Britney Spears farin að mála og seldi fyrsta verkið á eina milljón

Söngkonan Britney Spears er hæfileikaríkur listamaður og ekki aðeins í söng og dansi. Hún hefur ákveðið að taka upp pensilinn og málaði fallega mynd á dögunum.

Spears hefur nú selt umrædda mynd fyrir tíu þúsund dollara eða því sem samsvarar rúmlega einni milljón íslenskra króna.

Hún gaf peninginn til góðgerðamáls í tengslum við fjöldamorðið í Las Vegas á dögunum en uppboð var haldið þegar verkið var selt.

Robin Leach var sá heppni sem náði í verkið en hér að neðan má sjá myndina sjálfa.