Lífið

Svona lítur óléttubumba út eftir barnsburð

Lilja Katrín Gunnarsdóttir skrifar
Instagram-stjarnan Courtney Baird hefur vakið mikla athygli fyrir að birta mynd af sér rétt fyrir og rétt eftir barnsburð. Þegar myndirnar tvær eru settar saman sést það svart á hvítu að óléttukúlan hverfur ekki eins og dögg fyrir sólu eftir að barnið kemur í heiminn, eins og Courtney hélt.

 „Ég hugsaði: Bless bumba! Ég sé fæturnar mínar aftur og loksins hættir fólk að spyrja mig hvenær ég sé sett,“ segir Courtney í viðtali við Us Weekly. En þegar Courtney leit í spegil eftir fæðingu sá hún konu sem leit út eins og hún væri komin sex mánuði á leið, eins og eðlilegt er.

„Ég held að oft séu bara sýndar myndir af konum á samfélagsmiðlum sem hafa jafnað sig strax eftir fæðingu og vippa sér samstundis í þröngar gallabuxur, án þess að það sjáist að þær hafa gengið með barn,“ bætir Courtney við. Þess vegna ákvað þessi Instagram-mamma að birta myndina af sér, aðeins einni viku eftir að hún eignaðist soninn Forden.

 

Courtney hefur nú þegar fengið hundruði skilaboð frá mæðrum sem tengja við myndina og hefur verið líkað við hana rúmlega fimmtán þúsund sinnum. 

„Maður á að einbeita sér hundrað prósent að því að hvíla sig eftir fæðingu, sem og að jafna sig og njóta tímans með barninu,“ segir Courtney og bætir við:

„Það er mikilvægt að vera góður við sig sjálfan og minna sig á að maður stóð sig vel.“



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.