Bein útsending: Haustfundur Landsvirkjunar

Opinn haustfundur Landsvirkjunar verður haldinn í Silfurbergi í Hörpu milli klukkan 8:30 og 19. Yfirskrift fundarins er „Endurnýjanleg orka er verðmætari“.

Sýnt verður beint frá fundinum sem hefst á ávarpi Harðar Arnarsonar, forstjóra Landsvirkjunar.

Í tilkynningu segir að Landsvirkjun hafi frá upphafi unnið endurnýjanlega orku og að vitundarvakning um umhverfis- og loftslagsmál á heimsvísu hafi aukið verulega verðmæti slíkrar raforku. „Á fundinum munu sérfræðingar okkar fjalla um þessi verðmæti frá ýmsum hliðum. Greint verður frá því hver áhrif loftslagsbreytinga hafa verið á orkuvinnslu og nýtingu íslenska kerfisins, hvernig endurnýjanleg orka er orðin eftirsóttari um allan heim og hvernig nýta má hana á ábyrgan og sjálfbæran hátt.“

Fylgjast má með fundinum í spilaranum að neðan, en þar má einnig finna dagskrá fundarins.

Dagskrá fundarins:

• Hörður Arnarson forstjóri - Hlutverk Landsvirkjunar - fjárhagsleg staða - endurnýjanleg orka
• Úlfar Linnet forstöðumaður rannsóknadeildar - Áhrif bráðnunar jökla á íslenska orkukerfið
• Ásbjörg Kristinsdóttir yfirverkefnisstjóri stækkunar Búrfellsvirkjunar - Bætt nýting auðlindar við Búrfell
• Myndband: Ljósafossstöð - Endurnýjanleg orka í 80 ár
• Einar Mathiesen framkvæmdastjóri orkusviðs - Hvernig tryggjum við endingu aflstöðva?
• Guðrún Ólafía Brynleifsdóttir verkefnisstjóri á samskiptasviði - Samspil orku og ferðamála
• Myndband: Kröflustöð - Vagga jarðvarma á Íslandi í 40 ár
• Valur Knútsson yfirverkefnisstjóri Þeistareykjavirkjunar - Sjálfbær nýting jarðvarma á Þeistareykjum
• Ragnheiður Ólafsdóttir umhverfisstjóri - Kolefnishlutlaus Landsvirkjun árið 2030
• Myndband: Fljótsdalsstöð - Orkuvinnsla og sjálfbærni í 10 ár
• Þórólfur Nielsen forstöðumaður viðskiptagreiningar - Endurnýjanleg raforka á heimsvísu
• Birna Ósk Einarsdóttir framkvæmdastjóri markaðs- og viðskiptaþróunarsviðs - Markaðssetning endurnýjanlegrar orku
• Ragna Árnadóttir aðstoðarforstjóri - Endurnýjanleg orka er verðmætari