Viðskipti framkvæmdastjórans rædd á stjórnarfundi Kadeco Haraldur Guðmundsson skrifar 27. júní 2017 06:00 Kjartan Þór Eiríksson segir ráðningarsamning sinn ekki banna honum að eiga félög. Mynd/kadeco Stjórn Þróunarfélags Keflavíkurflugvallar, Kadeco, mun í dag funda með Kjartani Þór Eiríkssyni, framkvæmdastjóra félagsins, og óska eftir upplýsingum um fjárfestingar félags í helmingseigu hans í fasteignum á Ásbrú í Reykjanesbæ. Félög í eigu eða tengd viðskiptafélaga Kjartans hafa keypt þrjár fasteignir af Kadeco fyrir alls 150 milljónir króna. Sigurður Kári Kristjánsson, stjórnarformaður Kadeco, sem er alfarið í eigu íslenska ríkisins, segir að fjárfestingar einkahlutafélagsins Airport City á Ásbrú hafi fyrst komið til umræðu á stjórnarfundi fyrripart maí en málinu hafi þá verið frestað þangað til í dag. Kjartan á helmingshlut í Airport City sem hefur að hans sögn fjárfest í fasteignum sem voru áður í eigu Eignarhaldsfélagsins AV ehf. (EAV), sem keypti árið 2003 alls 40 prósenta hlut ríkisins í Íslenskum aðalverktökum (ÍAV). „Ég hafði áður upplýst stjórnarformann um þessi mál áður en kom að þeim fundi. Það eru engir hagsmunaárekstrar og umfangið sambærilegt því að borgarstjórinn í Reykjavík eigi fasteign innan borgarmarka,“ segir Kjartan. Airport City var stofnað í nóvember í fyrra af Kjartani og fjárfestinum Sverri Sverrissyni. Fréttavefurinn sudurnes.net hefur fjallað um félagið og greint frá því að Kjartan sé framkvæmdastjóri þess og að það hafi ekki átt í viðskiptum við Kadeco. Stjórn Kadeco, sem tók við fasteignum á gamla varnarliðssvæðinu við brottför hersins í október 2006, samþykkti í ársbyrjun 2016 55 milljóna króna kauptilboð Sverris Sverrissonar hf. í Skógarbraut 945, um 550 fermetra skrifstofuhúsnæði á Ásbrú. Sverrir er einnig hluthafi í félaginu G604 ehf. sem keypti fjölbýlishúsið Grænásbraut 604-606 á 60 milljónir. Um er að ræða 1.600 fermetra eign sem var afhent í febrúar síðastliðnum en tilboðið barst að sögn Kjartans í ársbyrjun 2016. Félag Sverris gerði þá einnig tilboð í fasteignina Keilisbraut 755, sem Kadeco samþykkti, en Reykjanesbær nýtti í kjölfarið forkaupsrétt. Að lokum keypti Fasteignafélagið Þórshamar Funatröð 3 á 35 milljónir í árslok 2015. Sverrir var þá stjórnarformaður félagsins en iðnaðarhúsnæðið telur 1.300 fermetra og var skömmu síðar selt Bílaleigu Akureyrar. „Það er mikilvægt að skoða tímalínuna í þessu en þetta gerist allt áður en við stofnum til einhverra viðskipta saman. Við áttum engin tengsl fyrir þann tíma og hann [Sverrir] á hæstu boð í þessar eignir á þessum tíma og þetta eru eignir sem höfðu verið til sölu lengi og stóðu öllum til boða,“ segir Kjartan. „Það er ekkert í mínum ráðningarsamningi sem bannar mér að eiga slík félög en um leið og þessi mál eru komin í þann farveg að við erum að kaupa þessar eignir þá upplýsi ég um það þegar er útséð með að við erum að kaupa þær,“ segir Kjartan og svarar aðspurður að hann hafi greint stjórnarformanni Kadeco frá fjárfestingum Airport City á Ásbrú í byrjun sumars eða um hálfu ári eftir að félagið var stofnað. Birtist í Fréttablaðinu Mest lesið Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Matvöruverslun og íbúðir steinsnar frá Keflavíkurflugvelli Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Neytendur kunna að meta Landlaxinn og Landbleikjuna Samstarf Frumkvöðlar koma saman í Kolaportinu Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira
Stjórn Þróunarfélags Keflavíkurflugvallar, Kadeco, mun í dag funda með Kjartani Þór Eiríkssyni, framkvæmdastjóra félagsins, og óska eftir upplýsingum um fjárfestingar félags í helmingseigu hans í fasteignum á Ásbrú í Reykjanesbæ. Félög í eigu eða tengd viðskiptafélaga Kjartans hafa keypt þrjár fasteignir af Kadeco fyrir alls 150 milljónir króna. Sigurður Kári Kristjánsson, stjórnarformaður Kadeco, sem er alfarið í eigu íslenska ríkisins, segir að fjárfestingar einkahlutafélagsins Airport City á Ásbrú hafi fyrst komið til umræðu á stjórnarfundi fyrripart maí en málinu hafi þá verið frestað þangað til í dag. Kjartan á helmingshlut í Airport City sem hefur að hans sögn fjárfest í fasteignum sem voru áður í eigu Eignarhaldsfélagsins AV ehf. (EAV), sem keypti árið 2003 alls 40 prósenta hlut