Sonur Hjalta berrassaður í yfirheyrslu Jakob Bjarnar skrifar 11. ágúst 2017 14:08 Feðgarnir Árni og Hjalti sem segir son sinn saklausan og lýsir makalausu máli, eins og það horfir við honum. Hann ætlar lengra með málið og alla leið ef þarf. Hjalti Úrsus Árnason aflraunamaður ber lögreglu og saksóknara þungum sökum og talar um að framið hafi verið dómsmorð á syni hans. Árni Hjaltason var nýverið dæmdur í héraði til fjögurra ára fangelsisvistar fyrir tilraun til manndráps. Hjalti segir rannsókn málsins furðu sæta. Og átti von á allt öðru dómsorði. Hann segir lögregluna og dómsvaldið einfaldlega hafa verið búið að ákveða niðurstöðuna fyrirfram. „Ég hélt að hann væri bara að koma heim og við værum að fara að grilla,“ segir Hjalti sem furðar sig á rannsókninni og dómnum sem hann segir engu vatni halda. Hjalti fór yfir þetta í ítarlegu viðtali í útvarpsþættinum Harmageddon nú í morgun.Hjalti fer þar yfir ýmsa þætti málsins sem hann segir ekki standast neina skoðun. Hann segir manninn sem Árni átti í átökum við sem leiddu svo til þess að hann var kærður og dæmdur fyrir tilraun til manndráps ítrekað hafa breytt framburði sínum. Hjalti lýsir að hafa átt í samtali við lögreglumann sem hann kallar Leif, sem hafi viðurkennt að þetta væri ótrúverðugt en það breyti öllu að brotaþoli, Aron, hafi verið edrú en sonur Hjalta ekki.Ef Árni ætlar sér að drepa einhvern þá verður morð Hjalti hins vegar lýsir því sem lesa má í dómsskjölum að saksóknari hafi spurt brotaþola hvernig ástandið hafi verðið á honum og þá segist hann hafa verið búinn að setja í sig pillur, amfetamín og áfengi. Hins vegar hafi sonur hans verið edrú, þó vissulega hafi hann verið í neyslu á þessu tímabili. „Ég ætla ekki að útiloka að hann hafi fengið þetta sár við að ráðast á Árna. En, lykilatriði er að Árni hafi haft hann undir, setið á honum og hann hafi komist undan. Staðreynd málsins er þessi, og ég hefði viljað að þetta hefði verið sett upp í réttarhöldunum: Árni, sestu á Aron. Aron, sýndu okkur hvernig þú komst undan,“ segir Hjalti sem lýsir syni sínum sem sérþjálfuðum í brasilískum bardagalistum, hann sé 2,05 á hæð og 180 kíló.Maður með þessa líkamlegu yfirburði... það verður ekki morðtilraun ef Árni ætlar sér að drepa einhvern, það verður morð. Maður svona stór, ef hann ætlar sér eitthvað.Yfirheyrslan engin tískusýning Þetta er aðeins eitt af mörgu sem Hjalti segir orka tvímælis. Þá hefur hann eitt og annað út á meðhöndlun lögreglunnar á syni sínum að setja. Útvarpsmaðurinn Frosti Logason, sem sett hefur sig inn í málið og telur það hið undarlegasta, spyr Hjalta út í það atriði. Að Árni sonur hans hafi verið leiddur berrassaður fyrir dómara af því að það átti að fara að rannsaka fötin hans, en það var aldrei rannsakað heldur? „Nei, það lá svo mikið á að koma fötum hans í rannsókn að hann er yfirheyrður þarna um morguninn nakinn, eða í götóttum nærbuxum, og hann er spurður: er ekki allt í góðu lagi með þetta allt saman? Nei, mér líður eins og hálfvita, ég er hér nakinn og hér eru myndavélar. Þá segir lögreglukonan: Þetta er nú ekki tískusýning. Þetta er skjalfest. Leiddur líka nakinn fyrir dómara. Hann hefur átt við ákveðin vandamál að stríða og þarf á lyfjum að halda. En honum var hent í einangrun á Litla Hrauni, á nærbuxunum, í viku.