Kaupfélag Skagfirðinga hagnast um 1,3 milljarða

Hagnaður Kaupfélags Skagfirðinga á síðasta ári var 1.367 milljónir króna. Frá þessu er greint í Feyki en aðalfundur Kaupfélagsins fór fram um helgina í matsal Kjötafurðastöðvarinnar á Sauðárkróki.

Þórólfur Gíslason kaupfélagsstjóri sagði á fundinum að rekstur á síðasta ári hafi verið sambærilegur og árið 2015.

Heildartekjur kaupfélagsins lækkuðu lítið milli ára og voru 31,2 milljarðar árið 2012. Þá var rekstrarhagnaður fyrir afskriftir og fjármagnsliði 4,2 milljarðar sem er sama tala og árin 2015 og 2014.

Laun og launatengd gjöld voru 7,5 milljarðar króna á síðasta ári. Eigið fé, ásamt hlutdeild minnihluta, nam 27,8 milljörðum króna í árslok.