Glamour

iglo + indi í samstarf við Kærleiksbirnina

Ritstjórn skrifar
Glamour

Íslenska barnafatamerkið iglo + indi kynnti samstarf sitt við Kærleiksbirnina á barnatískusýningunni Pitti Bimbo í Flórens. Það kannast flestir við Kærleiksbirnina (e. Care Bears) en þættirnir boðuðu endurkomu sína fyrir þremur árum á Netflix. Það er alltaf gaman þegar íslensk fatamerki fá góða athygli á erlendri grundu en eigendur Kærleiksbjarnanna, American Greetings, höfðu samband eftir að þau sáu fatamerkið í Milk Magazine.  

,,Ég á góðar minningar frá því að hafa horft á þættina með yngri systur minni og þykir mjög vænt um samstarfið,” segir Helga Ólafsdóttir, eigandi iglo + indi.

Ástæðan fyrir samstarfinu er 35 ára afmæli Kærleiksbjarnanna og valdi fyrirtækið sex alþjóðleg barnatískumerki til að taka þátt. Vörurnar verða framleiddar í takmörkuðu upplagi og verður afmælinu fagnað á Pitti Bimbo. Fötin koma í verslarnir í byrjun næsta árs, og mun hluti af ágóðanum renna til styrktar góðagerðafélagsins Oxfam.

Þða er óhætt að segja að hér er á ferðinni eitt krúttlegt samstarf!



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.