Guðrún ráðin til H:N Markaðssamskipta

Guðrún Ansnes hefur verið ráðin sem viðskipta- og almannatengill hjá auglýsingastofunni H:N Markaðssamskiptum.

Guðrún starfaði áður á Fréttablaðinu og sem upplýsingafulltrúi Perlan Museum áður en hún réð sig til starfa hjá H:N.

Í tilkynningu frá fyrirtækinu er haft eftir Guðrúnu að hún segi það mikið tilhlökkunarefni að fá að taka þátt í öllum þeim spennandi verkefnum sem bíða sín.  „Ég efast ekki um að reynsla mín úr fjölmiðlaheiminum eigi eftir að koma að góðum notum,“ segir Guðrún.

„Guðrún er þrítug og með BA-gráðu í mannfræði frá Háskóla Íslands. Hún ólst upp í Þorlákshöfn og gekk í Fjölbrautaskóla Suðurlands áður en leiðin lá í mannfræði við Háskóla Íslands. Hún hefur einnig lokið námi í stafrænni markaðssetningu frá Opna háskólanum í Reykjavík.

Kærasti Guðrúnar er Einar Ben framkvæmdastjóri framleiðslufyrirtækisins Tjarnargötunnar, og eiga þau einn son, Benedikt sem er þriggja ára,“ segir í tilkynningunni.