Luxor ehf og Ofur hljóðkerfi sameinast undir nafni Luxor

Fyrirtækin Luxor tækjaleiga ehf og Ofur hljóðkerfi ehf hafa tilkynnt um sameiningu fyrirtækjanna undir nafni Luxor. Ofur hefur undanfarin ár boðið upp á hljóðkerfaleigu fyrir tónleika og skemmtanaiðnaðinn en Luxor boðið upp á ljósa-, skjá- og sviðsleigu fyrir viðburði.

Með sameiningunni verður til tækjaleiga sem kemur til með að geta boðið heildarlausnir í mynd, hljóð og lýsingu fyrir viðburði. Framkvæmdastjóri sameinaðs félags verður Bragi Reynisson núverandi framkvæmdastjóri Luxor. Nýr stjórnarformaður sameinaðs félags verður Óli Valur Þrastarson.