Markaðurinn misskildi orð seðlabankastjóra Kristinn Ingi Jónsson skrifar 24. ágúst 2017 06:00 Seðlabankastjóri segir að vextir verði ekki lækkaðir til þess að "vinda ofan af fjárstreymistækinu“. vísir/stefán Agnar Tómas Möller, framkvæmdastjóri sjóða hjá GAMMA, segir að höft Seðlabanka Íslands á innflæði erlends fjármagns sé aðalástæða þess að lengri tíma vaxtamunur við útlönd hafi haldist hár. Ummæli Más Guðmundssonar seðlabankastjóra um að minni vaxtamunur sé forsenda þess að hægt sé að létta á innflæðishöftunum séu því nokkuð undarleg „því eggið komi vanalega ekki á undan hænunni“. Seðlabankastjóri tók fram á fundi í Seðlabankanum í gær, þar sem kynnt var ákvörðun peningastefnunefndar bankans um að halda stýrivöxtum óbreyttum, að vextir bankans yrðu ekki lækkaðir til þess eins að „vinda ofan af fjárstreymistækinu“. Þess í stað yrði losað um innflæðishöftin í skrefum sem tækju tillit til aðstæðna og þá ekki síst þróunar lengri tíma vaxtamismunar við útlönd. Seðlabankinn virkjaði sérstakt fjárstreymistæki í júní í fyrra. Var þá kveðið á um að 40 prósent af innflæði fjármagns vegna fjárfestinga í skuldabréfum þyrfti að binda í eitt ár á núll prósent vöxtum. Jón Bjarki Bentsson, aðalhagfræðingur Íslandsbanka, segir að ýmsir á markaði hafi túlkað orð sem Már hafi látið falla í viðtali við fréttaveitu Bloomberg í byrjun mánaðarins á þá leið að Seðlabankinn teldi sig knúinn til þess að losa um innflæðishöftin og að það væri sjálfstæð ástæða til lækkunar vaxta. Seðlabankastjóri hafi með yfirlýsingu sinni í gær reynt að leiðrétta þann misskilning.Agnar Tómas Möller, framkvæmdastjóri sjóða hjá GAMMA„Það kom skýrt fram í máli seðlabankastjóra í gær að bankinn hugsar þetta öfugt. Að hann muni losa jafnt og þétt um innflæðishöftin þegar vaxtamunurinn við útlönd er orðinn það lítill að það leiði ekki til stórkostlega kviks innflæðis. Þeir virðast þannig sjá losun innflæðishaftanna sem möguleika sem er smám saman að opnast eftir því sem vaxtaumhverfið hér færist nær því sem eðlilegt má teljast erlendis. Með vaxtalækkun hér á landi sem og hækkandi vöxtum erlendis sé ekki lengur þörf á svona ströngum innflæðishöftum.“ Agnar Tómas segir innlenda fjárfesta hafa leitað úr landi eftir að losað var um gjaldeyrishöftin í mars á sama tíma og erlendum skuldabréfafjárfestum sé haldið fyrir utan landið. „Innflæðishöftin hafa þannig leitt til aukinna sveiflna í gengi krónunnar og hugsanlega ýtt upp verðbólguálagi sem gæti stuðlað að aðhaldssamari peningastefnu en ella. Hugsanlega hefur það riðið baggamuninn í þeirri ákvörðun Seðlabankans að halda vöxtum óbreyttum, því yfirlýsingar Seðlabankans í gær tikkuðu í öll box fyrir lækkun vaxta,“ segir hann. Agnar Tómas bendir auk þess á að samkvæmt nýrri þjóðhagsspá Seðlabankans muni fjárfestingar fyrirtækja dragast saman á næstu árum. Það sé mikið áhyggjuefni. „Eftir að losað var um gjaldeyrishöftin vantar nauðsynlega aukið fjármagn inn í hagkerfið. Það skýtur því skökku við að Seðlabankinn skuli ekki fylgja ráðleggingum Alþjóðagjaldeyrissjóðsins og aflétta hömlum á erlenda lengri tíma skuldabréfafjárfestingu.“ Undir þetta tekur Halldór Benjamín Þorbergsson, framkvæmdastjóri Samtaka atvinnulífsins. Hann segir Seðlabankann ekki geta lengur falið sig á bak við það að innflæðishöftin séu neyðarúrræði fyrir íslenskt efnahagslíf. „Innflæðishöftin hefta, eðli máls samkvæmt, erlenda fjárfestingu og skaða þar með íslenskt efnahagslíf til lengri tíma litið. Höftin hafa verið við lýði í rúmlega ár þvert gegn ráðleggingum Alþjóðagjaldeyrissjóðsins sem hefur lagt áherslu á að þau eigi ekki að gegna lykilhlutverki í hagstjórn. Það er mjög gagnrýnivert.