“ Hjalti Úrsus lýsir því einnig yfir, í tilvitnuðu útvarpsviðtali, furðu sinni á því að brotaþola hafi verið dæmdar skaðabætur sem nema 500 þúsund krónum. Hvernig það megi vera að maður sem er búinn að ljúga ítrekað, breyta framburði sínum, fylla sig af amfetamíni og áfengi, mætir á vettvang með hníf sem er á við sveðju, feli svo hnífinn sem aldrei hefur fundist, fái dæmdar skaðabætur?Lofað helmingi væntanlegra bóta Þá lýsir Hjalti því jafnframt að stúlka sem dópuð bar vitni sem allt málið grundvallist á, hafi fengið loforð um að fá helming þeirra bóta ef hún breyti ekki röngum framburði sínum. Þá hafi hún gert sér grein fyrir alvarleika málsins, breytt framburði sínum en lögreglan vildi ekkert hafa með það að gera. Því niðurstöðuna var búið að ákveða. Hjalti segist hingað til hafa haft trú á réttarkerfinu, hann eigi marga kunningja innan lögreglunnar sem sé frábært fólk. En einhvers staðar hafi verið ákveðið að sonur hans yrði dæmdur hvað sem tautar og raular. Málinu verði áfrýjað og farið með það eins langt og hægt er. Því ekki sé hægt að búa við annað eins og þetta. Tengdar fréttir Tilraun til manndráps: Þrjár manneskjur, þrjár sögur og hnífurinn sem hvarf Vísir greindi frá því í dag að Árni Gils Hjaltason hefði verið dæmdur í fjögurra ára fangelsi fyrir tilraun til manndráps eftir að hafa stungið mann í höfuðið við Leifssjoppu í Breiðholti þann 5. mars síðastliðinn. 9. ágúst 2017 19:42 Fjögurra ára fangelsi fyrir tilraun til manndráps fyrir utan Leifasjoppu Árni Gils Hjaltason hefur verið dæmdur í fjögurra ára fangelsi fyrir tilraun til manndráps. 9. ágúst 2017 16:33 Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Tóku á móti tveimur börnum á innan við klukkustund Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Umfangsmestu loftárásir frá upphafi stríðs Erlent „Hafa ekki lyft litla fingri í máli Oscars“ Innlent Rigning í kortunum Veður Níu af tíu börnum tveggja lækna létust í árásum Ísraela Erlent Fleiri fréttir Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Sjá meira
Hjalti Úrsus Árnason aflraunamaður ber lögreglu og saksóknara þungum sökum og talar um að framið hafi verið dómsmorð á syni hans. Árni Hjaltason var nýverið dæmdur í héraði til fjögurra ára fangelsisvistar fyrir tilraun til manndráps. Hjalti segir rannsókn málsins furðu sæta. Og átti von á allt öðru dómsorði. Hann segir lögregluna og dómsvaldið einfaldlega hafa verið búið að ákveða niðurstöðuna fyrirfram. „Ég hélt að hann væri bara að koma heim og við værum að fara að grilla,“ segir Hjalti sem furðar sig á rannsókninni og dómnum sem hann segir engu vatni halda. Hjalti fór yfir þetta í ítarlegu viðtali í útvarpsþættinum Harmageddon nú í morgun.Hjalti fer þar yfir ýmsa þætti málsins sem hann segir ekki standast neina skoðun. Hann segir manninn sem Árni átti í átökum við sem leiddu svo til þess að hann var kærður og dæmdur fyrir tilraun til manndráps ítrekað hafa breytt framburði sínum. Hjalti lýsir að hafa átt í samtali við lögreglumann sem hann kallar Leif, sem