Félag varaformanns stjórnar Kviku selur allt í bankanum Hörður Ægisson skrifar 1. nóvember 2017 07:30 Varða Capital átti tæplega 112 milljónir hluta að nafnverði í Kviku og má áætla að félagið hafi fengið í kringum 700 milljónir króna fyrir 7,7 prósenta hlut sinn í fjárfestingabankanum. Vísir/GVA Fjárfestingafélagið Varða Capital, sem er að stærstum hluta í eigu viðskiptafélaganna Jónasar Hagans Guðmundssonar og Gríms Garðarssonar, hefur selt allan hlut sinn í Kviku en félagið var fimmti stærsti hluthafi fjárfestingabankans með 7,7 prósenta eignarhlut. Sala á öllum bréfum félagsins kláraðist í byrjun þessarar viku, samkvæmt heimildum Markaðarins, en Jónas Hagan hafði tekið við sem varaformaður stjórnar Kviku banka fyrir aðeins sjö mánuðum. Kaupendur að hlut Vörðu Capital voru meðal annars hjónin Bogi Þór Siguroddsson og Linda Björk Ólafsdóttir, sem eiga Johan Rönning, í gegnum félagið Sindrandi ehf. sem á núna 2,05 prósenta hlut í Kviku. Þá bætti Einar Sveinsson fjárfestir við sig rúmlega eins prósents hlut í bankanum og á hann núna 2,3 prósent í gegnum eignarhaldsfélagið P126. Jónas Hagan staðfestir í samtali við Markaðinn að fjárfestingafélagið sé búið að losa um allan hlut sinn í Kviku. Aðspurður segir hann að þeir hafi talið þetta rétta tímann til að selja eftir að hafa náð „frábærri ávöxtun“ á fjárfestingu sína í bankanum. „Við göngum því sáttir frá borði,“ segir Jónas. Varða Capital, sem er auk þeirra Gríms og Jónasar í eigu Bandaríkjamannsins Edwards Schmidt, var í hópi fjárfesta sem keypti 65 prósenta hlut í Straumi fjárfestingabanka sumarið 2014 en ári síðar sameinaðist bankinn MP banka undir nafni Kviku. Fjárfestingafélag þeirra, sem kom meðal annars að fjármögnun lúxushótelsins við Hörpu, hagnaðist um rúmlega 220 milljónir króna í fyrra. Samkvæmt heimildum Markaðarins hafa bréf í Kviku verið að ganga kaupum og sölum að undanförnu á genginu 6 til 6,3 krónur á hlut. Varða Capital átti tæplega 112 milljónir hluta að nafnverði í bankanum og því má áætla að félagið hafi fengið samtals í kringum 700 milljónir króna fyrir 7,7 prósenta hlut sinn í Kviku.Jónas Hagan Guðmundsson hefur verið varaformaður stjórnar Kviku banka frá því í mars á þessu ári.Miklar breytingar hafa orðið á hlutahafahópi Kviku á undanförnum mánuðum og misserum. Þannig greindi Markaðurinn frá því í byrjun síðasta mánaðar að fjárfestingafélagið Sigla, sem er í eigu Tómasar Kristjánssonar og hjónanna Finns Reyrs Stefánssonar og Steinunnar Jónsdóttur, hefði selt allan hlut sinn í fjárfestingabankanum. Félagið var fyrir söluna einn stærsti hluthafi bankans með tæplega 7,3 prósenta hlut. Á meðal kaupenda að bréfum Siglu var Lífsverk lífeyrissjóður og Vilhjálmur Þorsteinsson, fjárfestir og fyrrverandi gjaldkeri Samfylkingarinnar. Þá bætti félag sem er í meirihlutaeigu Sigurðar Bollasonar fjárfestis við sig tæplega þriggja prósenta hlut í bankanum í júní síðastliðnum með kaupum á hlut Tryggingamiðstöðvarinnar og var eftir kaupin næststærsti hluthafi bankans með 9,93 prósenta hlut. Nokkrum vikum síðar eignaðist Hjörleifur Jakobsson, fjárfestir og fyrrverandi stjórnarmaður í Kaupþingi, ríflega 3,3 prósenta hlut í Kviku. Seljandi bréfanna var eignarhaldsfélagið Brimgarðar, sem var fyrir viðskiptin næststærsti hluthafi bankans með 8,3 prósent. Kvika festi sem kunnugt er kaup á öllu hlutafé í Virðingu fyrr á árinu en gert er ráð fyrir að samruni félaganna gangi formlega í gegn fyrir áramót. Fjármálaeftirlitið og Samkeppniseftirlitið hafa bæði samþykkt kaup bankans á Virðingu. Í lok september var greint frá því að stjórn Kviku hefði samþykkt að stefna skuli að skráningu hlutabréfa bankans á First North markaðinn í Kauphöllinni fyrir árslok. Hagnaður