Sport

Réðst á kastarann eftir að hafa fengið boltann í sig | Myndband

Eiríkur Stefán Ásgeirsson skrifar
Frá slagsmálunum í gær.
Frá slagsmálunum í gær. Vísir/Getty
Það var ótrúleg uppákoma í leik Washington Nationals og San Fransisco Giants í bandarísku MLB-deildinni í hafnabolta í gær þegar slagsmál brutust út á milli leikmanna.

Allt hófst á því að kastari Giants, Hunter Strickland, kastaði boltanum í mjöðm Bryce Harper. Sá síðarnefndi brást afar illa við og brutust út mikil slagsmál, eins og sjá má í þessu myndbandi á heimasíðu ESPN.

„Í þessari stöðu fer maður annað hvort í aðra höfn eða veður í hann. Ég ákvað að vaða í hann,“ sagði Harper í samtali við fjölmiðla eftir leikinn í gær.

Boltinn var á mikilli ferð - um 155 km/klst - og sagði þjálfari Giants eftir leik að kastið hafi litið illa út hjá Strickland. Hann sagði þó að um óviljaverk hafi verið að ræða.

Aðrar íþróttir

Mest lesið


Fleiri fréttir

Sjá meira


×

Mest lesið