Sjáðu myndirnar úr brúðkaupi Jóns Jónssonar og Hafdísar Bjarkar

Tónlistarmaðurinn Jón Jónsson gekk að eiga unnustu sína til 15 ára, hana Hafdísi Björk Jónsdóttur tannlækni, í Dómkirkjunni í gær.

Veislan var hin glæsilegasta og var grínistinn og góðvinur parsins Björn Bragi Arnarsson veislustjóri, en veislan var haldin í Gamla Bíó.

„Fyrir 15 árum sendi ég Hafdísi skilaboð og sagði henni að Jón Ragnar vinur minn væri hrifinn af henni. Í gær fékk ég að vera veislustjóri í brúðkaupinu þeirra,“ skrifar Björn Bragi á Instagram síðu sinni.

Bróðir Jóns, söngvarinn Friðrik Dór Jónsson kynnti brúðhjónin þegar þau komu til veislunnar og spiluðu Sálin hans Jóns míns og Emmsjé Gauti fyrir dansi.

Hér fyrir neðan má sjá myndir sem veislugestir hafa deilt á Instagram undir hinu einkar viðeigandi kassamerki #hjon1717.