Kópavogsbær laus undan eftirlitsnefnd tveimur árum á undan áætlun Sæunn Gísladóttir skrifar 21. apríl 2017 11:16 Rekstrarafgangur Kópavogsbæjar nam tæplega 1,2 milljörðum króna árið 2016. Vísir/GVA Tímamót urðu í rekstri Kópavogsbæjar í árslok 2016 þegar skuldahlutfall bæjarins fór undir 150 prósent viðmið. Skuldahlutfall Kópavogsbæjar var 146 prósent í árslok sem þýðir að bærinn er laus undan eftirlitsnefnd með fjármálum sveitarfélaga, tveimur árum fyrr en áætlanir gerðu ráð fyrir segir í tilkynningu. Rekstrarafgangur Kópavogsbæjar nam tæplega 1,2 milljörðum króna árið 2016. Það er ríflega fjórfalt meiri afgangur en gert var ráð fyrir í fjárhagsáætlun sem gerði ráð fyrir 257 milljóna afgangi. Þetta kemur fram í ársreikningi Kópavogsbæjar sem lagður verður fram til fyrri umræðu í bæjarstjórn þriðjudaginn 25. apríl. „Það eru ánægjuleg og mikilsverð tímamót að skuldahlutfallið sé komið niður fyrir 150 prósent og eins að rekstrarafgangur sé svo mikill sem raun ber vitni. Jákvæð afkoma bæjarfélagsins skýrist meðal annars af lóðaúthlutunum og fjölgun í bæjarfélaginu. Það eru ýmis jákvæð teikn á lofti, en við leggjum samt áfram áherslu á aðhald og í rekstrinum, það er ekki síst nauðsynlegt þegar svo mikil þensla er í samfélaginu. Ársreikningurinn endurspeglar þessar áherslur sem lagðar hafa verið í rekstri bæjarfélagsins undanfarin ár,“ segir Ármann Kr. Ólafsson bæjarstjóri Kópavogs í tilkynningu. Laun og launatengd gjöld voru alls 14,2 milljarðar króna sem er 3,2 prósent yfir því sem áætlað var, einkum vegna launahækkana. Framlag til lífeyrisskuldbindinga sveitarfélagsins voru tæplega 1,2 milljarðar króna sem er 823 milljónir umfram áætlun. Hækkunin er meðal annars tilkomin vegna breytinga á reiknigrunni lífeyris, þar sem meðal annars er tekið tillit til lengri ævilíka. Heildarfjöldi starfsmanna hjá sveitarfélaginu í árslok 2016 var 2.856 en meðalfjöldi stöðugilda 2.165. Tekjur sveitarfélagsins námu rúmlega 28,1 milljarði en gert hafði verið ráð fyrir ríflega 26 milljörðum í tekjur fyrir A og B-hluta. Eigið fé samstæðunnar nam í árslok 17,2 milljörðum, en eigið fé A-hluta nam tæplega 16 milljörðum. Veltufé frá rekstri, var 3,6 milljarðar króna, en áætlanir höfðu gert ráð fyrir 3,4 milljörðum. Veltufé frá rekstri sýnir hvað rekstur gefur af sér til að standa undir framkvæmdum og afborgunum lána. Rekstrarniðurstaða A-hlutans var jákvæð um 617 milljónir króna en gert hafði verið ráð fyrir 103 milljóna króna afgangi. Skuldahlutfall samstæðu er sem fyrr segir 146 prósent en var 162,5 prósent í árslok 2015. Það var hæst 242 prósent árið 2010. Ekki voru tekin ný lán á árinu 2016 og alls greiddar 2,1 milljarðar í afborganir lána. Á síðasta ári hófust framkvæmdir við nýtt íþróttahús við Vatnsendaskóla. Lokið var við stækkun Hörðuvallaskóla. Keypt var nýtt húsnæði fyrir stjórnsýslu bæjarins og húsnæði fyrir nýtt búsetuúrræði í félagsþjónustu. Þá keypti bærinn húsnæði Myndlistarskólans í Kópavogi. Af umfangsmiklum verkefnum á árinu 2017 má nefna að áfram verður haldið með íþróttahús Vatnsendaskóla. Framkvæmdir við húsnæði fyrir Skólahljómsveit Kópavogs hefjast síðar á þessu ári og stækkun Kársnesskóla verður flýtt. Stefnt er að sölu fasteigna í Fannborg sem hýst hafa húsnæði stjórnsýslunnar. Þá verður íbúalýðræðisverkefnið Okkar Kópavogur sett í gang í annað sinn. Ekki verða tekin ný lán vegna þessara verkefna. Íbúar Kópavogs voru 35.234 þann 1. desember 2016 og fjölgaði um 1.129 frá fyrra ári eða um 3,31 prósent. Tengdar fréttir Fjármál