Glamour

Litaglöð sýning Marc Jacobs

Ritstjórn skrifar
Glamour/Getty
Síðasta sýning tískuvikunnar í New York var Marc Jacobs og verður að viðurkenna að hún kom á óvart. Það var margt í gangi hjá Marc, miklir og skærir litir, pallíettur, risastórar töskur og höfuðklútar. 

Sýningin var hljóðlát, en engin tónlist heyrðist á meðan sýningunni stóð. Hins vegar hljómaði dramatísk aría í lokin, þegar fyrirsæturnar gengu sinn ,,lokahring." Sýningin var haldin á Park Avenue Armory á Manhattan. 

Það var mikil litagleði í þessari sumarlínu Marc Jacobs, mynstrin voru bæði stór og lítil, og fötin voru mörg svolítið stór og víð. Það var mjög lítið um svart, aðeins nokkrar flíkur. Töskur voru annaðhvort mjög stórar eða litlar mittistöskur eins og hefur verið áberandi fyrir veturinn. Einnig var hann með dragtir, stuttbuxnadragtir og smekkbuxur. 

Höfuðklútarnir voru einstaklega áberandi á þessari sýningu, þar sem hver einasta fyrirsæta gekk með mismunandi lit af höfuðklút. Verður það stóra trendið fyrir næsta sumar? 

Mest lesið




×

Mest lesið