Sigurður Sæberg í framkvæmdastjórn Advania

Sigurður Sæberg Þorsteinsson hefur verið ráðinn framkvæmdastjóri þjónustu- og markaðssviðs Advania, en alls starfa um 50 manns á sviðinu. Sigurður hefur gegngt starfi deildarstjóra á rekstrarlausnasviði Advaniua undanfarið ár.

Áður en Sigurður hóf störf hjá Advania var hann sölu- og markaðsstjóri Þekkingar frá árinu 2013. Hann er með B.Sc. í viðskipta- og markaðsfræðum frá Auburn Montgomery háskólanum í Bandaríkjunum.

„Það er virkilega ánægjulegt að fá Sigurð í framkvæmdastjórn. Hann hefur starfað hjá félaginu í rúmt ár og við vitum vel hvers megnugur hann er. “ er haft eftir Ægi Má Þórissyni, forstjóra Advania á Íslandi, í tilkynningu.

„Væntingar viðskiptavina aukast sífellt og því er mikilvægt fyrir okkur að vinna stöðugt að því að laga sölu- og þjónustuframboð að kröfum þeirra. Þarna á Sigurður eftir að koma sterkur inn, enda með mikla reynslu úr heimi upplýsingatæknilausna.“