ríkisins í Íslenskum aðalverktökum (ÍAV). „Ég hafði áður upplýst stjórnarformann um þessi mál áður en kom að þeim fundi. Það eru engir hagsmunaárekstrar og umfangið sambærilegt því að borgarstjórinn í Reykjavík eigi fasteign innan borgarmarka,“ segir Kjartan. Airport City var stofnað í nóvember í fyrra af Kjartani og fjárfestinum Sverri Sverrissyni. Fréttavefurinn sudurnes.net hefur fjallað um félagið og greint frá því að Kjartan sé framkvæmdastjóri þess og að það hafi ekki átt í viðskiptum við Kadeco. Stjórn Kadeco, sem tók við fasteignum á gamla varnarliðssvæðinu við brottför hersins í október 2006, samþykkti í ársbyrjun 2016 55 milljóna króna kauptilboð Sverris Sverrissonar hf. í Skógarbraut 945, um 550 fermetra skrifstofuhúsnæði á Ásbrú. Sverrir er einnig hluthafi í félaginu G604 ehf. sem keypti fjölbýlishúsið Grænásbraut 604-606 á 60 milljónir. Um er að ræða 1.600 fermetra eign sem var afhent í febrúar síðastliðnum en tilboðið barst að sögn Kjartans í ársbyrjun 2016. Félag Sverris gerði þá einnig tilboð í fasteignina Keilisbraut 755, sem Kadeco samþykkti, en Reykjanesbær nýtti í kjölfarið forkaupsrétt. Að lokum keypti Fasteignafélagið Þórshamar Funatröð 3 á 35 milljónir í árslok 2015. Sverrir var þá stjórnarformaður félagsins en iðnaðarhúsnæðið telur 1.300 fermetra og var skömmu síðar selt Bílaleigu Akureyrar. „Það er mikilvægt að skoða tímalínuna í þessu en þetta gerist allt áður en við stofnum til einhverra viðskipta saman. Við áttum engin tengsl fyrir þann tíma og hann [Sverrir] á hæstu boð í þessar eignir á þessum tíma og þetta eru eignir sem höfðu verið til sölu lengi og stóðu öllum til boða,“ segir Kjartan. „Það er ekkert í mínum ráðningarsamningi sem bannar mér að eiga slík félög en um leið og þessi mál eru komin í þann farveg að við erum að kaupa þessar eignir þá upplýsi ég um það þegar er útséð með að við erum að kaupa þær,“ segir Kjartan og svarar aðspurður að hann hafi greint stjórnarformanni Kadeco frá fjárfestingum Airport City á Ásbrú í byrjun sumars eða um hálfu ári eftir að félagið var stofnað.
Birtist í Fréttablaðinu Mest lesið Krökkunum finnst hálf hallærislegt að mamman kunni Friends þættina utan að Atvinnulíf Þarf að greiða kortareikninginn og meira til í málskostnað Neytendur Matvöruverslun og íbúðir steinsnar frá Keflavíkurflugvelli Viðskipti innlent Krónísk óstundvísi: Skýringar og góð ráð Atvinnulíf Tekjur Apple drógust saman enn eina ferðina Viðskipti erlent Stofnandi Binance dæmdur fyrir peningaþvætti Viðskipti erlent Dýrmætustu og sjaldgæfustu Mustang bílar landsins á afmælissýningu Mustang Samstarf Viljinn tekinn til gjaldþrotaskipta Viðskipti innlent Neytendur kunna að meta Landlaxinn og Landbleikjuna Samstarf Frumkvöðlar koma saman í Kolaportinu Viðskipti innlent Fleiri fréttir Matvöruverslun og íbúðir steinsnar frá Keflavíkurflugvelli Röntgen Domus og Orkuhúsið fá ekki að sameinast Viljinn tekinn til gjaldþrotaskipta Spá því að stýrivextir haldist óbreyttir Bein útsending: Ársfundur SFS – Best í heimi? Mun bjóða upp á sömu flugáætlun og Bláfugl áður Grindvíkingar borgi allt að þriðjungi hærri leigu en aðrir Guðný og Sigurður Helgi til SI Tekur við stöðu sviðsstjóra Netöryggismiðstöðvar Íslands Hagnaður Íslandsbanka 5,4 milljarðar á fyrsta fjórðungi Arnar Már nýr aðstoðarforstjóri Vinnunetföng algeng leið fyrir hakkara til að brjótast inn í íslensk fyrirtæki Sjö vilja taka við af Gunnari Hagnaður Landsbankans nam 7,2 milljörðum á fyrstu þremur mánuðum ársins Frumkvöðlar koma saman í Kolaportinu Hefja sölu á íbúðum á Orkureitnum Bein útsending: Stærri styrktækifæri í mannvirkjaiðnaði Lokar Önnu Jónu og segir það mikinn létti Hagnaður Arion dróst saman um tvo milljarða Hefja úthlutun lóða í Vatnsendahvarfi Ráðherra bað um tíu milljarða króna í viðbót í arð Bein útsending: Eftirfylgni við Stöðugleikasamninginn Landa stórum sölusamningi Reginn afturkallar samrunatilkynningu við Eik Vextir verði ekki lækkaðir fyrr en í haust Hafa tryggt útgáfu íslenska tölvuleiksins Island of Winds Verðbólgan úr sex prósentum í ár í 3,5 prósent árið 2026 Vilja gera tilraunir með orkuframleiðslu í geimnum á Íslandi Reksturinn þungur í kjölfar „yfirgangs og afskipta lögreglu“ Fjármálastjóri Play segir upp Sjá meira