Húsasmiðjan innkallar límbyssu

Byggingavöruverslunin Húsasmiðjan hefur tilkynnt um innköllun á límbyssu frá Power Plus (Power Plus POW721). Gallan má rekja til samsetningar vörunnar hjá framleiðanda þar sem límbyssan getur lekið lími á samskeytum.

Samkvæmt tilkynningu fyrirtækisins hefur Húsasmiðjan upplýst framleiðanda um málið sem hefur nú þegar gert ráðstafanir við framleiðslu sína.

„Húsasmiðjan hvetur alla viðskiptavini sem verða varir við gallann eða vilja öryggsins vegna skila vörunni að gera það í næstu Húsasmiðjuverslun og fá hana endurgreidda. Húsasmiðjan biðst velvirðingar á þeim óþægindum sem þetta kann að valda,“ segir í tilkynningunni.