Despacito mest streymda lag allra tíma: „Ég vildi bara fá fólk til að dansa“ Hulda Hólmkelsdóttir skrifar 19. júlí 2017 11:00 Daddy Yankee og Luis Fonsi. Skjáskot/YouTube Lagið Despacito eftir söngvarann Luis Fonsi er orðið mest streymda lag allra tíma, sex mánuðum eftir að það kom fyrst út. Lagið hefur verið spilað í samtals 4,6 milljarða skipta á öllum streymisveitum. Það slær út lagið Sorry með Justin Bieber sem áður var mest spilað. Despacito náði einmitt flugi á alþjóðavettvangi þegar endurhljóðblönduð útgáfa með Justin Bieber var gefin út fyrir sumarið. „Það sem hefur gerst með þetta lag er bara algjör bilun,“ segir Fonsi, sem er frá Puerto Rico og syngur á spænsku, í samtali við BBC. „Ég vil ekki nota orðið slys því ég var að reyna að skrifa slagara, en ég bjóst ekki við að það myndi ná yfir [til enskumælandi landa].“ „Ég vildi bara fá fólk til að dansa.“Luis Fonsi og Daddy Yankee flutti lagið upphaflega allt á spænsku.Vísir/GettyLuis Fonsi er 39 ára og sagði að vinsældir lagsins, sem fór á topp vinsældalista í yfir 45 löndum, hafi veitt honum ákveðna von í pólitísku landslagi Bandaríkjanna, þar sem hann býr. „Ég er frá Puerto Rico og bý í Miami. Við búum á áhugaverðum tímum núna þar sem fólk vill skilja okkur að. Það vill byggja veggi. Að eitt lag nái að sameina fólk og menningarheima, það er það sem ég er stoltastur af.“ Despacito er suðrænn sumarsmellur og þýðir titill lagsins „hægt“ og er það vísun í hvernig Fonsi ætlar að næla í konu sem hann girnist. Óhætt er að álykta að margir þeirra sem hlusti á lagið skilji ekki textann, sem er nokkuð kynferðislegur, en þó ekki meira en fólk ætti að venjast úr popptónlist dagsins í dag. Myndbandið við lagið er nú þegar orðið fjórða mest spilaða tónlistarmyndband allra tíma á YouTube. Lögin þrjú sem eru fyrir ofan Despacito eru öll nokkurra ára gömul.Lagið varð strax vinsælt í Suður-Ameríku þegar það kom út í janúar. Það náði, sem fyrr segir, flugi eftir að Justin Bieber heyrði lagið á næturklúbbi og óskaði eftir að fá að bæta við versi. Sir Lucian Grainge, framkvæmdastjóri Universal Music Group, segir að vinsældir Despacito sýni svart á hvítu hvernig streymisveitur hafi breytt tónlistarbransanum. „Streymi hefur gert lagi með öðruvísi takt, frá annarri menningu, á öðru tungumáli, kleyft að verða þessi risi sem gerir fólk glatt,“ segir hann í samtali við BBC.Justin Bieber kom fram á tónleikum í Kórnum í Kópavogi í september á síðasta ári.Vísir/Hanna„Enskumælandi listamenn hafa tröllriðið bransanum síðustu 50 ár en streymisveitur munu halda áfram að opna augu fólks fyrir spænskumælandi tónlistarmönnum. Allt er í boði.“ Margir vilja meina að lagið hefði aldrei náð þeirri fótfestu sem það hefur gert án tilkomu Justin Bieber. Sir Lucian segir að það hafi verið allt með ráði gert. „Að bæta Justin Bieber við lagið gerði okkur kleyft að taka eitthvað sem var þegar mjög vinsælt og fara með það í hæstu hæðir, eitthvað sem virtist óhugsandi þegar lagið var samið,“ segir Grainage. Streymisveitur verða sífellt vinsælli leið fyrir fólk að nálgast tónlist. Í mars tilkynnti sænska streymisveitan Spotify að þau væru nú með 50 milljón notendur um allan heim. Apple Music, sem er enn ekki orðið tveggja ára, er með 27 milljónir notenda sem borga fyrir þjónustuna. En það eru fleiri veitur sem eru teknar inn í reikninginn þegar vinsældir Despacito eru reiknaðar, til