Malbikunarframkvæmdir á Miklubraut í kvöld og nótt

Í kvöld og nótt, eða frá klukkan 20 til 04, er stefnt að því að fræsa og malbika á Miklubraut til austurs og vesturs.

Í færslu á Facebook-síðu lögreglunnar á höfuðborgarsvæðinu kemur fram að malbika eigi á miðakrein frá gatnamótum við Háaleitisbraut og yfir gatnamót við Grensásveg, ystu akreinina til austurs yfir gatnamót við Grensásveg og svo að lokum miðakreinina til vesturs yfir gatnamót við Grensásveg.

Grensásvegur lokast yfir Miklubraut og verða lokanir og hjáleiðir verða merktar meðan framkvæmdirnar standa yfir.

Lögreglan biður vegfarendur um að virða merkingar og hraðatakmarkanir og sýna aðgát við vinnusvæðin sem eru þröng en menn og tæki eru við vinnu mjög nálægt akstursbrautum.