Bein útsending frá ársfundi Orkuveitunnar

„Framtíðin er hafin“ er yfirskrift ársfundar Orkuveitu Reykjavíkur 2017, sem haldinn verður í Iðnó í dag klukkan 14:00.

Vísir mun sýna beint frá fundinum og sjá má útsendinguna hér að neðan.

„Rafmagn og önnur græn orka í samgöngum verður til umfjöllunar á fundinum og næstu skref ON í uppbyggingu á hlöðum fyrir rafbíla verða kynnt. Þá verður rætt um nýja tækni í mælingum á orkunotkun heimila og fyrirtækja, snjallvæðingu heilu dreifikerfanna og hvernig netið eykur möguleika viðskiptavina fyrirtækjanna til að leysa sjálfir sín mál hvenær sem er sólarhringsins,“ segir í ársfundarlýsingunni.

Sjá einnig: Meirihlutinn í OR vill greiða út 750 milljóna króna arð

„Tækniþróun felur í sér hættu á offjárfestingu sem neytendur borga á endanum fyrir. Sú hætta er víða fyrir hendi í orku- og veitukerfunum en hvergi í veröldinni er framleitt eins mikið rafmagn á hvern íbúa og á Íslandi og hvergi er notkun heimila jafn lítill hluti raforkuvinnslunnar.“

Dagskráin er svohljóðandi en Inga Dóra Hrólfsdóttir, framkvæmdastjóri Veitna, mun stýra fundi.

• Ávarp borgarstjóra, Dagur B. Eggertsson, borgarstjóri
• Okkar mikilvæga loftslag, Brynhildur Davíðsdóttir, formaður stjórnar OR
• Hlöðuball – innviðir fyrir rafbíla, Bjarni Már Júlíusson, framkvæmdastjóri ON
• Loftslagsmarkmið OR samstæðunnar, Hólmfríður Sigurðardóttir, umhverfisstjóri OR
• Straumar framtíðar, Bjarni Bjarnason, forstjóri OR

Katrín Halldóra Sigurðardóttir og Björgvin Franz Gíslason ásamt hljómsveit flytja tónlistaratriði úr uppsetningu Borgarleikhússins á Elly.