dæmis Google Play, Amazon Unlimited, Deezer og YouTube. Lagið er jafnframt það 35. í sögunni til að vera á toppi Hot 100 lista Billboard í tíu vikur. Metið fyrir lengstu setu í fyrsta sæti listans á lagið One Sweet Day með Mariah Carey og Boyz II Men. Það sat á toppi listans 1995-1996. Fróðlegt er að vita hvort Despacito haldi áfram á toppi listans og slái fleiri met.Lagið með viðbót Justin Bieber má heyra í spilaranum hér fyrir neðan. Tónlist Mest lesið Fann fíkniefnin strax Lífið Falleg tónlist GDRN hljómaði ekki nógu vel Gagnrýni Inga Lind selur íbúð við Valshlíð Lífið Fleiri sniðgengu en ekki Lífið Jón og Hafdís festu kaup á einbýli með bátaskýli Lífið Magnús Scheving og Hrefna glæsileg á opnun Sjálands Lífið Þátttaka Ísraela hafi skemmt mikið Lífið Von á ákæru eftir spennuþrungna daga í Malmö Lífið Þessi lönd gáfu Íslandi stigin þrjú Lífið Statham og Baltasar sameina krafta sína í væntanlegri hasarmynd Bíó og sjónvarp Fleiri fréttir Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Skilyrði að koma Borgarnesi á kortið Nýir Íslendingar heimsóttu Bessastaði Mætti í eftirpartý og verður eftir í Malmö Guðný og Pétur selja glæsihöll í Garðabæ Fyndnustu gæludýramyndir ársins Bíó og plokkfiskur á Patreksfirði um hvítasunnuhelgina Meistari B-kvikmyndanna látinn Sjá meira
Lagið Despacito eftir söngvarann Luis Fonsi er orðið mest streymda lag allra tíma, sex mánuðum eftir að það kom fyrst út. Lagið hefur verið spilað í samtals 4,6 milljarða skipta á öllum streymisveitum. Það slær út lagið Sorry með Justin Bieber sem áður var mest spilað. Despacito náði einmitt flugi á alþjóðavettvangi þegar endurhljóðblönduð útgáfa með Justin Bieber var gefin út fyrir sumarið. „Það sem hefur gerst með þetta lag er bara algjör bilun,“ segir Fonsi, sem er frá Puerto Rico og syngur á spænsku, í samtali við BBC. „Ég vil ekki nota orðið slys því ég var að reyna að skrifa slagara, en ég bjóst ekki við að það myndi ná yfir [til enskumælandi landa].“ „Ég vildi bara fá fólk til að dansa.“Luis Fonsi og Daddy Yankee flutti lagið upphaflega allt á spænsku.Vísir/GettyLuis Fonsi er 39 ára og sagði að vinsældir lagsins, sem fór á topp vinsældalista í yfir 45 löndum, hafi veitt honum ákveðna von í pólitísku landslagi Bandaríkjanna, þar sem hann býr. „Ég er frá Puerto Rico og bý í Miami. Við búum á áhugaverðum tímum núna þar sem fólk vill skilja okkur að. Það vill byggja veggi. Að eitt lag nái að sameina fólk og menningarheima, það er það sem ég er stoltastur af.“ Despacito er suðrænn sumarsmellur og þýðir titill lagsins „hægt“ og er það vísun í hvernig Fonsi ætlar að næla í konu sem hann girnist. Óhætt er að álykta að margir þeirra sem hlusti á lagið skilji ekki textann, sem er nokkuð kynferðislegur, en þó ekki meira en fólk ætti að venjast úr popptónlist dagsins í dag. Myndbandið við lagið er nú þegar orðið fjórða mest spilaða tónlistarmyndband allra tíma á YouTube. Lögin þrjú sem eru fyrir ofan Despacito eru öll nokkurra ára gömul.Lagið varð strax vinsælt í Suður-Ameríku þegar það kom út í janúar. Það náði, sem fyrr segir, flugi eftir að Justin Bieber heyrði lagið á næturklúbbi og óskaði eftir að fá að bæta við versi. Sir Lucian Grainge, framkvæmdastjóri Universal Music Group, segir að vinsældir Despacito sýni svart á hvítu hvernig streymisveitur hafi breytt tónlistarbransanum. „Streymi hefur gert lagi með öðruvísi takt, frá annarri menningu, á öðru tungumáli, kleyft að verða þessi risi sem gerir fólk glatt,“ segir hann í samtali við BBC.Justin Bieber kom fram á tónleikum í Kórnum í Kópavogi í september á síðasta ári.Vísir/Hanna„Enskumælandi listamenn hafa tröllriðið bransanum síðustu 50 ár en streymisveitur munu halda áfram að opna augu fólks fyrir spænskumælandi tónlistarmönnum. Allt er í boði.