“ Birtist í Fréttablaðinu Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Base parking gjaldþrota Viðskipti innlent Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Agnar Tómas Möller, framkvæmdastjóri sjóða hjá GAMMA, segir að höft Seðlabanka Íslands á innflæði erlends fjármagns sé aðalástæða þess að lengri tíma vaxtamunur við útlönd hafi haldist hár. Ummæli Más Guðmundssonar seðlabankastjóra um að minni vaxtamunur sé forsenda þess að hægt sé að létta á innflæðishöftunum séu því nokkuð undarleg „því eggið komi vanalega ekki á undan hænunni“. Seðlabankastjóri tók fram á fundi í Seðlabankanum í gær, þar sem kynnt var ákvörðun peningastefnunefndar bankans um að halda stýrivöxtum óbreyttum, að vextir bankans yrðu ekki lækkaðir til þess eins að „vinda ofan af fjárstreymistækinu“. Þess í stað yrði losað um innflæðishöftin í skrefum sem tækju tillit til aðstæðna og þá ekki síst þróunar lengri tíma vaxtamismunar við útlönd. Seðlabankinn virkjaði sérstakt fjárstreymistæki í júní í fyrra. Var þá kveðið á um að 40 prósent af innflæði fjármagns vegna fjárfestinga í skuldabréfum þyrfti að binda í eitt ár á núll prósent vöxtum. Jón Bjarki Bentsson, aðalhagfræðingur Íslandsbanka, segir að ýmsir á markaði hafi túlkað orð sem Már hafi látið falla í viðtali við fréttaveitu Bloomberg í byrjun mánaðarins á þá leið að Seðlabankinn teldi sig knúinn til þess að losa um innflæðishöftin og að það væri sjálfstæð ástæða til lækkunar vaxta. Seðlabankastjóri hafi með yfirlýsingu sinni í gær reynt að leiðrétta þann misskilning.Agnar Tómas Möller, framkvæmdastjóri sjóða hjá GAMMA„Það kom skýrt fram í máli seðlabankastjóra í gær að bankinn hugsar þetta öfugt. Að hann muni losa jafnt og þétt um innflæðishöftin þegar vaxtamunurinn við útlönd er orðinn það lítill að það leiði ekki til stórkostlega kviks innflæðis. Þeir virðast þannig sjá losun innflæðishaftanna sem möguleika sem er smám saman að opnast eftir því sem vaxtaumhverfið hér færist nær því sem eðlilegt má teljast erlendis. Með vaxtalækkun hér á landi sem og hækkandi vöxtum erlendis sé ekki lengur þörf á svona ströngum innflæðishöftum.“ Agnar Tómas segir innlenda fjárfesta hafa leitað úr landi eftir að losað var um gjaldeyrishöftin í mars á sama tíma og erlendum skuldabréfafjárfestum sé haldið fyrir utan landið. „Innflæðishöftin hafa þannig leitt til aukinna sveiflna í gengi krónunnar og hugsanlega ýtt upp verðbólguálagi sem gæti stuðlað að aðhaldssamari peningastefnu en ella. Hugsanlega hefur það riðið baggamuninn í þeirri ákvörðun Seðlabankans að halda vöxtum óbreyttum, því yfirlýsingar Seðlabankans í gær tikkuðu í öll box fyrir lækkun vaxta,“ segir hann. Agnar Tómas bendir auk þess á að samkvæmt nýrri þjóðhagsspá Seðlabankans muni fjárfestingar fyrirtækja dragast saman á næstu árum. Það sé mikið áhyggjuefni. „Eftir að losað var um gjaldeyrishöftin vantar nauðsynlega aukið fjármagn inn í hagkerfið. Það skýtur því skökku við að Seðlabankinn skuli ekki fylgja ráðleggingum Alþjóðagjaldeyrissjóðsins og aflétta hömlum á erlenda lengri tíma skuldabréfafjárfestingu.“ Undir þetta tekur Halldór Benjamín Þorbergsson, framkvæmdastjóri Samtaka atvinnulífsins. Hann segir Seðlabankann ekki geta lengur falið sig á bak við það að innflæðishöftin séu neyðarúrræði fyrir íslenskt efnahagslíf. „Innflæðishöftin hefta, eðli máls samkvæmt, erlenda fjárfestingu og skaða þar með íslenskt efnahagslíf til lengri tíma litið. Höftin hafa verið við lýði í rúmlega ár þvert gegn ráðleggingum Alþjóðagjaldeyrissjóðsins sem hefur lagt áherslu á að þau eigi ekki að gegna lykilhlutverki í hagstjórn. Það er mjög gagnrýnivert.“
Birtist í Fréttablaðinu Mest lesið Há laun og dýr bjór séu vandamál ÁTVR Viðskipti innlent „Svo hefst kapphlaupið í það hver er fyrstur að ná sturtunni!“ Atvinnulíf Dagar Workplace eru taldir Viðskipti erlent Rauf sátt vegna Max-málsins og gæti átt yfir höfði sér refsimál Viðskipti erlent Fyrirtæki hvött til að halda upp á daginn í dag og gera sér dagamun Atvinnulíf Fyrsta flugi Icelandair til Pittsburgh fagnað Viðskipti Hnífjöfn atkvæðagreiðsla sem gæti endað fyrir dómi Viðskipti innlent Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fóru í fyrsta flugið milli Calgary og Keflavíkurflugvallar Viðskipti innlent Base parking gjaldþrota Viðskipti innlent Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira