Seagal móðgaði Liam Neeson

Norður-írski leikarinn sagði Jimmy Kimmel frá því í gærkvöldi að Steven Seagal hefði einu sinni móðgað sig. Skömmu eftir að hann lék í einni Taken myndinni heyrði hann af því að Seagal hefði sagt að hann kynni ekki að kýla. Það hefði farið verulega í taugarnar á honum.

Það verður að segjast að sú yfirlýsing Seagal er jafnvel fáránlegri en ummæli hans um mótmæli NFL-leikmanna.

Sjá einnig: Mótmæli NFL-leikmanna eru viðbjóðsleg



Liam Neeson, meðal annars, þjálfaði bæði Batman og Obi Wan Kenobi. Hann stýrði League of Shadows um árabil, stýrði einnig A-Team og barðist við úlfa með ekkert nema litlar glerflöskur límdar við hnúana og Seagal segir að hann kunni ekki að kýla. Þar að auki æfði hann hnefaleika á sínum yngri árum.

Það var þó ljóst að umrædd ummæli Seagal fóru í taugarnar á Neeson.