Kærstuparið hélt báðum beltunum

Ásmundur Hálfdán Ásmundsson, úr UÍA og Marín Laufey Davíðsdóttir úr HSK vörðu bæði beltin sín á Íslandsglímunni um helgina í Iðu á Selfossi.

Ásmundur sigraði Pétur Þóri Gunnarsson, Mývetning í síðustu glímunni og tryggði sér Grettisbeltið annað árið í röð. 

Marín sigraði allar sínar glímur af miklu öryggi. Jana Lind Ellertsdóttir varð í 2. sæti.  Þetta er í fimmta sinn sem Marín Laufey sigrar keppnina um Freyjumenið en metið á Svana Hrönn Jóhannsdóttir sem vann það sex sinnum á sínum tíma.

Svo skemmtilega vill til að þau Marín Laufey og Ásmundur Hálfdán eru kærustupar og bæði beltin verða því í góðu sambandi næsta árið.



Lokastaðan í Íslandsglímunni 2017:

Karlar:

Ásmundur Hálfdán Ásmundsson, UÍA

Pétur Þórir Gunnarsson,  Mývetningi

Einar Eyþórsso, Mývetningi

Konur:

Marín Laufey Davíðsdóttir, HSK

Jana Lind Ellertsdóttir, HSK

Eva Dögg Jóhannsdóttir, UÍA