Hreinsun loftræstikerfa mikilvæg heilsunnar vegna

KYNNING Loftstokkahreinsunin K2 ehf. hefur áratuga langa reynslu af hreinsun loftræstikerfa hér á landi og sinnir bæði fyrirtækjum og einstaklingum. M

agnús Ásmundsson, verkstjóri hjá K2, segir sérlega mikilvægt að hreinsa loftræstikerfi reglulega, Loftstokkahreinsunin K2 ehf. hefur áratuga langa reynslu af hreinsun loftræsikerfa hér á landi og sinnir bæði fyrirtækjum og einstaklingum. Magnús Ásmundsson, verkstjóri hjá K2, segir sérlega mikilvægt að hreinsa loftræstikerfi reglulega, eða áður en óhreinindi í þeim skaði heilsu fólks.

„Í fjölbýlishúsum er loftræstingin oftast í gluggalausum baðherbergjum og geymslum. Mikilvægt er að loftræstingin nái að losa raka og hita sem safnast upp því þegar loftstokkar eru óhreinir og ná ekki að loftræsta rýmið er hætta á að raki þéttist í herberginn. Það getur leitt til skemmda eða jafnvel myglu.“

Hreinsað fyrir hverja íbúð

Þegar þörf er á hreinsun mæta starfsmenn K2 á staðinn, fara upp á þak eða lagnaloft og hreinsa þaðan loftræstistokka niður í hverja íbúð fyrir sig. „Í sumum tilfellum er stokkarnir sótthreinsaðir. Sé blásari til staðar er hann einnig hreinsaður,“ segir Magnús.

Að hreinsun lokinni þarf að fara inn í allar íbúðir í húsinu sem tengjast loftræstingunni. „Þá er lofttúðan tekin út og þrifin og það sem eftir á að þrífa af loftstokknum. Af þessu er lítið ónæði fyrir íbúa hússins því hreinsun af þessu tagi tekur yfirleitt ekki meira en 10-15 mínútur.“

Bjóða upp á fría ástandsskoðun

Magnús segir æskilegt að hreinsa útsogskerfi frá baðherbergjum á 3-5 ára fresti. „Við hjá K2 bjóðum upp á ástandsskoðun loftræstikerfa og mat á því hvort tími sé kominn á hreinsun. Ekkert er rukkað fyrir þá þjónustu á höfuðborgarsvæðinu.“

Að sögn Magnúsar kemur stundum upp sú staða að starfsmaður K2 mæti til að skoða loftræstingu og þá komi í ljós að ekki sé þörf á hreinsun. „Þá þarf bara að skrúfa túðuna úr og þrífa og það geta allir gert sjálfir. Sú aðgerð er gerð þannig að miðjan er skrúfuð úr, túðunni er snúið til að losa hana frá og hún síðan skoluð með vatni og síðan fest á sinn stað.“

Nánari upplýsingar í síma 775-7770 og 557-7000. www.k2.is.