hafi viðurkennt að þetta væri ótrúverðugt en það breyti öllu að brotaþoli, Aron, hafi verið edrú en sonur Hjalta ekki.Ef Árni ætlar sér að drepa einhvern þá verður morð Hjalti hins vegar lýsir því sem lesa má í dómsskjölum að saksóknari hafi spurt brotaþola hvernig ástandið hafi verðið á honum og þá segist hann hafa verið búinn að setja í sig pillur, amfetamín og áfengi. Hins vegar hafi sonur hans verið edrú, þó vissulega hafi hann verið í neyslu á þessu tímabili. „Ég ætla ekki að útiloka að hann hafi fengið þetta sár við að ráðast á Árna. En, lykilatriði er að Árni hafi haft hann undir, setið á honum og hann hafi komist undan. Staðreynd málsins er þessi, og ég hefði viljað að þetta hefði verið sett upp í réttarhöldunum: Árni, sestu á Aron. Aron, sýndu okkur hvernig þú komst undan,“ segir Hjalti sem lýsir syni sínum sem sérþjálfuðum í brasilískum bardagalistum, hann sé 2,05 á hæð og 180 kíló.Maður með þessa líkamlegu yfirburði... það verður ekki morðtilraun ef Árni ætlar sér að drepa einhvern, það verður morð. Maður svona stór, ef hann ætlar sér eitthvað.Yfirheyrslan engin tískusýning Þetta er aðeins eitt af mörgu sem Hjalti segir orka tvímælis. Þá hefur hann eitt og annað út á meðhöndlun lögreglunnar á syni sínum að setja. Útvarpsmaðurinn Frosti Logason, sem sett hefur sig inn í málið og telur það hið undarlegasta, spyr Hjalta út í það atriði. Að Árni sonur hans hafi verið leiddur berrassaður fyrir dómara af því að það átti að fara að rannsaka fötin hans, en það var aldrei rannsakað heldur? „Nei, það lá svo mikið á að koma fötum hans í rannsókn að hann er yfirheyrður þarna um morguninn nakinn, eða í götóttum nærbuxum, og hann er spurður: er ekki allt í góðu lagi með þetta allt saman? Nei, mér líður eins og hálfvita, ég er hér nakinn og hér eru myndavélar. Þá segir lögreglukonan: Þetta er nú ekki tískusýning. Þetta er skjalfest. Leiddur líka nakinn fyrir dómara. Hann hefur átt við ákveðin vandamál að stríða og þarf á lyfjum að halda. En honum var hent í einangrun á Litla Hrauni, á nærbuxunum, í viku.“ Hjalti Úrsus lýsir því einnig yfir, í tilvitnuðu útvarpsviðtali, furðu sinni á því að brotaþola hafi verið dæmdar skaðabætur sem nema 500 þúsund krónum. Hvernig það megi vera að maður sem er búinn að ljúga ítrekað, breyta framburði sínum, fylla sig af amfetamíni og áfengi, mætir á vettvang með hníf sem er á við sveðju, feli svo hnífinn sem aldrei hefur fundist, fái dæmdar skaðabætur?Lofað helmingi væntanlegra bóta Þá lýsir Hjalti því jafnframt að stúlka sem dópuð bar vitni sem allt málið grundvallist á, hafi fengið loforð um að fá helming þeirra bóta ef hún breyti ekki röngum framburði sínum. Þá hafi hún gert sér grein fyrir alvarleika málsins, breytt framburði sínum en lögreglan vildi ekkert hafa með það að gera. Því niðurstöðuna var búið að ákveða. Hjalti segist hingað til hafa haft trú á réttarkerfinu, hann eigi marga kunningja innan lögreglunnar sem sé frábært fólk. En einhvers staðar hafi verið ákveðið að sonur hans yrði dæmdur hvað sem tautar og raular. Málinu verði áfrýjað og farið með það eins langt og hægt er. Því ekki sé hægt að búa við annað eins og þetta.
