Innkalla Ora-vörur vegna leifa af Fipronil

Ísam hefur innkallað vörur eftir að rannsókn leiddi í ljós leifar af efninu Fipronil fundust í innfluttu eggjarauðudufti sem notað er við framlsiðslu á tilteknum vörum hjá Ora.

Í tilkynningu segir að vörurnar sem um ræðir séu Lúxus Bernaise, Bernais sósa Bónus, Graflaxsósa og HM Plokkfiskur.

Fipronil er notað til aflúsunar á dýrum, meðal annars gæludýrum. Magn efnisins í umræddu dufti er sagt mjög lítið og ekki skaðlegt neytendum. Hafi allri notkun eggjarauðuduftsins verið hætt þegar í stað og vörur sem innihalda hið mengaða hráefni verið innkallaðar.

„Tekin voru tvö sýni og var magn Fipronil í öðru vel undir leyfilegum viðmiðunarmörkum en rétt yfir mörkum í hinu sýninu. Samkvæmt gæðakerfi Ora er notkun hráefnis hætt í slíkum tilvikum til að tryggja öryggi afurða, jafnvel þótt mælingar séu undir viðmiðunarmörkum. Jafnframt verður farið fram á að erlendir söluaðilar eggjarauðudufts staðfesti með vottorði óháðra eftirlitsaðila að hráefnið sem Ora kaupir fyrir sína framleiðslu sé algjörlega laust við umrætt efni.

Fipronil er notað til aflúsunar á dýrum, meðal annars gæludýrum. Óheimilt er að nota það á dýr sem ræktuð eru til manneldis eða framleiðslu afurða til manneldis. Efnið á því ekki að geta komist inn í fæðukeðjuna með þessum hætti sé rétt að málum staðið.

Í meðfylgjandi töflu má sjá lista yfir vörur sem hafa verið í almennri dreifingu í verslunum og eru í innköllun. Hafi fólk þessar vörur undir höndum með þeim lotunúmerum sem um ræðir er vinsamlegast óskað efir því að þeim verði skilað í næstu verslun sem selur vöruna þar sem hún verður jafnframt endurgreidd.

,“ segir í tilkynningunni.