Fyrsta stiklan frá Girlboss frumsýnd

Mikil eftirvænting er eftir þáttaröðinni Girlboss sem er væntanleg á Netflix þann 21.apríl. Þættirnir eru byggðir á metsölubókinni Girlboss sem að Sophia Amoruso, stofnandi Nasty Gal, gaf út. 

Sagt er frá Sophiu þegar hún var ung og að vinna í því að stofna Ebay verslunina Nasty Gal, sem svo seinna verður ein vinsælasta netverslun Bandaríkjana fyrir ungar konur. Það er leikkonan Britt Robertson sem leikur Sophiu í þáttunum. 

Þeir sem hafa lesið bókina vita að saga hennar er ótrúleg enda náði Nasty Gal ótrúlegum vinsældum á sínum tíma. Það var þó aðeins á seinasta ári þar sem fyrirtækið varð gjaldþrota. 

Við mælum með því að horfa á stikluna hér fyrir neðan en hún lofar vægast sagt góðu.