bankans á fyrstu sex mánuðum þessa árs nam 946 milljónum króna. Arðsemi eigin fjár á tímabilinu var 26,2 prósent en eigið fé Kviku var um 8.200 milljónir króna um mitt þetta ár. Stærstu hluthafar Kviku í dag eru tryggingafélagið VÍS með rúmlega fjórðungshlut, félag í meirihlutaeigu Sigurðar Bollasonar fjárfestis, sem á 9,93 prósenta hlut, Lífeyrissjóður verslunarmanna með 9,55 prósenta hlut og fjárfestingafélag í eigu Svanhildar Nönnu Vigfúsdóttur, fjárfestis og stjórnarformanns VÍS, með liðlega átta prósenta hlut. Fréttin birtist fyrst í Markaðnum, fylgiriti Fréttablaðsins um viðskipti og fjármál. Mest lesið Tíu prósenta tollur á færeyskar vörur Viðskipti erlent Ferðum Play til London, Parísar og Berlínar „sjálfhætt“ Viðskipti innlent Leist ekki á hagtölur og rak yfirmann stofnunarinnar Viðskipti erlent Tímabundin dreifing á sjónvarpsefni Sýnar hjá Símanum Viðskipti innlent Forstjóraskipti hjá Ice-Group Viðskipti innlent Hækkun tolla eins og þruma úr heiðskíru lofti Viðskipti innlent Á ég að greiða inn á lánið eða spara? Viðskipti innlent Hvalur hf. stefnir íslenska ríkinu Viðskipti innlent Kísiltollar gætu vel endað fyrir gerðardómi Viðskipti innlent Plastkubbahús sem eru íslensk hönnun og framleiðsla Samstarf Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira
Fjárfestingafélagið Varða Capital, sem er að stærstum hluta í eigu viðskiptafélaganna Jónasar Hagans Guðmundssonar og Gríms Garðarssonar, hefur selt allan hlut sinn í Kviku en félagið var fimmti stærsti hluthafi fjárfestingabankans með 7,7 prósenta eignarhlut. Sala á öllum bréfum félagsins kláraðist í byrjun þessarar viku, samkvæmt heimildum Markaðarins, en Jónas Hagan hafði tekið við sem varaformaður stjórnar Kviku banka fyrir aðeins sjö mánuðum. Kaupendur að hlut Vörðu Capital voru meðal annars hjónin Bogi Þór Siguroddsson og Linda Björk Ólafsdóttir, sem eiga Johan Rönning, í gegnum félagið Sindrandi ehf. sem á núna 2,05 prósenta hlut í Kviku. Þá bætti Einar Sveinsson fjárfestir við sig rúmlega eins prósents hlut í bankanum og á hann núna 2,3 prósent í gegnum eignarhaldsfélagið P126. Jónas Hagan staðfestir í samtali við Markaðinn að fjárfestingafélagið sé búið að losa um allan hlut sinn í Kviku. Aðspurður segir hann að þeir hafi talið þetta rétta tímann til að selja eftir að hafa náð „frábærri ávöxtun“ á fjárfestingu sína í bankanum. „Við göngum því sáttir frá borði,“ segir Jónas. Varða Capital, sem er auk þeirra Gríms og Jónasar í eigu Bandaríkjamannsins Edwards Schmidt, var í hópi fjárfesta sem keypti 65 prósenta hlut í Straumi fjárfestingabanka sumarið 2014 en ári síðar sameinaðist bankinn MP banka undir nafni Kviku. Fjárfestingafélag þeirra, sem kom meðal annars að fjármögnun lúxushótelsins við Hörpu, hagnaðist um rúmlega 220 milljónir króna í fyrra. Samkvæmt heimildum Markaðarins hafa bréf í Kviku verið að ganga kaupum og sölum að undanförnu á genginu 6 til 6,3 krónur á hlut. Varða Capital átti tæplega 112 milljónir hluta að nafnverði í bankanum og því má áætla að félagið hafi fengið samtals í kringum 700 milljónir króna fyrir 7,7 prósenta hlut sinn í Kviku.Jónas Hagan Guðmundsson hefur verið varaformaður stjórnar Kviku banka frá því í mars á þessu ári.Miklar breytingar hafa orðið á hlutahafahópi Kviku á undanförnum mánuðum og misserum. Þannig greindi Markaðurinn frá því í byrjun síðasta mánaðar að fjárfestingafélagið Sigla, sem er í eigu Tómasar Kristjánssonar og hjónanna Finns Reyrs Stefánssonar og Steinunnar Jónsdóttur, hefði selt allan hlut sinn í fjárfestingabankanum. Félagið var fyrir söluna einn stærsti hluthafi bankans með tæplega 7,3 prósenta hlut. Á meðal kaupenda að bréfum Siglu var Lífsverk lífeyrissjóður og Vilhjálmur