Vodka­aug­lýsingar notaðar til að fræða Banda­ríkja­menn um Ís­land

Fyrsta sjónvarpsherferð hins íslenska Reyka Vodka hefur litið dagsins ljós í Bandaríkjunum.

Auglýsingarnar eru fjórar talsins, hver um sig 15 sekúndur að lengd og verða sýndar í Portland í Oregonfylki fram í águst.

Í aðalhlutverki auglýsinganna er Íslendingurinn Frikki sem fræðir áhorfendur um hin fjölmörgu líkindi milli íbúa Portland og Íslendinga.

Í auglýsingunum ræðir Frikki meðal annars um dálæti Íslendinga á skeggjum, fótbolta, hvernig nafn vodkasins kom til og hvað landsmönnum finnst best að borða.

Auglýsingarnar eru unnar í samstarfi við auglýsingastofuna Tettemer O’Connell + Partners og eru hluti af stærri markaðsherferð sem m.a. mun fela í sér stuðning Reyka við tónlistarhátíðir í Portland.

Auglýsingarnar má sjá hér að neðan.