Hafnarfjarðar ekki lengur undir eftirliti Rekstarniðurstaða sveitarfélagsins fyrir óreglulega liði var jákvæð um 754 milljónir á síðasta ári. 12. apríl 2017 09:00 Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Tímamót urðu í rekstri Kópavogsbæjar í árslok 2016 þegar skuldahlutfall bæjarins fór undir 150 prósent viðmið. Skuldahlutfall Kópavogsbæjar var 146 prósent í árslok sem þýðir að bærinn er laus undan eftirlitsnefnd með fjármálum sveitarfélaga, tveimur árum fyrr en áætlanir gerðu ráð fyrir segir í tilkynningu. Rekstrarafgangur Kópavogsbæjar nam tæplega 1,2 milljörðum króna árið 2016. Það er ríflega fjórfalt meiri afgangur en gert var ráð fyrir í fjárhagsáætlun sem gerði ráð fyrir 257 milljóna afgangi. Þetta kemur fram í ársreikningi Kópavogsbæjar sem lagður verður fram til fyrri umræðu í bæjarstjórn þriðjudaginn 25. apríl. „Það eru ánægjuleg og mikilsverð tímamót að skuldahlutfallið sé komið niður fyrir 150 prósent og eins að rekstrarafgangur sé svo mikill sem raun ber vitni. Jákvæð afkoma bæjarfélagsins skýrist meðal annars af lóðaúthlutunum og fjölgun í bæjarfélaginu. Það eru ýmis jákvæð teikn á lofti, en við leggjum samt áfram áherslu á aðhald og í rekstrinum, það er ekki síst nauðsynlegt þegar svo mikil þensla er í samfélaginu. Ársreikningurinn endurspeglar þessar áherslur sem lagðar hafa verið í rekstri bæjarfélagsins undanfarin ár,“ segir Ármann Kr. Ólafsson bæjarstjóri Kópavogs í tilkynningu. Laun og launatengd gjöld voru alls 14,2 milljarðar króna sem er 3,2 prósent yfir því sem áætlað var, einkum vegna launahækkana. Framlag til lífeyrisskuldbindinga sveitarfélagsins voru tæplega 1,2 milljarðar króna sem er 823 milljónir umfram áætlun. Hækkunin er meðal annars tilkomin vegna breytinga á reiknigrunni lífeyris, þar sem meðal annars er tekið tillit til lengri ævilíka. Heildarfjöldi starfsmanna hjá sveitarfélaginu í árslok 2016 var 2.856 en meðalfjöldi stöðugilda 2.165. Tekjur sveitarfélagsins námu rúmlega 28,1 milljarði en gert hafði verið ráð fyrir ríflega 26 milljörðum í tekjur fyrir A og B-hluta. Eigið fé samstæðunnar nam í árslok 17,2 milljörðum, en eigið fé A-hluta nam tæplega 16 milljörðum. Veltufé frá rekstri, var 3,6 milljarðar króna, en áætlanir höfðu gert ráð fyrir 3,4 milljörðum. Veltufé frá rekstri sýnir hvað rekstur gefur af sér til að standa undir framkvæmdum og afborgunum lána. Rekstrarniðurstaða A-hlutans var jákvæð um 617 milljónir króna en gert hafði verið ráð fyrir 103 milljóna króna afgangi. Skuldahlutfall samstæðu er sem fyrr segir 146 prósent en var 162,5 prósent í árslok 2015. Það var hæst 242 prósent árið 2010. Ekki voru tekin ný lán á árinu 2016 og alls greiddar 2,1 milljarðar í afborganir lána. Á síðasta ári hófust framkvæmdir við nýtt íþróttahús við Vatnsendaskóla. Lokið var við stækkun Hörðuvallaskóla. Keypt var nýtt húsnæði fyrir stjórnsýslu bæjarins og húsnæði fyrir nýtt búsetuúrræði í félagsþjónustu. Þá keypti bærinn húsnæði Myndlistarskólans í Kópavogi. Af umfangsmiklum verkefnum á árinu 2017 má nefna að áfram verður haldið með íþróttahús Vatnsendaskóla. Framkvæmdir við húsnæði fyrir Skólahljómsveit Kópavogs hefjast síðar á þessu ári og stækkun Kársnesskóla verður flýtt. Stefnt er að sölu fasteigna í Fannborg sem hýst hafa húsnæði stjórnsýslunnar. Þá verður íbúalýðræðisverkefnið Okkar Kópavogur sett í gang í annað sinn. Ekki verða tekin ný lán vegna þessara verkefna. Íbúar Kópavogs voru 35.234 þann 1. desember 2016 og fjölgaði um 1.129 frá fyrra ári eða um 3,31 prósent.