Þorsteinsson, fjárfestir og fyrrverandi gjaldkeri Samfylkingarinnar. Þá bætti félag sem er í meirihlutaeigu Sigurðar Bollasonar fjárfestis við sig tæplega þriggja prósenta hlut í bankanum í júní síðastliðnum með kaupum á hlut Tryggingamiðstöðvarinnar og var eftir kaupin næststærsti hluthafi bankans með 9,93 prósenta hlut. Nokkrum vikum síðar eignaðist Hjörleifur Jakobsson, fjárfestir og fyrrverandi stjórnarmaður í Kaupþingi, ríflega 3,3 prósenta hlut í Kviku. Seljandi bréfanna var eignarhaldsfélagið Brimgarðar, sem var fyrir viðskiptin næststærsti hluthafi bankans með 8,3 prósent. Kvika festi sem kunnugt er kaup á öllu hlutafé í Virðingu fyrr á árinu en gert er ráð fyrir að samruni félaganna gangi formlega í gegn fyrir áramót. Fjármálaeftirlitið og Samkeppniseftirlitið hafa bæði samþykkt kaup bankans á Virðingu. Í lok september var greint frá því að stjórn Kviku hefði samþykkt að stefna skuli að skráningu hlutabréfa bankans á First North markaðinn í Kauphöllinni fyrir árslok. Hagnaður bankans á fyrstu sex mánuðum þessa árs nam 946 milljónum króna. Arðsemi eigin fjár á tímabilinu var 26,2 prósent en eigið fé Kviku var um 8.200 milljónir króna um mitt þetta ár. Stærstu hluthafar Kviku í dag eru tryggingafélagið VÍS með rúmlega fjórðungshlut, félag í meirihlutaeigu Sigurðar Bollasonar fjárfestis, sem á 9,93 prósenta hlut, Lífeyrissjóður verslunarmanna með 9,55 prósenta hlut og fjárfestingafélag í eigu Svanhildar Nönnu Vigfúsdóttur, fjárfestis og stjórnarformanns VÍS, með liðlega átta prósenta hlut. Fréttin birtist fyrst í Markaðnum, fylgiriti Fréttablaðsins um viðskipti og fjármál.
Mest lesið Tíu prósenta tollur á færeyskar vörur Viðskipti erlent Ferðum Play til London, Parísar og Berlínar „sjálfhætt“ Viðskipti innlent Leist ekki á hagtölur og rak yfirmann stofnunarinnar Viðskipti erlent Tímabundin dreifing á sjónvarpsefni Sýnar hjá Símanum Viðskipti innlent Forstjóraskipti hjá Ice-Group Viðskipti innlent Hækkun tolla eins og þruma úr heiðskíru lofti Viðskipti innlent Á ég að greiða inn á lánið eða spara? Viðskipti innlent Hvalur hf. stefnir íslenska ríkinu Viðskipti innlent Kísiltollar gætu vel endað fyrir gerðardómi Viðskipti innlent Plastkubbahús sem eru íslensk hönnun og framleiðsla Samstarf Fleiri fréttir Tímabundin dreifing á sjónvarpsefni Sýnar hjá Símanum Hækkun tolla eins og þruma úr heiðskíru lofti Forstjóraskipti hjá Ice-Group Kísiltollar gætu vel endað fyrir gerðardómi Hvalur hf. stefnir íslenska ríkinu Arion hagnaðist um tíu milljarða á öðrum fjórðungi Ferðum Play til London, Parísar og Berlínar „sjálfhætt“ Festi hagnast umfram væntingar Þota Play komin úr viðgerð eftir skemmdir vegna hagléls Evrópa verði upp á Kína komin verði af tollunum Sigurður viðskiptastjóri innviðalausna hjá Ofar Hagnaður minnkar um 38 prósent og arðgreiðsla óákveðin Funda með ráðherra vegna tollanna: „Ég ætla ekki að setjast í neitt dómarasæti“ Á ég að greiða inn á lánið eða spara? Loksins, mathöllin og fleiri staðir fá nýja rekstraraðila „Við erum að bæta við atvinnustoð í samfélaginu“ Kristján og Leó kaupa Landsbankahúsið á tæpa þrjá milljarða Sjómönnum sagt upp: Skipulagsbreytingar vegna veiðigjalda Vaxtalækkun í ágúst sé nánast útilokuð Opnuðu loks Hygge eftir 245 daga bið Verðbólgan hjaðnar á ný Gáfust upp á Facebook og opna verslun fyrir notaðar íþróttavörur Endurskipuleggja reksturinn „í vinsemd og virðingu“ Tekjur jukust um helming milli ára Hátt í þrjátíu sagt upp hjá Play Gengið rétti lítillega úr kútnum en hefur aldrei verið lægra Róðurinn þungur en hefur ekki áhyggjur af Play HBO Max streymisveitan komin til Íslands Gengi Play í frjálsu falli Alþjóðlegt bílafyrirtæki kaupir Öskju og systurfélög Sjá meira