastjórans og álit bankaráðsins. Þær upplýsingar hafi verið veittar og eins hafi Friðrik átt fund með meðlimum ráðsins í desember síðastliðnum. „Stjórn bankans hefur þess vegna ekki gert neinar breytingar á kjörum bankastjórans frá því í desember árið 2015. Á síðasta aðalfundi var samþykkt að breyta starfskjarastefnu bankans og fella niður árangurstengdar greiðslur til starfsmanna frá síðustu áramótum og gildir sú ákvörðun um bankastjórann eins og aðra,“ segir í svari Friðriks. Stjórnarformaðurinn bendir einnig á að Alþingi samþykkti þann 22. desember breytingar á lögum um kjararáð. Samkvæmt þeim munu ákvarðanir um laun bankastjóra ríkisbankanna tveggja, Íslandsbanka og Landsbankans, heyra undir bankaráð þeirra frá gildistöku laganna þann 1. júlí 2017.Friðrik Sophusson, stjórnarformaður Íslandsbanka, fundaði í desember með meðlimum kjararáðs eða tíu mánuðum eftir að íslenska ríkið eignaðist bankann.„Verði núgildandi ráðningarsamningi breytt með úrskurði kjararáðs jafngildir það uppsögn á samningnum og tekur þá uppsagnarfrestur gildi. Af því má ljóst vera að starfskjör bankastjóra munu ekki breytast á næstunni,“ segir Friðrik. Samkvæmt upplýsingum Fréttablaðsins er Birna ekki með styttri uppsagnarfrest en Steinþór Pálsson, fyrrverandi bankastjóri Landsbankans, samdi um á sínum tíma eða tólf mánuði. Fari svo að kjararáð ákveði að lækka laun hennar mun ákvörðunin því ekki hafa áhrif á starfskjör Birnu áður en lagabreytingin tekur gildi. Hún var með 43,7 milljónir króna í árslaun árið 2015 en ársreikningur Íslandsbanka fyrir árið í fyrra hefur ekki verið birtur. Það gerir um 3,6 milljónir króna á mánuði en Birna fékk þá að auki vilyrði fyrir 7,2 milljóna króna bónusgreiðslu frá bankanum. Launakjör bankastjóra Landsbankans eru ákveðin af kjararáði og skal það gæta innbyrðis samræmis í starfskjörum sem það ákveður. Rúmt ár er síðan ráðið ákvað að hækka laun Steinþórs, sem lét af störfum í lok nóvember, um tuttugu prósent. Heildarmánaðarlaun hans námu við starfslokin 2.089.094 krónum. Mismunurinn á árslaunum bankastjóranna tveggja nemur því 18,6 milljónum. Ríkið eignaðist Íslandsbanka að fullu í lok janúar 2016 og þangað til lögin um kjararáð taka gildi mun Birna hafa fengið um 28 milljónum króna meira í laun en ef ráðið hefði úrskurðað um kjör hennar frá og með yfirtökudeginum. Birna sagði á uppgjörsfundi í Íslandsbanka í febrúar 2016 að hún myndi íhuga stöðu sína hjá bankanum ef kjör hennar myndu breytast. Lét hún þess þó getið að þrátt fyrir launalækkun yrði hún með töluvert há laun miðað við aðra starfsmenn bankans. Ekki náðist í Jónas Þór Guðmundsson, formann kjararáðs, eða Óskar Bergsson varaformann þrátt fyrir ítrekaðar tilraunir.Fréttin birtist fyrst í FréttablaðinuUppfært kl. 11:45 Í tilefni af umfjöllun um laun bankastjóra Íslandsbanka í Fréttablaðinu í dag vill kjararáð koma eftirfarandi á framfæri: Með bréfi fjármála- og efnahagsráðuneytisins dags. 24. júní 2016 var kjararáði tilkynnt um yfirtöku íslenska ríkisins á Íslandsbanka hf. og að Bankasýsla ríkisins færi með eignarhlut ríkisins í bankanum. Hófst þá málsmeðferðin hjá kjararáði þar sem leitað var eftir sjónarmiðum bankans, bankastjórans og fjármála- og fjármálaráðuneytisins. Vænta má úrskurðar í málinu á næstu vikum. Fram er komið að bankastjórinn hefur 12 mánaða uppsagnarfrest samkvæmt ráðningarsamningi. Ný lög um kjararáð taka gildi 1. júlí 2017, þar sem ákvörðunarvald um laun bankastjórans flyst aftur frá kjararáði til stjórnar bankans.
Birtist í Fréttablaðinu Mest lesið Ætla að bjóða vaxtalaus lán í aðdraganda mánaðamóta Viðskipti innlent „Oft sömu aðilar og verða öskureiðir ef þú rangkynjar köttinn þeirra eða hundinn“ Atvinnulíf Vopnfirska kjötsúpan stoltið hjá efnahagsráðgjafa ríkistjórnarinnar Atvinnulíf „Ég var pæja sem vildi ekki vera með ljótan gulan hatt á hausnum“ Atvinnulíf Algjör óvissa með Dragon Dim Sum Viðskipti innlent „Gátum ekki setið og beðið endalaust“ Neytendur Hægir á verðhækkunum matvöru Neytendur Muni gera meiri kröfur til áfengiskaupenda en flestir aðrir Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Merkum áfanga fagnað í verslun BYKO á Selfossi Samstarf Fleiri fréttir Ætla að bjóða vaxtalaus lán í aðdraganda mánaðamóta Muni gera meiri kröfur til áfengiskaupenda en flestir aðrir Vilja koma fleirum en Kynnisferðum inn í BSÍ Algjör óvissa með Dragon Dim Sum Landsbankinn telur skilmála sína nógu skýra Orðalag þurfi að vera nægilega skýrt fyrir sæmilega upplýstan neytanda Ráðinn markaðsstjóri Bílabúðar Benna Fetar í fótspor forverans og vildi einn lækka vexti Bein útsending: Efnahagsráðstefna í Reykjavík Kaupsamningum fjölgar en mikið ójafnvægi á leigumarkaði Hætta við hlutafjárútboð og skráningu Íslandshótela Hátt verð fæli ferðamanninn frá Íslandi Deilan um boltann fer alla leið í Hæstarétt AGS leggur til skattahækkanir Gerður ráðin til BBA//Fjeldco Þjóðin hafi tekið rétta ákvörðun í Icesave málinu Úr tveggja milljarða tekjum í fimm en töpuðu þrjátíu Ingu Tinnu hjá Dineout gjörsamlega ofboðið Eignast Securitas að fullu Netflix, Stöð2+, Prime og Disney greiði til menningar Segja markaðstorg blóðmjólka fyrirtæki Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Sjá meira