Flugfreyjufélagið og WOW air ná samkomulagi

Flugfreyjufélag Íslands og WOW air skrifuðu í morgun undir kjarasamning sem gildir til loka nóvember ársins 2019. Þetta staðfesti Orri Þrastarson, varaformaður félagsins, í samtali við fréttastofu Vísis. RÚV greindi frá fyrr í dag.

Orri kveðst ánægður með að samkomulag hafi náðst en samningar höfðu verið lausir frá því í september í fyrra. Talað hafði verið um fyrirhugaða stofnun nýs stéttarfélags flugliða í nóvember síðastliðnum.

Ekki fengust útlistuð efnisatriði samningsins en Orri segir að kynna þurfi samninginn fyrir félagsmönnum áður en slíkt er gert.