Tengdar fréttir Tilraun til manndráps: Þrjár manneskjur, þrjár sögur og hnífurinn sem hvarf Vísir greindi frá því í dag að Árni Gils Hjaltason hefði verið dæmdur í fjögurra ára fangelsi fyrir tilraun til manndráps eftir að hafa stungið mann í höfuðið við Leifssjoppu í Breiðholti þann 5. mars síðastliðinn. 9. ágúst 2017 19:42 Fjögurra ára fangelsi fyrir tilraun til manndráps fyrir utan Leifasjoppu Árni Gils Hjaltason hefur verið dæmdur í fjögurra ára fangelsi fyrir tilraun til manndráps. 9. ágúst 2017 16:33 Mest lesið Þingmaður úðaði eyrnameðali fyrir hunda í kokið á sér Innlent Sérsveit handtók vopnaðan mann Innlent Kveður Glerártorg eftir sautján ár Innlent Tóku á móti tveimur börnum á innan við klukkustund Innlent Elsti hestur landsins er 36 vetra með tennur og hófa í fínu standi Innlent Steinn reistur við með eins konar blöðrum Innlent Umfangsmestu loftárásir frá upphafi stríðs Erlent „Hafa ekki lyft litla fingri í máli Oscars“ Innlent Rigning í kortunum Veður Níu af tíu börnum tveggja lækna létust í árásum Ísraela Erlent Fleiri fréttir Afsögn Úlfars og afstaða Íslands til ástandsins á Gasa Sérsveit handtók vopnaðan mann Tóku á móti tveimur börnum á innan við klukkustund Steinn reistur við með eins konar blöðrum Elsti hestur landsins er 36 vetra með tennur og hófa í fínu standi Vannærð börn svelti eða verði læknanlegum sjúkdómum að bráð „Þú hakkar ekki á tóman maga“ Kveður Glerártorg eftir sautján ár Þingmaður úðaði eyrnameðali fyrir hunda í kokið á sér „Hafa ekki lyft litla fingri í máli Oscars“ Dúxinn fjarri góðu gamni Brottvísun Oscars, skortur á kvenhökkurum og hundgamall hestur Vísar ásökunum um smölun aftur til sendanda Skjálftinn reyndist 5,1 og fannst frá Skaganum að Hellu Gunnar Smári kosinn úr stjórn: Úrsagnir og uppnám á aðalfundi Sósíalistaflokksins Skiptar skoðanir á „forljótum“ varðturnum gegn vasaþjófnaði Stór skjálfti fannst vel á suður- og vesturlandi Dráttarvéladagur er á Blikastöðum í dag Beiðni Oscars hafnað: „Það bíður hans engin birta, það er enginn þarna“ Nýr meirihluti komi ekki til greina Umsókn Oscars um landvistarleyfi hafnað og nýr meirihluti útilokaður Þrjár erlendar stúlkur með hæstu einkunn í FÁ Brennandi einbýlishús reyndist eyðibýli Tekist á um breytta ásýnd Suðurlandsbrautar með tilkomu Borgarlínunnar Ökumenn sektaðir vegna notkunar nagladekkja Fólk í fjarvinnu finni fyrir minni streitu Fólk látið vinna of hratt og fái ekki greitt fyrir alla vinnuna Sást ekki til sólar fyrir mýi Áfengi og íþróttaviðburðir geti átt samleið sé farið að lögum Bensínbrúsar inni í íbúðinni Sjá meira
Tilraun til manndráps: Þrjár manneskjur, þrjár sögur og hnífurinn sem hvarf Vísir greindi frá því í dag að Árni Gils Hjaltason hefði verið dæmdur í fjögurra ára fangelsi fyrir tilraun til manndráps eftir að hafa stungið mann í höfuðið við Leifssjoppu í Breiðholti þann 5. mars síðastliðinn. 9. ágúst 2017 19:42
Fjögurra ára fangelsi fyrir tilraun til manndráps fyrir utan Leifasjoppu Árni Gils Hjaltason hefur verið dæmdur í fjögurra ára fangelsi fyrir tilraun til manndráps. 9. ágúst 2017 16:33