Flýta opnun á nýrri verslun Lindex í Reykjanesbæ

Verslunin Lindex flýtir opnun á nýrri verslun í Reykjanesbæ. Opnunin verður því tveimur vikum á undan áætlun. Framkvæmdir hafa gengið vel og opnun verður því 29. Júlí kl. 12. Þetta verður sjötta verslun Lindex á landinu. 

„Við erum ótrúlega ánægð að eiga möguleika á að flýta opnun í kjölfarið af því að framkvæmdir gengu framar björtustu vonum.  Næstu daga munum við vinna stíft að því að stilla upp versluninni og þannig bjóða einstaka tískuupplifun til viðskiptavina okkar á Suðurnesjum.  Við hlökkum mikið til að opna á Suðurnesjunum á laugardaginn kemur.“ segir Lóa Dagbjört Kristjánsdóttir, umboðsaðili Lindex á Íslandi.