“ Margir vilja meina að lagið hefði aldrei náð þeirri fótfestu sem það hefur gert án tilkomu Justin Bieber. Sir Lucian segir að það hafi verið allt með ráði gert. „Að bæta Justin Bieber við lagið gerði okkur kleyft að taka eitthvað sem var þegar mjög vinsælt og fara með það í hæstu hæðir, eitthvað sem virtist óhugsandi þegar lagið var samið,“ segir Grainage. Streymisveitur verða sífellt vinsælli leið fyrir fólk að nálgast tónlist. Í mars tilkynnti sænska streymisveitan Spotify að þau væru nú með 50 milljón notendur um allan heim. Apple Music, sem er enn ekki orðið tveggja ára, er með 27 milljónir notenda sem borga fyrir þjónustuna. En það eru fleiri veitur sem eru teknar inn í reikninginn þegar vinsældir Despacito eru reiknaðar, til dæmis Google Play, Amazon Unlimited, Deezer og YouTube. Lagið er jafnframt það 35. í sögunni til að vera á toppi Hot 100 lista Billboard í tíu vikur. Metið fyrir lengstu setu í fyrsta sæti listans á lagið One Sweet Day með Mariah Carey og Boyz II Men. Það sat á toppi listans 1995-1996. Fróðlegt er að vita hvort Despacito haldi áfram á toppi listans og slái fleiri met.Lagið með viðbót Justin Bieber má heyra í spilaranum hér fyrir neðan.
Tónlist Mest lesið Fann fíkniefnin strax Lífið Falleg tónlist GDRN hljómaði ekki nógu vel Gagnrýni Inga Lind selur íbúð við Valshlíð Lífið Fleiri sniðgengu en ekki Lífið Jón og Hafdís festu kaup á einbýli með bátaskýli Lífið Magnús Scheving og Hrefna glæsileg á opnun Sjálands Lífið Þátttaka Ísraela hafi skemmt mikið Lífið Von á ákæru eftir spennuþrungna daga í Malmö Lífið Þessi lönd gáfu Íslandi stigin þrjú Lífið Statham og Baltasar sameina krafta sína í væntanlegri hasarmynd Bíó og sjónvarp Fleiri fréttir Farnar á hestbak eins og hálfs og fjögurra ára Fleiri sniðgengu en ekki Von á ákæru eftir spennuþrungna daga í Malmö Inga Lind selur íbúð við Valshlíð „Þetta er náttúrulega sorgarsaga okkar Íslendinga“ Magnús Scheving og Hrefna glæsileg á opnun Sjálands Fann fíkniefnin strax Þátttaka Ísraela hafi skemmt mikið Ráðist á Steve Buscemi og hann fluttur á sjúkrahús Hlutu „Óskarinn“ í brúðkaupsskipulagningu Þessi skipuðu íslensku dómnefndina í Eurovision Herra Hnetusmjör hitti Akon: „Þeir vita sem vita“ Ari Bragi og Dóróthea eignuðust dreng Jón og Hafdís festu kaup á einbýli með bátaskýli Greindu frá kyninu á ströndinni Stjörnulífið: „Mér fannst mæðradagurinn alltaf triggerandi“ Þessi lönd gáfu Íslandi stigin þrjú „Það var algjört kossaflens í gangi í Breiðholtinu“ Leikkonan sem lék fyrsta fórnarlambið í Ókindinni er látin Fögnuðu heimkomu Nemo Kristrún ekki lengur á meðal ungs jafnaðarfólks Hellti sér yfir EBU að lokinni keppni Hundar mæta í vinnuna með eigendum sínum Skilyrði að koma Borgarnesi á kortið Nýir Íslendingar heimsóttu Bessastaði Mætti í eftirpartý og verður eftir í Malmö Guðný og Pétur selja glæsihöll í Garðabæ Fyndnustu gæludýramyndir ársins Bíó og plokkfiskur á Patreksfirði um hvítasunnuhelgina Meistari B-kvikmyndanna látinn Sjá meira