Tengdar fréttir Fjármál Hafnarfjarðar ekki lengur undir eftirliti Rekstarniðurstaða sveitarfélagsins fyrir óreglulega liði var jákvæð um 754 milljónir á síðasta ári. 12. apríl 2017 09:00 Mest lesið „Svo hefst kapphlaupið í það hver er fyrstur að ná sturtunni!“ Atvinnulíf Há laun og dýr bjór séu vandamál ÁTVR Viðskipti innlent Dagar Workplace eru taldir Viðskipti erlent Hnífjöfn atkvæðagreiðsla sem gæti endað fyrir dómi Viðskipti innlent Fyrsta flugi Icelandair til Pittsburgh fagnað Viðskipti Segir arðgreiðslur ÁTVR hafa lækkað um 400 milljónir vegna netsölu Viðskipti innlent Fyrirtæki hvött til að halda upp á daginn í dag og gera sér dagamun Atvinnulíf Rauf sátt vegna Max-málsins og gæti átt yfir höfði sér refsimál Viðskipti erlent Krökkunum finnst hálf hallærislegt að mamman kunni Friends þættina utan að Atvinnulíf Snillingur í útlöndum: „Þegar vinirnir keyptu sér nammi keypti ég mér diskókúlur“ Atvinnulíf Fleiri fréttir Há laun og dýr bjór séu vandamál ÁTVR Hnífjöfn atkvæðagreiðsla sem gæti endað fyrir dómi Segir arðgreiðslur ÁTVR hafa lækkað um 400 milljónir vegna netsölu Fóru í fyrsta flugið milli Calgary og Keflavíkurflugvallar Segir að Play sé og verði áfram með höfuðstöðvar á Íslandi Guðmundur tilnefndur til Evrópsku nýsköpunarverðlaunanna 2024 Forstjóri Play íhugar að fljúga frekar til Íslands en frá Base parking gjaldþrota Endurkjörinn formaður og fimm koma ný inn í stjórn Þjónusturof hjá alþjóðlegum birgja Samkaup, Heimkaup og Orkan hefja samrunaviðræður Stefna á opnun fyrsta skammtíma raforkumarkaðarins á næsta ári Bein útsending frá Nýsköpunarviku Sparisjóður hagnaðist um 205 milljónir króna Starfsfólk fær 150 milljónir í hlutabréfum Magnús eignast Latabæ á nýjan leik Ráðin framkvæmdastjóri Rue de Net Almennt útboð Íslandshótela hefst á morgun Ætlar að gera Grillhúsið að heitasta staðnum í Borgarnesi Landsvirkjun selur í fyrsta skipti í raforkukauphöll Ráðin forstöðukona Nýrra orkukosta Eigendur TGI Fridays kaupa Grillhúsið Freyr ráðinn til Eflingar Tilnefndur sem besti leikur fyrir snjalltæki á Norðurlöndum MAST olli Brúneggjum tjóni en RÚV sýknað Tilboðið afturkallað og Eik öðlast frelsi til athafna á ný Brottfarirnar í apríl nokkuð færri en á síðasta ári Engin hópuppsögn í apríl Fer frá Deloitte til Góðra samskipta Mun stýra tæknisviði Carbfix Sjá meira
Fjármál Hafnarfjarðar ekki lengur undir eftirliti Rekstarniðurstaða sveitarfélagsins fyrir óreglulega liði var jákvæð um 754 milljónir á síðasta ári. 12. apríl 2017 09:00