Míla og 365 semja um fastlínusambönd og skammtímatengingar

Míla ehf. og 365 undirrituðu á dögunum samning um fastlínusambönd og skammtímatengingar vegna útsendinga frá Dominosdeild karla og kvenna í körfubolta og Olísdeild karla og kvenna í handbolta.

Í tilkynningu frá Mílu segir að Jón Ríkharð Kristjánsson framkvæmdastjóri Mílú og Sigrún L. Sigurjónsdóttir framkvæmdastjóri fjármálasviðs 365 hafi undirritað samninginn.

„365 er með metnaðarfull markmið um dreifingu á íslensku íþróttaefni. Umfjöllun í tengslum við íþróttir verður enn meiri en áður og mun þessi samningur gera 365 kleift að veita áskrifendum sínum enn betri þjónustu og koma öllu efni fljótt og örugglega til áhorfenda,“ segir í tilkynningunni.