Ingólfur Bender til Samtaka iðnaðarins

Ingólfur Bender, sem var áður aðalhagfræðingur greiningardeildar Íslandsbanka, hefur verið ráðinn hagfræðingur Samtaka iðnaðarins (SI), samkvæmt heimildum Vísis. Tekur hann við starfinu af Bjarna Má Gylfasyni sem tók nýlega við starfi upplýsingafulltrúa Rio Tinto Alcan á Íslandi.

Ingólfur var aðalhagfræðingur og yfirmaður greiningardeildar Íslandsbanka allt frá árinu 2000 en hætti þar störfum í síðasta mánuði samhliða skipulagsbreytingum sem bankinn réðst í.

Þetta er ekki í fysta sinn sem Ingólfur starfar hjá SI en hann var hagfræðingur samtakanna á árunum 1996 til 2000.