Glamour

Hvað stóð upp úr árið 2017?

Edda Gunnlaugsdóttir skrifar
Angela Missoni með fyrirsætum á tískuvikunni í Mílanó þegar haust og vetrarlína 2017/2018 var kynnt.
Angela Missoni með fyrirsætum á tískuvikunni í Mílanó þegar haust og vetrarlína 2017/2018 var kynnt. Nordicphotos
Pólitísk skilaboð á sýningu Prabal Gurung.Mynd/Nordicphotos
Árið var ansi viðburðaríkt í heimi tískunnar, en hér fer Glamour yfir það helsta. Þeir tískustraumar sem virkilega stóðu upp úr voru fáir en sterkir, og mjög áberandi. Pólitísk skilaboð, rauði liturinn og köflótt stóðu upp úr.



Pólitísk skilaboð


Við lok ársins 2016 voru pólitísk skilaboð farin að láta á sér kræla og urðu þau enn meira áberandi nú á árinu. Tískuhús eins og Christian Dior, Prabal Gurung og Missoni vöktu athygli á réttindum kvenna og feminisma, sem urðu síðan áberandi og mikilvæg málefni þegar leið á árið.

Stóru tískuhúsin lögðu flest áherslu á köflótt efni.
Köflótt

Köflóttir jakkar voru mjög vinsælir þetta árið og voru annaðhvort notaðir stakir eða með buxum í stíl. Stóru tískuhúsin voru með sínar útgáfur og voru aðrar verslanir ekki lengi að fylgja eftir. Köflótt mun halda áfram fyrir næsta sumar, en það verður stærra og litríkara í sniðinu.

Gigi Hadid í rauðu frá Max Mara.Nordicphotos
Rauður

Rauður litur var mjög áberandi á árinu, hvort sem það var í sumarfatnaði eða í þykkum vetrarkápum. Rautt var notað frá toppi til táar og fjölmargir hönnuðir notuðu rautt í fatalínum sínum, eins og Max Mara, Bottega Veneta og Christopher Kane.

Gerviloðfeldur úr smiðju Gucci.
Tímamót: Gucci hættir að nota alvöru loð

Það þykja stórtíðindi þegar tískuhús á borð við Gucci hættir að notast við alvöru loð, en loðbannið mun taka gildi á næsta ári. ,,Alvöru loð er ekki nútímalegt, það er að detta úr tísku,” sagði Alessandro Michele, listrænn stjórnandi Gucci þegar hann var spurður út í ákvörðunina. Áhugavert verður að sjá hvort fleiri tískuhús feti í fótspor Gucci á nýju ári.






×